Kosmos 94.1

Kry die nuus soos dit breek.

'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.

President Netumbo Nandi-Ndaitwah versoek tradisionele leiers om te help om armoede, droogte en voedselonsekerheid in hul gemeenskappe te bekamp. Haar boodskap is onlangs deur visepresident Lucia Witbooi tydens die 27ste jaarlikse vergadering van die Raad van Tradisionele Leiers in Otjiwarongo oorgedra, wat deur verteenwoordigers van al 53 erkende tradisionele owerhede bygewoon is. Sy het ook gesê dit is onaanvaarbaar dat tradionele leiers sommige gemeenskapslede van grond en boerdery-aktiwiteite uitsluit.

Die Nasionale Vervolgingsgesag sê die besluit om borgtog te weier aan die voormalige adjunk-nasionale polisiekommissaris, Shadrack Sibiya, stem ooreen met waarvoor die staat gepleit het. Woordvoerder Kaizer Kganyago sê die staat het 'n sterk saak gestel. Sibiya word in die Randburgse landdroshof in Gauteng aangekla van verkragting, die seksuele gereedmaking van 'n minderjarige en mensehandel. Kganyago sê die vervolgingsgesag is gereed om die saak voort te sit indien Sibiya teen die borgtogbeslissing appelleer:

'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.

President Cyril Ramaphosa sê Suid-Afrika moet gereed maak om van die Wet op Groei en Geleenthede in Afrika, of Agoa, uitgesluit te word. Dit volg nadat die verhouding tussen Washington en Pretoria versleg het, en ʼn besluit oor Suid-Afrika word op 2 November verwag. Die uitvoerende hoof van Solidariteit, Dirk Hermann, beskuldig in ’n onderhoud met Kosmos 94.1 Nuus die Suid-Afrikaanse regering van roekelose politieke posisionering. Hy waarsku dat die verlies van belastingvrye toegang tot die Amerikaanse mark tot 250 000 werksgeleenthede in gevaar kan stel.

Nog 'n skerp styging in voedselpryse kan volgende jaar verwag word, omdat die dreigende El Niño en bek-en-klouseer uitbreking landbou-uitset bedreig. Helena Mboti, 'n ekonoom by Standard Bank Namibië, waarsku dat dit die onlangse verligting in voedselinflasie ongedaan kan maak. Dit sal verdere druk op huishoudings plaas wat reeds onder hoë brandstof- en vervoerkoste gebuk gaan. Sy het met Kosmos 94.1 Nuus gepraat:

'n Belangrike bulletin misgeloop? Geen probleem, luister na elke bullie net hier. Al die hoof nuus op een plek.

Australië se eerste minister Anthony Albanese het politici gevra om die stygende temperatuur van politieke retoriek te temper. Dit volg nadat ʼn onafhanklike parlementslid, Helen Haines, gister buite haar kantoor in Wangaratta raakgery en ernstig beseer is. ʼn Drie-en-veertigjarige man is gearresteer. In 2025/2026 is een-duisend-67 berigte van teistering en dreigemente teen politici in Australië aangemeld teenoor 951 die jaar tevore. Albanese waarsku toenemend vyandige, persoonlike en geweldsretoriek bedreig demokratiese instellings en ontmoedig leierskap:

Die Vereniging van Staatsamptenare sê die herinstelling van die nasionale polisiekommissaris, Fannie Masemola, kom op ʼn tydstip waar openbare vertroue in die Suid-Afrikaanse Polisiediens uiters min is. Masemola is in April geskors na strafregtelike klagtes wat verband hou met sy beweerde versuim om moontlike tenderbedrog in die SAPD te voorkom. Die aanklagte is in September weens onvoldoende bewyse teruggetrek. Die vakbond-woordvoerder, Claude Naicker, sê gemeenskappe eis polisiëring wat doeltreffend, aanspreeklik en deursigtig is: