Ein debatt om antisemittisme. I panelet: Marte Michelet, Håkon Harket og Anne Sender.

Opptaket er gjort under den åtte timar lange framsyninga Andre verdskrigen - natt i verda der det er ein debattdel mitdvegs. Paneldeltakarar og tema er ulike frå gong til gong.

Marte Michelet er journalist og forfattar. I 2014 gav ho ut boka Den største forbrytelsen, om ofre og gjerningsmenn i det norske holocaust. For boka fekk Michelet Brageprisen 2014 for beste dokumentarbok.

Håkon Harket er idéhistorikar, forfattar og forleggjar. Han har skrive om jødisk historie og sionismens opphav i boka Jødehat (2005). I 2014 kom boka Paragrafen : Eidsvoll 1814 som handlar om den såkalla «jødeparagrafen» som hindra jødar å komme til Noreg.

Anne Sender er forfattar, pedagog og bistandsarbeidar. Frå 2005 til 2011 var ho forstandar for Det Mosaiske trossamfunn i Oslo. I 2013 fekk ho Brobyggerprisen, og i 2014 Fritt Ords Pris. Ho gav ut boka Vår jødiske reise på Cappelen Damm i 2013. Sender er no sekretariatsleiar i Samarbeidsrådet for tros- og livssynssamfunn.

Samtaleleiar: Sigrid Sollund er journalist og programleiar i Dagsnytt Atten på NRK.