ཀུན་གླེང་ལས་རིམ་དུ་ཕུན་ཚོགས་ལྷུན་གྲུབ་ལགས་ཀྱིས་རྒྱལ་སྤྱིའི་བོད་དོན་ལས་འགུལ་ཁང་གི་ཉམས་ཞིབ་འགན་འཛིན་བུ་ཆུང་ཚེ་རིང་ལགས་གདན་འདྲེན་ཞུས་ནས། ཨ་རིའི་ཕྱི་སྲིད་ལྷན་ཁང་གིས་གྲོས་ཚོགས་ལ་ཕུལ་བའི་༢༠༢༣ ལོའི་རྒྱལ་སྤྱིའི་ཆོས་དད་རང་དབང་གི་སྙན་ཐོའི་ནང་དོན་དང་ཤུགས་རྐྱེན་སོགས་ཀྱི་ཐད་ལ་བགྲོ་གླེང་ཞུ་རྒྱུ་ཡིན།།

ཀུན་གླེང་ལས་རིམ་དུ་སྐུ་འབུམ་བྱམས་པ་གླིང་གི་དགོན་བདག་སྐྱབས་རྗེ་ཨཀྱཱ་རིན་པོ་ཆེ་མཆོག་གདན་འདྲེན་ཞུས་ནས་༸གོང་ས་མཆོག་ཨ་རིར་ཆིབས་སྒྱུར་གནང་སྐབས་ཕེབས་བསུ་གཟབ་རྒྱས་ཞུས་པའི་སྐོར་དང་། དེ་བཞིན་ཉེ་ལམ་རིན་པོ་ཆེ་མཆོག་གིས་རྒྱ་སྐད་ནང་བཅར་འདྲི་དང་ལེན་གནང་བར་རྒྱ་མི་ཚོས་དོ་སྣང་ཆེན་པོ་བྱུང་ཡོད་སྐོར་ལ་བཅར་འདྲི་ཞུས་ཡོད།

གསར་འགྱུར་ཞིབ་འགྲེལ་ལེ་ཚན་ནང་ཚེ་རིང་དབང་མོ་ལགས་ཀྱིས་འདི་གའི་གསར་འགོད་པ་ཚེ་བརྟན་དབང་ཕྱུག་ལགས་དང་ལྷན་ལྷོ་ཨ་མེ་རི་ཁའི་རྒྱལ་ཁབ་ཨེ་ཁ་ཏོར་གྱིས་དེ་སྔར་རྒྱ་ནག་དང་ཐོངས་མཆན་ཆག་ཡང་གི་གྲོས་མཐུན་བཞག་ཡོད་པ་རིང་མིན་སྤྱི་ཟླ་༧ པའི་ཚེས་༡ ཉིན་ནས་མཚམས་འཇོག་བྱ་རྒྱུ་ཡིན་པ་གསལ་བསྒྲགས་བྱས་འདུག་པའི་སྐོར་ལ་བགྲོ་གླེང་ཞུས་ཡོད།

ཀུན་གླེང་གི་ནང་བཀའ་ཟུར་བཀྲ་ཤིས་དབང་འདུས་ལགས་དང་ལྷན་དུ་ཁོང་གིས་བཙན་བྱོལ་བོད་གཞུང་ནང་ཐོག་མར་རྒན་དྲུང་གི་གནས་རིམ་ནས་འགོ་བཙུགས་ཀྱིས་དྲུང་ཆེ་དང་། དེ་ནས་བཀའ་བློན། ད་རུང་རྒྱལ་ཁབ་འདྲ་མིན་ནང་༧གོང་ས་མཆོག་གི་སྐུ་ཚབ་དོན་གཅོད་གནང་བ་སོགས་ཁྱོན་ལོ་ངོ་༤༠ རིང་སྲི་ཞུ་བསྒྲུབས་པའི་ཉམས་མྱོང་དང་འབྲེལ་བའི་བཅར་འདྲི་ཞུས་ཡོད།

རྡོ་རྗེ་ཚེ་བརྟན་ལགས་ཀྱིས་ཝ་ཤིང་ཊོན་དུ་བཅའ་སྡོད་བྱང་ཨ་རིའི་བོད་ཀྱི་སྐུ་ཚབ་དོན་གཅོད་རྣམ་རྒྱལ་མཆོག་གྲུབ་གདན་འདྲེན་ཞུས་ནས། ༧གོང་ས་སྐྱབས་མགོན་ཆེན་པོ་མཆོག་ཨ་རིའི་ནེའུ་ཡོཀ་གྲོང་ཁྱེར་དུ་ཆིབས་སྒྱུར་བསྐྱངས་ཏེ་ཞབས་པུས་སྨན་བཅོས་ཀྱི་ཞོར་དུ་མང་ཚོགས་ལ་ཆོས་འབྲེལ་སོགས་ཀྱི་མཛད་འཆར་ཡོད་མེད་ཐད་བགྲོ་གླེང་ཞུས་ཡོད།

ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་བོད་མིའི་སྒྲིག་འཛུགས་ཀྱི་མགྲིན་ཚབ་པ་བསྟན་འཛིན་ལེགས་བཤད་ལགས་གདན་འདྲེན་ཞུས་ནས་ཨ་རིའི་གྲོས་ཚོགས་ཀྱི་སྐུ་ཚབ་རྡ་སར་ཆེད་ཕེབས་དང་དེའི་དོན་སྙིང་སོགས་ཀྱི་ཐད་ལ་བགྲོ་གླེང་ཞུས་ཡོད།།

ཐེངས་འདིའི་གསར་འགྱུར་ཞིབ་འགྲེལ་ལེ་ཚན་ནང་ཚེ་རིང་དབང་མོ་ལགས་དང་ཚེ་བརྟན་དབང་ཕྱུག་ལགས་གཉིས་ཀྱིས་བོད་རང་སྐྱོང་ལྗོངས་ཀྱི་དམར་ཤོག་ཚོགས་པའི་འགོ་ཁྲིད་ཟུར་པ་ཝུའུ་དབྱིན་ཅེ་ལ་རྒྱ་ནག་དམར་ཤོག་གི་སྒྲིག་ཁྲིམས་ཞིབ་བཤེར་ལས་ཁུངས་ཀྱིས་ཞིབ་བཤེར་བྱེད་བཞིན་པའི་གནས་ཚུལ་བསྒྲགས་པའི་གསར་འགྱུར་ཞིབ་ཏུ་འགྲེལ་བཤད་ཞུས་ཡོད།།

ཀུན་གླེང་གི་ལས་རིམ་དུ་བོད་མིའི་སྒྲིགས་འཛུགས་ཀྱི་དྲུང་ཆེ་ཟུར་པ་འཇིགས་མེད་འབྱུང་གནས་ལགས་དང་། ཟུང་དྲུང་ཟུར་པ་ཐུབ་བསྟན་དབང་རྒྱལ་ལགས་རྣམ་གཉིས་དང་ལྷན་དུ་དེ་སྔའི་བོད་མིའི་སྒྲིག་འཛུགས་ཀྱི་གནས་བབ་སྤྱི་དང་ད་ལྟའི་ཆར་འགྱུར་བ་ཇི་འདྲ་ཕྱིན་པའི་གཟིགས་ཚུལ་སོགས་ཀྱི་སྐོར་ལ་གླེང་མོལ་ཞུས་པ་ཡིན།

ཡུ་རོབ་ནེ་དྷར་ལན་ཌིའི་བོད་རིགས་ཚོགས་པའི་ཚོགས་གཙོ་ནོར་བུ་ཚེ་རིང་གདན་འདྲེན་ཞུས་ནས་ཡུ་རོབ་གྲོས་ཚོགས་ཀྱི་འོས་བསྡུའི་གྲུབ་འབྲས་དང་། ཡུ་རོབ་གྲོས་ཚོགས་ཀྱི་འཐུས་མི་གསར་པའི་གྲས་སུ་བོད་དོན་རྒྱབ་སྐྱོར་བ་ཅི་ཙམ་འདེམས་ཐོན་བྱུང་བ་སོགས་ཀྱི་ཐད་བགྲོ་གླེང་ཞུས་ཡོད།

བརྡ་འཕྲིན་བདེ་འཇགས་ཀྱི་གཙུག་ལག་རབ་འབྱམས་པ་དང་། ཁྲིམས་ལུགས་རིག་པའི་གཙུག་ལག་རབ་འབྱམས་པ་གདན་འདྲེན་ཞུས་ནས་ཨ་རིའི་གཞུང་གིས་བོད་པའི་སློབ་ཕྲུག་ཚོར་སློབ་ཡོན་སྤྲོད་བཞིན་པའི་སྐོར་ལ་བགྲོ་གླེང་ཞུས་ཡོད།