ཚེ་རིང་སྐྱིད་ལགས་ཀྱིས་སྒྱུ་རྩལ་པ་དང་གཞས་པ་བློ་བརྟན་རྣམ་གླིང་ལགས་གདན་འདྲེན་ཞུས་ནས་བཙན་བྱོལ་གྱི་བོད་མི་སྒྱུ་རྩལ་བ་ཞིག་གི་བོད་དོན་ལས་འགུལ་གྱི་ཉམས་མྱོང་དང་ནུས་འབྲས་ཐད་བགྲོ་གླེང་ཞུ་རྒྱུ་ཡིན།

ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་ཐེ་ཝན་བོད་ཀྱི་སྐུ་ཚབ་དོན་གཅོད་འབའ་བ་སྐལ་བཟང་རྒྱལ་མཚན་ལགས་གདན་འདྲེན་ཞུས་ནས་ཐེ་ཝན་སྲིད་འཛིན་གྱི་དམ་འབུལ་མཛད་སྒོ་དང་བོད་མིའི་སྐུ་ཚབ་མཉམ་ཞུགས་བྱས་པའི་མཚོན་དོན་སོགས་ཀྱི་ཐད་བགྲོ་གླེང་ཞུ་རྒྱུ།

ཨ་རིའི་ནེའུ་ཡོག་མངའ་སྡེའི་ཝིན་ཆེ་སི་ཊར་ས་གནས་སུ་ཆགས་ཡོད་པའི་པདྨ་དཀར་པོ་ཆོས་ཚོགས་ཀྱི་དགེ་རྒན་མཁན་པོ་དཀོན་མཆོག་སྨོན་ལམ་དང་འབུམ་རམས་པ་ལྷ་རམས་དགེ་བཤེས་རོང་པོ་བློ་བཟང་སྙན་གྲགས་གཉིས་གདན་འདྲེན་ཞུས་ནས་ས་ག་ཟླ་བའི་དུས་ཆེན་ངོ་སྤྲོད་དང་ངོས་འཛིན་གཅིག་གྱུར་ཡོད་མེད་སོགས་ཀྱི་ཐད་བགྲོ་གླེང་ཞུས་ཡོད།

འཇམ་དབྱངས་རྒྱ་མཚོ་ལགས་ཀྱིས་༧གོང་ས་མཆོག་གིས་ཕྱི་ལོ་ ༡༩༦༩ ལོར་ཕྱག་བཏབ་པའི་ཐེག་ཆེན་ཆོས་གླིང་གཙུག་ལག་ཁང་དབུ་འབྱེད་མཛད་དེ་མི་ལོ་ ༥༥ འཁོར་བའི་དུས་ཚིགས་དང་བསྟུན། ཐེག་ཆེན་ཆོས་གླིང་གཙུག་ལག་ཁང་གི་འཛུགས་སྐྲུན་གྱི་འཕེལ་རིམ་དང་ལོ་རྒྱུས་གལ་གནད་སོགས་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།།

དེ་རིང་གི་ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་རྒྱལ་སྤྱིའི་ཞང་བོད་རིག་གནས་བགྲོ་གླེང་གོ་སྒྲིག་ཚོགས་གཙོ་དགེ་བཤེས་ཁྲི་གཡུང་དྲུང་ལགས་གདན་འདྲེན་ཞུས་ནས་ཉེ་ཆར་འཚོགས་པའི་རྒྱལ་སྤྱིའི་ཞང་བོད་རིག་གནས་བགྲོ་གླེང་ཐད་གླེང་སློང་ཞུ་རྒྱུ་དང་།

དེ་རིང་གི་ལས་རིམ་ནང་ལོ་རྒྱུས་ཉམས་ཞིབ་པ་དང་ས་མཐོ་ཨེ་ཤེ་ཡའི་ཉམས་ཞིབ་ཁང་གི་འགན་འཛིན་འཇམ་དབྱངས་ནོར་བུ་ལགས་གདན་འདྲེན་ཞུས་ནས་ཉེ་ཆར་སྐུ་གཤེགས་པའི་དཔའ་མོ་རྒྱ་རི་རྡོ་རྗེ་གཡུ་སྒྲོན་ལགས་དམ་པའི་སྐུ་ཚེའི་ལོ་རྒྱུས་དང་འབྲེལ་ནས་མི་རབས་གོང་མའི་འཐབ་རྩོད་དང་བློས་གཏོང་ཐད་བགྲོ་གླེང་ཞུས་ཡོད།།

ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་ཧྥ་རན་སི་བོད་རང་བཙན་སློབ་ཕྲུག་ཚོགས་པའི་རྒྱུན་ལས་བསྟན་འཛིན་རྣམ་རྒྱལ་ལགས་གདན་འདྲེན་ཞུས་ནས་ཞི་ཅིན་ཕིང་གི་ཧྥ་རན་སིར་འཚམས་གཟིགས་དང་བོད་པ་དང་བོད་དོན་རྒྱབ་སྐྱོར་བའི་ངོ་རྒོལ་གྱི་ཐད་བགྲོ་གླེང་ཞུས་ཡོད།

ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་ཨ་རིའི་བོད་པ་དང་ཆབ་སྲིད་དཔྱད་བརྗོད་པ་བསྟན་འཛིན་ཆོས་དབྱིངས་ལགས་གདན་འདྲེན་ཞུས་ནས་ཨ་རིའི་སློབ་གྲྭ་ཆེན་མོ་ཁག་ཏུ་སློབ་ཕྲུག་མང་པོ་ཞིག་གིས་པ་ལི་སི་ཐན་ལ་རྒྱབ་སྐྱོར་ལས་འགུལ་སྤེལ་བཞིན་པའི་མཚོན་དོན་དང་ཤུགས་རྐྱེན་ཐད་བགྲོ་གླེང་ཞུས་ཡོད།

ཀུན་གླེང་ལས་རིམ་དུ་རྡོ་རྗེ་ཚེ་བརྟན་ལགས་ཀྱིས་གླིང་མཆོག་སྤྲུལ་རིན་པོ་ཆེ་ཨ་རིའི་རྒྱལ་ས་ཝ་ཤིང་ཊོན་དུ་ཕེབས་པའི་གོ་སྐབས་དང་བསྟུན་ནས་བོད་པ་བཙན་བྱོལ་པའི་ཁ་འཐོར་སྤྱི་ཚོགས་སུ་བོད་པའི་ཆོས་དང་རིག་གཞུང་། སྐད་ཡིག་དང་མི་རིགས་ཀྱི་ངོ་བོ་བཅས་པ་གཅེས་འཛིན་ཇི་ལྟར་བྱེད་དགོས་མིན་སོགས་ཀྱི་ཐད་བཅར་འདྲི་ཞུ་རྒྱུ་ཡིན།

རྒྱལ་སྤྱིའི་བོད་དོན་ལས་འགུལ་ཁང་གི་ཉམས་ཞིབ་འགན་འཛིན་བུ་ཆུང་ཚེ་རིང་ལགས་དང་བྱང་ཨ་རིའི་བོད་ཀྱི་སྐུ་ཚབ་དོན་གཅོད་ཁང་གི་རྒྱ་རིགས་འབྲེལ་མཐུད་པ་ཚུལ་ཁྲིམས་རྒྱ་མཚོ་ལགས་སུ། ཉེ་ལམ་ཨ་རིའི་ཕྱི་སྲིད་དྲུང་ཆེ་ཨན་ཐོ་ཎི་བྷ་ལིན་ཁེན་མཆོག་རྒྱ་ནག་ཏུ་ཉིན་གྲངས་གསུམ་རིང་གི་འཚམས་གཟིགས་གནང་བར་བགྲོ་གླེང་ཞུས་ཡོད།