དེ་རིང་ཀུན་གླེང་བརྙན་འཕྲིན་ལས་རིམ་དུ་ཨ་རིའི་བར་མའི་འོས་བསྡུ་ཞེས་པ་འདིའི་གནད་འགག་དང་ཐེངས་འདིའི་བར་མའི་འོས་བསྡུའི་སྐབས་ཀྱི་དོ་སྣང་བྱེད་ས་གཙོ་བོ་གང་དག་ཡོད་པ་བཅས་ཀྱི་ཐད་ནས་བགྲོ་གླེང་ཞུ་རྒྱུ་ཡིན།

དེ་རིང་ང་ཚོས་ཞིས་ཅིན་ཕེན་གྱིས་སྲིད་དབང་རྒྱུན་སྐྱོང་རྒྱུ་དང་དམར་ཤོག་དཔོན་རིགས་ལ་འཕོ་འགྱུར་ཆེན་པོ་ཕྱིན་པ་བཅས་ཀྱིས་ང་ཚོའི་བོད་པའི་འཚོ་གནས་དང་རིག་གཞུང་ལ་ཤུགས་རྐྱེན་གང་འདྲ་ཐེབས་སྲིད་པའི་སྐོར་ནས་བགྲོ་གླེང་ཞུ་རྒྱུ་ཡིན། །

ཐེངས་འདིའི་ཀུན་གླེང་ལས་རིམ་དུ་སྦས་ཡུལ་བཙུམ་མམ། བཙུམ་སྐྱིད་མོ་ལུང་ཞེས་བྱ་བའི་ས་གནས་དེའི་ཆགས་ཡུལ་དང་མི་དམངས་ཀྱི་འཚོ་བ། ཡུལ་སྲོལ་གོམས་གཤིས་སོགས་ལ་བཙུམ་དགོན་པའི་བླ་མ་གདུང་སྲས་བླ་མ་པདྨ་རིན་པོ་ཆེ་གདན་འདྲེན་ཞུས་ནས་བགྲོ་གླེང་ཞུས་ཡོད།

འཇར་མན་དུ་རྒྱལ་སྤྱིའི་དཔེ་དེབ་ཚོང་འདུས་ཐེངས་༧༤་པ་ཚོགས་ཏེ་རྒྱལ་ཁབ་༩༠་ལྷག་ནས་དཔེ་དེབ་སྟོང་ཕྲག་མང་པོ་ཚོང་འགྲེམ་གྱི་བྱེད་སྒོར་བོད་ཀྱི་སྒྲ་སྒྱུར་ཉམས་ཞིབ་ཁང་གིས་༧གོང་ས་མཆོག་གི་དཔེ་དེབ་ཚོང་འགྲེམ་བྱས་ཡོད་པའི་སོགས་ལ་བགྲོ་གླེང་ཞུས་ཡོད།།

ཐེངས་འདིའི་ཀུན་གླེང་ནང་དབུས་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་གིས་སྣེ་ཁྲིད་པའི་བཀའ་སྤྱི་གཉིས་ཀྱི་ཚོགས་ཆུང་ཞིག་ཡུ་རོབ་རྒྱལ་ཁབ་འཇར་མར་ཎི་དང་བྷེལ་ཇམ། སུད་ཌན་བཅས་སུ་གཞུང་འབྲེལ་ཕྱོགས་ཕེབས་གནང་བའི་སྐོར་དང་།།

རྒྱ་ནག་དམར་ཤོག་ཚོགས་པའི་ཚོགས་ཆེན་ཐེངས་༢༠ པའི་ཐོག་ཏུ་ཞིས་ཅིན་ཕིང་གི་སྲིད་དབང་སྲ་བརྟན་འབྱུང་རྒྱུ་དང་རྒྱ་ནག་གི་ཆབ་སྲིད། སྤྱི་ཚོགས་དང་དཔལ་འབྱོར། གྲངས་ཉུང་མི་རིགས་ལ་འཛིན་པའི་སྲིད་ཇུས། རྒྱ་ནག་གི་ཕྱི་སྲིད་བཅས་ཀྱི་ཁ་ཕྱོགས་གང་ལ་འགྱུར་རྒྱུ་ཡིན་མིན་སོགས་ལ་བགྲོ་གླེང་ཞུས་ཡོད།།

གཟའ་འཁོར་སྔོན་མར་ཨ་རིའི་སྲིད་འཛིན་ཇཱོ་བྷ་ཌན་གྱིས་ཨ་རིའི་བདེ་སྲུང་འཐབ་ཇུས་གསར་བ་ཞིག་བཏོན་པ་དང་། ཡང་འཕྲུལ་རིག་ཐོན་རྫས་CHIPS ཅིབ་ལེབ་ཨ་རིར་བཀག་སྡོམ་བྱེད་རྒྱུའི་འཐབ་ཇུས་གསར་བ་ཞིག་བཏོན་པ་བཅས་ལ་བགྲོ་གླེང་ཞུ་རྒྱུ་ཡིན།

ལོ་མང་རིང་བོད་དོན་ལས་འགུལ་སྤེལ་མཁན་སངས་རྒྱས་སྐྱབས་ལགས་ཀྱིས་འདས་པའི་ཟླ་བ་༢ཙམ་གྱི་རིང་ལ་རྐང་འཁོར་བསྐོར་བསྐྱོད་ངང་བོད་དོན་དྲིལ་བསྒྲགས་ཀྱི་ལས་འགུལ་སྤེལ་ཡོད་པའི་སྐོར་དང་། དེ་བཞིན་ཁེ་ན་ཌའི་བོད་ཀྱི་ན་གཞོན་ཁག་ཅིག་གིས་བོད་ཀྱི་ཆེད་དུ་རྒྱང་རྒྱུགས་ལས་འགུལ་ཐེངས་གསུམ་པ་ཞིག་སྤེལ་བཞིན་པའི་ཐད་བགྲོ་གླེང་ཞུ་རྒྱུ་ཡིན།

ཀུན་གླེང་དུ་མོན་ཡུལ་བསྟན་དོན་རིག་གཞུང་གཅེས་སྐྱོང་ལྷན་ཚོགས་ཀྱི་ཚོགས་གཙོ་བླ་མ་ངག་དབང་ནོར་བུ་དང་ལྷན་དུ། སྤྱིར་བོད་དང་མོན་ཡུལ་གྱི་ལོ་རྒྱུས་ཐོག་ནས་འབྲེལ་བ་བྱུང་སྟངས་དང་། ཡང་སྒོས་སུ་རྒྱལ་བ་སྐུ་ཕྲེང་རིམ་བྱོན་དང་མོན་ཡུལ་མི་མང་བར་གྱི་འབྲེལ་ལམ། དེ་བཞིན་ད་ལྟའི་མོན་ནང་གི་གནས་སྟངས་བཅས་ཀྱི་སྐོར་ལ་བཀའ་མོལ་ཞུས་ཡོད།

ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་བོད་རྒྱའི་གནད་དོན་དབྱེ་ཞིབ་པ་ཀུན་དགའ་བཀྲ་ཤིས་ལགས་དང་། འདི་ག་ཨ་རིའི་རླུང་འཕྲིན་ཁང་གི་རྩོམ་སྒྲིག་འགན་འཛིན་ཚེ་བརྟན་དབང་ཕྱུག་ལགས་རྣམ་གཉིས་དང་ལྷན་རྒྱ་ནག་གི་ཚོགས་ཆེན་སྐབས་བདུན་པ་དང་དམར་ཤོག་ཚོགས་ཆེན་ཉི་ཤུ་བའི་སྐོར་ནས་བགྲོ་གླེང་ཞུས་ཡོད་པས་དུས་ཐོག་གསན་གཟིགས་གནང་བར་ཞུ།