ཐེངས་འདིའི་ཀུན་གླེང་དུ་༧གོང་ས་མཆོག་གི་ལ་དྭགས་མཛད་འཕྲིན་དང་ས་གནས་མང་ཚོགས་ཀྱི་ནང་ཆོས་དོ་དབྱིངས་སྐོར་ལ་ཆིབས་སྒྱུར་གོ་སྒྲིག་ཚོགས་ཆུང་ཁོངས་སུ་ཡོད་པ་ཐུགས་སྲས་རིན་པོ་ཆེ་མཆོག་དང་། ལ་དྭགས་དགོན་པའི་ཚོགས་འདུའི་དབུ་སྐྱོང་བསྟན་འཛིན་དབང་གྲགས་དང་ལྷན་དུ་གླེང་མོལ་ཞུས་ཡོད།།

ཀུན་གླེང་ལས་རིམ་དུ་བོད་ཀྱི་སྲིད་བྱུས་ཉམས་ཞིབ་ཁང་གི་ཉམས་ཞིབ་པ་བསྟན་འཛིན་ལྷ་སྒྲོལ་ལགས་དང་ལྷན་ནུབ་ཕྱོགས་དང་རྒྱ་མིའི་ལོ་རྒྱུས་སྨྲ་བ་ཚོས་བོད་ཀྱི་ལོ་རྒྱུས་ཀྱི་གནས་བབ་ལ་ངོས་འཛིན་གནང་སྟངས་སྐོར་ལ་གླེང་མོལ་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།།

ཉེ་དུས་ཨ་རིའི་གྲོས་ཚོགས་འོག་མའི་ནང་བོད་ཀྱི་ལོ་རྒྱུས་གནས་བབ་གསལ་པོ་བཟོ་རྒྱུ་དང་བོད་རྒྱ་གཉིས་གྲོས་མོལ་ལ་མདུན་བསྐྱོད་བྱས་ཏེ། བོད་ཀྱི་དཀའ་རྙོག་སེལ་ཐབས་ལ་ཁྲིམས་འཆར་གཅིག་ངོ་སྤྲོད་གནང་ཡོད་པ་དེའི་བརྒྱུད་རིམ་དང་ནང་དོན་སོགས་ཀྱི་ཐད་བགྲོ་གླེང་ཞུས་ཡོད།

ཐེངས་འདིའི་ཀུན་གླེང་གི་ལེ་ཚན་ནང་༧གོང་ས་ཏཱ་ལའི་བླ་མའི་དཔེ་མཛོད་དང་ཡིག་ཚགས་ཁང་གི་སྐོར་༧གོང་ས་ཏཱ་ལའི་བླ་མ་དགེ་རྩའི་དྲུང་ཆེ་འཇམ་དཔལ་ལྷུན་གྲུབ་ལགས་དང་ལྷན་དུ་གླེང་མོལ་ཞུས་ཡོད།

ཨ་རིའི་ཆེས་མཐོའི་ཁྲིམས་ཁང་གིས་བུད་མེད་སྦྲུམ་མའི་མངལ་ནས་ཕྲུ་གུ་ཕྱིར་འདོན་བྱེད་མིན་དེ་བུད་མེད་རང་ཉིད་ལ་ཐག་གཅོད་བྱེད་དབང་ཡོད་པའི་ཐོབ་ཐང་ནུས་མེད་བཟོ་རྒྱུའི་གནས་ཚུལ་དེ་ད་ལྟ་ཨ་རིའི་ནང་གི་གླེདང་གཞི་ཆེ་ཤོས་ཆགས་ཡོད་པས་བགྲོ་གླེང་ཞུ་རྒྱུ་ཡིན།

མེ་མདའི་དྲག་སྤྱོད་ཀྱིས་སྐུ་བཀྲོངས་པའི་ཉི་ཧོང་སྲིད་བློན་ཟུར་པ་ཨ་བྷེ་ལགས་དང་བོད་ཀྱི་འབྲེལ་བ། ཡང་ཁོང་གིས་ཉི་ཧོང་ལོ་རྒྱུས་ནང་ལ་ཆབ་སྲིད་ཐད་མཛད་རྗེས་གང་འདྲ་བཞག་ཡོད་པ། ཉི་ཧོང་མི་མང་གིས་ཁོང་ལ་གདེངས་འཇོག་ག་འདྲ་བྱེད་པ་བཅས་ལ་དབྱེ་ཞིབ་བྱེད་ཡོད།

ཀུན་གླེང་ལས་རིམ་དུ་ཆབ་སྲིད་བཙོན་ཟུར་བླ་བྲང་འཇིགས་མེད་ལགས་སྐུ་གྲོངས་པའི་རྒྱུ་རྐྱེན་དང་ཁོང་འཛིན་བཟུང་བྱེད་པའི་རྒྱུད་རིམ། ཡང་རྒྱ་ནག་གི་ཉེན་རྟོག་པས་ཁོང་གཙོས་པའི་བོད་མི་ཚོར་མནར་གཅོད་བཏང་བའི་གོ་རིམ་རྣམས་ཕྱི་བསྒྲགས་ཀྱི་བརྙན་དེ་ཐོག་མ་ཨ་རིའི་རླུང་འཕྲིན་ལ་ཇི་ལྟར་འབྱོར་བ་ལ་སོགས་པའི་སྐོར་ལ་བགྲོ་གླེང་ཞུ་ཡོད།

སྐུའི་འཁྲུངས་སྐར་དང་སྟབས་བསྟུན་ནས་བཙན་བྱོལ་བོད་མི་ཚོས་༧གོང་ས་མཆོག་གི་མཛད་འཕྲིན་དྲན་པའི་སྒོ་ནས་བཀའ་དྲིན་རྗེས་དྲན་ཞུ་དགོས་པའི་གལ་ཆེའི་རང་བཞིན་དང་། ༧གོང་ས་མཆོག་མཇལ་མྱོང་མེད་པའི་བོད་ནང་འཚར་ལོངས་བྱུང་བའི་མི་རབས་གསར་པ་ཚོས་༧གོང་ས་མཆོག་ལ་དད་དམ་གཡོ་མེད་ཇི་ལྟར་ཞུ་ཡི་ཡོད་པ་བཅས་ཀྱི་སྐོར་ལ་གླེང་མོལ་ཞུ་རྒྱུ་ཡིན།

ཐེངས་འདིའི་ཀུན་གླེང་གི་ལེ་ཚན་ནང་བོད་ཀྱི་སྲིད་བྱུས་ཉམས་ཞིབ་ཁང་གི་ཉམས་ཞིབ་པ་འབུམ་རམས་པ་ཚེ་དབང་རྡོ་རྗེ་ལགས་དང་ལྷན་དུ་འཕགས་བོད་ས་མཚམས་སུ་ཚོང་ལམ་ཁག་ཅིག་ཡོད་པ་དེ་དག་གི་བོད་དེ་ལོ་རྒྱུས་ཐོག་ནས་རང་བཙན་གྱི་གནས་བབ་ཆགས་ཀྱི་ཡོད་མིན་གྱི་གནས་སྟངས་སྐོར་གླེང་མོལ་ཞུས།

ནུབ་བྱང་མི་རིགས་སློབ་ཆེན་དང་ཡུན་ནན་སློབ་ཆེན་སོགས་སུ་དགེ་རྒན་གྱི་ཕྱག་ལས་གནང་མྱོང་ཞིང་། ཁེ་ན་ཌ་ནས་སྤྱི་ཚོགས་རིག་པའི་འབུམ་རམས་པའི་སློབ་མཐར་ཕྱིན་པ། ལོ་ཤས་སྔོན་བོད་ནས་ནུབ་ཕྱོགས་སུ་བཙན་བྱོལ་ལ་ཕེབས་མཁན་རྒན་རྒྱལ་ལོ་ལགས་དང་མཉམ་དུ་བོད་གཞིས་བྱེས་གཉིས་ཀྱི་འབྲེལ་ལམ་སྐྱོང་སྟངས་སྐོར་ལ་བགྲོ་གླེང་ཞུ་རྒྱུ་ཡིན།