ཐེངས་འདིའི་ཀུན་གླེང་ལས་རིམ་ལ་༡༩༣༠་ནས་༡༩༥༠་ཐམ་པའི་བར་དུ་བོད་དང་ཨ་རིའི་བར་དུ་གཞུང་འབྲེལ་གྱི་བལ་ཚོང་ཚུགས་པ་དང་དེའི་ཁེ་ཕན། ༧གོང་ས་སྐུ་ཕྲེང་༡༣་པ་མཆོག་གིས་སྐབས་དེའི་ཨ་རིའི་སྲིད་འཛིན་ཧུ་ཝར་ལ་འབྲེལ་བ་གནང་བ་སོགས་ཀྱི་ཐད། ཉམས་ཞིབ་པ་ཨ་ལགས་རྗེ་སྤྲུལ་བློ་གྲོས་ཆོས་བཟང་གདན་འདྲེན་ཞུས་ནས་བགྲོ་གླེང་ཞུས།

བོད་ཀྱི་རྒྱལ་ས་ལྷ་ས་དང་གཞིས་ཀ་རྩེ།མདོ་སྨད་ཀྱི་ས་ཁུལ་མང་པོ་སོགས་སུ་རྒྱ་ནག་གཞུང་གིས་ནད་ཡམས་རྩ་མེད་གཏོང་བའི་སྲིད་ཇུས་སྤེལ་ཏེ་ད་ལྟ་དངོས་ཟོག་གི་རིན་གོང་ཇེ་ཆེར་འགྲོ་བཞིན་པ་དང་། མི་མང་གི་སྨྲ་བརྗོད་དང་གནས་ཚུལ་འགྲེམས་སྤེལ་སོགས་ལ་སྔར་ལས་ལྷག་པའི་དོ་དམ་བྱེད་བཞིན་པ་སོགས་ཀྱི་ཐད་བགྲོ་གླེང་ཞུས་ཡོད།།

ཐེངས་འདིའི་ཀུན་གླེང་ལས་རིམ་ལ་རྒྱ་མོ་རྩོམ་པ་པོ་དང་ཉམས་ཞིབ་པ་ལི་ཅང་ལིན་གྱིས་བརྩམས་པའི་ལྕགས་བྱ་གནམ་ནས་འཕུར་དུས་སམ། ༡༩༥༦་ནས་༡༩༦༢་བར་དུ་བོད་ཁམས་སུ་བྱུང་བའི་གསང་བའི་དམག་འཁྲུག་ཅེས་པའི་དཔེ་དེབ་ཀྱི་བརྗོད་བྱ་སོགས་ལ་དཔེ་དེབ་འདིའི་བོད་འགྱུར་གྱི་ལོ་ཙཱ་བ་བོང་སྟག་སྟག་ལྷ་རྒྱལ་གདན་འདྲེན་ཞུས་ནས་བགྲོ་གླེང་ཞུས་ཡོད།།

༢༠༢༢ ལོའི་ཕྱི་ཟླ་༧ ཚེས་༡༣ ཉིན་ཨ་རིའི་གྲོས་ཚོགས་འོག་མའི་ནང་བོད་རྒྱའི་དཀའ་རྙོག་སེལ་ཐབས་ལ་དམིགས་པའི་ཁྲིམས་འཆར་ཞིག་ངོ་སྤྲོད་བྱས་ཡོད་པ་དེ་དང་འབྲེལ་བའི་ཐད་གྲོས་ཚོགས་ཀྱི་གསན་ཞིབ་ལས་རིམ་ཞིག་གི་སྐབས་སུ་གཏམ་བཤད་གནང་མཁན་གྲས་བཀྲས་མཐོང་བསྟན་འཛིན་ལགས་དང་མཉམ་ཁྲིམས་འཆར་འདིའི་ནང་དོན་དང་གལ་གནད་ཐད་གླེང་མོལ་ཞུས་ཡོད།

ཐེངས་འདིའི་ཀུན་གླེང་དུ་རྒྱ་གར་གྲོས་ཚོགས་འཐུས་མི་འཇམ་དབྱངས་ཚེ་རིང་རྣམ་རྒྱལ་མཆོག་དང་ལྷན་དུ་བྷོ་ཊི་སྐད་ཡིག་རྒྱ་གར་རྩ་ཁྲིམས་ཀྱི་ལེའུ་བརྒྱད་པའི་ཁོངས་སུ་ཚུད་ཐབས་ཀྱི་གལ་གནད་དང་། ཧི་མ་ལ་ཡའི་རྒྱུད་ཀྱི་མང་ཚོགས་ནས་བྷོ་ཊའི་སྐད་ཡིག་སྲུང་སྐྱོབ་གནང་དགོས་དོན་སོགས་ཀྱི་སྐོར་གླེང་མོལ་ཞུས་ཡོད།

༢༠༢༢་ལོའི་༧གོང་ས་ཏཱ་ལའི་བླ་མའི་དགའ་ལྡན་ཕོ་བྲང་གི་དགེ་རྩའི་སློབ་ཡོན་དང་ཤེས་རིག་ལྷན་ཁང་གི་སློབ་ཡོན་སྤྲོད་ཕྱོགས་བཅས་ལ་དགའ་ལྡན་ཕོ་བྲང་གི་དགེ་རྩའི་དྲུང་ཆེ་སེ་ལྦོ་བསྟན་འཛིན་དམ་ཆོས་དང་ཤེས་རིག་ལྷན་ཁང་གི་མཐོ་སློབ་སློབ་ཡོན་ཚན་པའི་འགན་འཛིན་བསོད་ནམས་བཟང་མོ། འབུམ་རམས་སློབ་གཉེར་བ་བཀྲ་ཤིས་རྣམ་རྒྱལ་ལྷན་བགྲོ་གླེང་།

ཀུན་གླེང་ལས་རིམ་དུ་ཨ་རིའི་གྲོས་ཚོགས་ཀྱི་ཚོགས་གཙོ་ནན་སེ་ པེ་ལོ་སི་ནི་མདང་དགོང་ཐེ་ཝན་དུ་སླེབས་ནས་དེ་རིང་ཐེ་ཝན་དུ་མཇལ་འཕྲད་དང་གཏམ་བཤད་སོགས་གནང་ཡོད་པ་དང་། ཚོགས་གཙོ་ལགས་ཀྱི་ཐེ་ཝན་འཚམས་གཟིགས་ཐད་ཨ་རི་དང་མཚོ་འགག་ཕྱོགས་གཉིས་སུ་རྣམ་འགྱུར་ག་འདྲ་ཞིག་བསྟན་པ་སོགས་ཀྱི་སྐོར་ཡིན།།

ཀུན་གླེང་ལས་རིམ་དུ་ཨུ་རྒྱན་བསྟན་འཛིན་ལགས་ཀྱིས་བོད་མིའི་སྒྲིག་འཛུགས་ཀྱི་དང་བླངས་ཞུ་གཏུག་ལས་འགུལ་ཚུགས་དགོས་པའི་དམིགས་ཡུལ་དང་། ད་ལྟའི་ཆར་ཚོགས་མི་འཛུལ་ཞུགས་བྱེད་མཁན་ག་ཚོད་བྱུང་བ་སོགས་ཀྱི་ཐད་ཕྱི་དྲིལ་འགྲོ་བ་མིའི་ཐོབ་ཐང་ཚན་པའི་འགན་འཛིན་འབྲུག་བསྟན་སྐྱིད་ལགས་དང་གླེང་མོལ་ཞུས་ཡོད།།

ཡེ་ཤུ་བླ་ཆེན་མཆོག་ཁེ་ན་ཌར་ཕེབས་ཏེ་ཡུལ་འདིའི་ནང་གི་གདོད་མའི་མི་རིགས་ལ་བཤགས་སྡོམ་གནང་། ཁེ་ན་ཌའི་གདོད་མའི་མི་རིགས་ཀྱི་མྱོང་བ་དང་། རྒྱ་ནག་གིས་བོད་དུ་སྤེལ་བཞིན་པའི་སྲིད་ཇུས་གཉིས་ཞིབ་བསྡུར་བྱེད་ན་འདྲ་བའི་ཆ་མང་པོ་ཡོད་པ་ལུང་དང་རིགས་པའི་ཐོག་འབུམ་རམས་པ་རྒན་རྒྱལ་ལོ་ལགས་ཀྱིས་ཞིབ་འཇུག་རྩོམ་ཡིག་འདོན་སྤེལ་གནང་ཡོད།

༧གོང་ས་སྐྱབས་མགོན་མཆོག་རྒྱ་གར་བྱང་ཕྱོགས་ལ་དྭགས་སུ་གསུང་ཆོས་གཙོས་པའི་མཛད་འཕྲིན་སྐྱོང་བཞིན་ཡོད། ཨ་རིའི་རླུང་འཕྲིན་ཁང་གི་གསར་འགོད་པ་བསྟན་འཛིན་ནོར་བཟང་ལགས་ཀྱང་ཆེད་དོན་གནས་ཚུལ་མཁོ་འདོན་གནང་བར་ལ་དྭགས་སུ་ཕྱིན་ཡོད་པས་ཁོང་དང་མཉམ་དུ་ལ་དྭགས་ཁུལ་གྱི་༧གོང་ས་མཆོག་གི་མཛད་འཕྲིན་སོགས་ཀྱི་སྐོར་ནས་བགྲོ་གླེང་ཞུས་ཡོད།