"Lívsins dansur" er fyrsta solo útgávan hjá Bárði á Lakjuni. Talan er um eina fullfíggjaða heildarútgávu, ið er vovin saman við trimum træðrum: tekstum, tónum og myndum.

Í skapi er útgávan ein bóklingur, eisini nevndur ritlingur. Í ritlinginum eru 16 nýggjar og eldri yrkingar, sum Bárður hevur skriva, meðan leirvíksmálarin Sámal Toftanes, ið er verfaðir Bárð, hevur mynd-prýtt ritlingin við 14 málningum.