Stev er heiti á fjórðu heildarútgávuni við føroyska bólkinum maður:glott. 

Terji Krossteig og Dennis Agerblad, ið mannað bólkin, hava skriva teir tíggju, nýggju føroysku sangirnar á plátuni. 

Sekstan ár eru liðin, síðan seinasta heildarútgávan "Land" við maður:glotti kom út, so talan er um eina endurkomu - eitt sokallað comeback. 

Í tíðindaskrivið verður sagt, at "STEV inniheldur løg, ið flyta seg millum sjálvsskoðan og ljósa orku — frá upplyftandi “Eg sigi ja” til dragandi og myrkt “Ein skuggi av mær.”  

Á plátuni hoyrast báðir limirnir syngja og spæla, samstundis sum gestatónleikarar leggja dýpd og litir afturat teirra eyðkenda ljóði. 

STEV er ikki einans ein tónlistarligt comeback, men eisini ein fagnaður av teirra skapandi felagsskapi.  

Ein hugsandi, melodiøs og still, men djørv endurkoma".

 

Skotsmál:

9/10 stjørnum: Páll Oddur Rubbeksen

6/10 stjørnum: Ári Rouch

Eyðfinn Jensen leggur til rættis

.