Il-punti ewlenin: il-Parlament itenni l-appell tiegħu għal baġit fit-tul tal-UE aktar ambizzjuż; u l-kumitati tal-Parlament organizzaw żewġ seduti ta’ smigħ pubbliċi, waħda dwar il-kwistjoni tal-akkomodazzjoni vojta fl-UE u l-oħra dwar l-IA ġenerattiva u d-demokrazija.

Il-punti ewlenin: il-ministri tal-gvern Daniż jippreżentaw il-prijoritajiet tagħhom fil-laqgħat mal-kumitati tal-Parlament; qabel is-summit bejn l-UE u ċ-Ċina f’Beijing, is-Sottokumitat għad-Drittijiet tal-Bniedem jiddiskuti s-sitwazzjoni tad-drittijiet tal-bniedem fiċ-Ċina; u l-Kummissjoni bi proposta biex temenda l-Liġi Ewropea dwar il-Klima.

Il-punti ewlenin: il-Kumitat għall-Agrikoltura u l-Iżvilupp Rurali tal-Parlament jivvota dwar regoli ġodda biex il-bdiewa tal-UE jiġu protetti aħjar; il-leġiżlaturi tan-NATO u tal-UE jinsabu fi Brussell għal seminar dwar l-indirizzar tat-theddid ibridu; il-Membri tal-PE jiddibattu l-istrateġija futura tal-UE kontra r-razziżmu f’laqgħa ewlenija dwar il-libertajiet ċivili.

Il-punti ewlenin: il-Membri tal-PE jpoġġu l-politika agrikola komuni fil-qalba tal-baġit fit-tul li jmiss tal-UE; il-Parlament jikkundanna d-delitti tal-gwerra li r-Russja qed tkompli twettaq fl-Ukrajna; u l-Membri tal-PE jipproponu modi kif jiġi ġestit l-influss ta’ oġġetti ta’ standard inferjuri minn ħwienet online li mhumiex fl-UE.

Il-punti ewlenin: il-Bulgarija se tadotta l-euro mill-1 ta’ Jannar 2026; il-Prim Ministru Daniż Mette Frederiksen indikat il-prijoritajiet tad-Danimarka għall-Presidenza tal-Kunsill tal-UE għal terminu ta’ sitt xhur; u l-Parlament approva liġi ġdida biex jiġu żgurati l-provvisti tal-gass u titrażżan l-ispekulazzjoni.

Il-punti ewlenin: bħalissa għaddejja s-sessjoni plenarja tal-Parlament ta’ Lulju. Se nagħtu ħarsa lejn id-dibattitu dwar ir-relazzjonijiet bejn l-UE u ċ-Ċina; il-kommemorazzjoni tat-30 sena anniversarju tal-ġenoċidju ta’ Srebrenica; u regoli ġodda għal industrija tal-karozzi aktar sostenibbli.

Il-punti ewlenin: bħalissa għaddejja s-sessjoni plenarja tal-Parlament ta’ Lulju. il-Membri tal-PE se jiddibattu u jivvutaw dwar id-distribuzzjoni ta’ EUR 280 miljun ta’ għajnuna għall-għargħar lill-Awstrija, iċ-Ċekja, il-Polonja, is-Slovakkja, il-Bożnija-Ħerzegovina u l-Moldova; il-kontroll tal-influss ta’ pakketti minn barra l-UE; u t-tisħiħ fit-tħejjijiet għall-istaġun tan-nirien fis-selvaġġ.

Il-punti ewlenin: is-sessjoni plenarja ta’ Lulju tal-Parlament tibda llum. Il-Membri tal-PE jivvalutaw l-aħħar żviluppi fil-Lvant Nofsani; dibattitu dwar il-proposta tal-Kummissjoni għal mira klimatika ġdida tal-UE għall-2040; u l-Presidenti tal-Parlament u tal-Kummissjoni jiddiskutu l-baġit fit-tul li jmiss tal-UE.

Il-punti ewlenin: nhar it-Tnejn jingħata bidu għas-sessjoni plenarja fil-Parlament. Fuq l-aġenda nsibu: il-Presidenza Daniża tal-Kunsill tal-Unjoni Ewropea tippreżenta l-programm tagħha; il-President tal-Parlament Roberta Metsola tikkommemora t-30 anniversarju mill-ġenoċidju ta’ Srebrenica; u l-Grupp ta’ Ħidma dwar il-Garanzija Ewropea għat-Tfal jissokta b’ħidmietu.

Il-punti ewlenin: jissoktaw il-preparamenti għas-sessjoni plenarja li jmiss tal-Parlament Ewropew; il-Membri tal-PE fi Strażburgu se jiddiskutu l-prijoritajiet tal-Presidenza Daniża tal-Kunsill, il-Lvant Nofsani u l-Ukrajna; u tersaq lejn tmiemha r-Raba’ Konferenza Internazzjonali dwar il-Finanzjament għall-Iżvilupp li qed issir fi Spanja.