Tla sajon auta dl turism se trasfurmea l luech da mont de nianca 3000 abitanc te na pitla zità. Seniëures n feries te Gherdëina y de pasaje, busiamënt sun stredes y trois, mubilità problematica, trafich y truep auter, caraterisea y cundiziunea la vita dl luech y de si zitadins. Cunsciderazions cun Roland Demetz, ambolt de Sëlva. Conduzion Leo Senoner

La roda da munt eletrica, conesciüda porleplü sciöche e-bike da munt é de tendënza. Greta Canins nes cunta te chësc program val’ porsura le meso de trasport, che ti á pormetü a cotan de amanc dla roda, da pedalé y arjunje te cört tëmp destinaziuns sö alalt tla munt.

N program de Sara Frenner

L problem del trafich e mobilità te val e su per i jouves stenta a troèr soluzions e ence i projec per l Bus Rapid Transit lurè fora da la Provinzia Autonoma de Trent per la Olimpiades Milan Cortina 2026 no ruarà a esser enjigné. En rejonon col Procurador del Comun General de Fascia Beppe Detomas, conduzion Anna Mazzel

Pro le dè dla unitè ladina, tignì a Ciastel Tor a San Martin in sabeda 13 de messè organisè dala Uniun Generela èl ince gnü presentè le liber nü de Roland Verra "Ladinia Dolomitica", tla versciun por ladin standard y por tudësch.

Al è n ajornamënt dl liber "Una Ladinia possibile" dl ann 2021, na publicaziun tlè por capì la realtè sozio-economica, l' evoluziun y i impedimënc tla situaziun aministrativa-culturala y linguistica tla Ladinia aldedaincö. L' intervënt de Roland Verra, che cunësc buniscimo la realtè politich-aministrativa, culturala y soziala dles valades ladines, ne mira nia a descrì le contignü dl liber, mo è plötosc n apel a mobilitè le mius forzes dla Ladinia por mët jö na vijiun y n adüm de mosüres sozio-culturales (n valgünes idees è da ciafè tl liber) che mëtes tl zënter le raforzamënt dla comunitè locala y tëgnes cunt dles aspiraziuns dles generaziuns jones a pudëi vir te n contest sann y che dà poscibilites. N program de Alessandro Dapunt

En sabeda ai 20 de messèl, delaite de la lingia de evenc "Ispirazions d'istà", vegnarà portèda dant te la Mont de Poza la Marcia per la Pèsc: n moment per fèr na reflescion sul gran besegn de Pèsc e su sie valor. N rejonon con Cesare Bernard, coordenador de la Comiscion cultura de la parochies de Fascia. Conduzion Cinzia Pistoia

Te chësc program nen vara di paurs y dla dificolté da fá ite le fëgn te chësc isté bëgn scaldi mol y dal tëmp malsigü.

N program de Sara Frenner

Sajons positives, numeri che crësc, ufiërta de cualità y seniëures cuntënc. L period critich dla pandemia ie me plu n bur lecort y nosc turism viaja inò a regim plën. Purempò, l ie nce deplù aspec che devënta critichs y possa, n prospetiva, se trasfurmé te problems nia saurì de resolver. L trafich, i priejes auc y l aumënt sproporziunà di turisc ie me nvalguni di temesc zic cun chëi che l turism local muessa fè i conc. Cunsciderazions cun Lukas Demetz, presidënt dl cunsorz Dolomites Val Gardena. Conduzion Leo Senoner

Ai 13 de messel l'Union Generela di Ladins dla Dolomites met a jir ence chest an la Dì dla Unité Ladina, n moment per ster adum e se confronter olache vegnarà prejentà doi publicazions che envia a pisser do a la reijes e l davegnir dla Ladinia Dolomitica. En rejonon con Milva Mussner, pres. UDLD e Sofia Stufflesser, coordinadessa dl projet Lijendes ladines dles Dolomites, conduzion Anna Mazzel

Chest an l prum de messèl segna sul calandèr la fin del mercià tutelà de l'energia. Che velel pa dir? A che jone en contra ades? Per desgatièr mingol de domanes su chest tem e per rejonèr de coche vegn durèda l'energia te nesc paijes - soraldut col pontèr via de la sajon da d'istà- aron en colement con nos Dino Detomas, diretor del Consorzie Eletrich de Poza. Conduzion Cinzia Pistoia

L turnoi internaziunel de codlapé o juech ala codla danter la mendranzes naziuneles autoctones dl’Europa che fej pert dla FUEN, la union federela dla nazions europeiches, ie chëst’ann sul program dai 28/06 ai 07/07 tl raion dl Schleswig sul cunfin danter i Paejes Tudësc y la Danimarca. Leprò nce doi scuadres ladines, una di ëi y una dl’ëiles, n raprejentanza dla mendranza ladina dolomitica. Ntervista cun l coordinadëur respunsabl dla delegazion ladina, Giorgio Costabiei. Conduzion Leo Senoner