Chirí fora la scora alta é öna dles prömes dezijiuns importantes che n jonn o na jona fej por so dagní. Avisa tan ponsada é la dezijiun che i geniturs tól por sü mëndri, canche ara nen vá da i scrí ite a scora o a scolina. L'intendënta dles scores y scolines ladines, Edith Ploner, nes dá te chësc program stlarimënc y informaziuns por ci che reverda les iscriziuns te düc i liví de istruziun. N program de Sara Frenner

Por n turism plü sostenibl, manco turism de massa y soluziuns por la mobilitè sön les strades: chisc n per de punc che la popolaziun gira tres deplü.

Co ti ciarapa la societé cooperativa turistica  chëstes questiuns? Na ciaculada cun le vizepresindënt dla cooperativa turistica Alta Badia, Daniel Frenes.

Nosta sozietà se cunfruntea te na maniera sterscia cun problematiches liëdes ala dependënzes: da alcol, fum, droghes, medejines, ma nce dai fonins, social media y auter. Dependënzes che possa tuché duc, sibe granc che nce jëuni y nchinamei i pitli. Aprufundimënt cun l psicologh Edmund Senoner. Conduzion Leo Senoner

Doi joegn de Fascia à lurà fora e endrezà na lingia de podcast de orientament per chirir fora n troi do da la scola auta. Testimonianzes e esperienzes de joegn tel lurier o università che pel dider etres joegn e joenes endrezà da Mattia Valentini e Daniele Chiocchetti, conduzion Anna Mazzel

Che ê pa i trëi resc y ci simbolisâ pa sües scincundes tan prezioses? Deboriada cun Siur Toni Fiung orunse capí le significat dla festa de Santa Guania.

N program de Sara Frenner

Le cianté lirich tl patrimone immaterial dl' UNESCO. Da dezëmber incá alda le cianté lirich talian pro i bëgns immateriai dl'UNESCO. Na ciaculada cun la ciantarina lirica Sabina Willeit. Conduziun Esther Videsott

la scrituria furlana luiginia Lorenzini nasciüda tl 1972 che vir tla provinzia de Pordenone à publiche dejvalies tesc poetics y in prosa. Ala porta dant dal festival de poesia alpina, organisè dala Lia di Auturs dl Südtirol Saav, a Porsenù de mà dl 2023. N program de Alessandro Dapunt

L ultim liber de Roland Verra y dat ora dala Union Generela di Ladins se dà ju cun l tema ntëur al daunì dla Ladinia Dolomitica. Ciuna ie pa la situazion dl mumënt y ciunes la prospetives futures per i ladins ntëur al Sela, ala lum di mudamënc soziei, culturei, politichs y economichs de nosc dis. Aprufundimënt cun l autëur. Conduzion Leo Senoner

Tel ruèr a piz del 2023 fajon n bilanz de l'ativitedes de l'Istitut Culturèl Ladin de Fascia e sporjon vèlch di projec per l 2024 con la diretora Sabrina Rasom. Conduzion Anna Mazzel

les cianties de carater religius di Kyrios, positives y che carda ala pesc y al'unitè è dër adatates al spirit dl advënt. Le cor y grup musical Kyrios de Badia à festejè chëst' ann i 50 agn de jubilè. Le grup s'à tres renovè y pò se lascia aldì cun cianties originales y dër plajores. N program de Alessandro Dapunt