La copa dl mond de schi alpin stënta a pië pé te chësta sajon agonistica. Sun 9 garejedes di ëi sul program, n iel nchina sën me unì fates 2. Chësc fin dl’ena vala inant cun trëi garejedes sun la Saslong te Gherdëina. Y dut l “zircus blanch” se mbincia che l trend negatif posse finalmënter mudé. Ntervista cun Rainer Senoner, presidënt dl Saslong Classic Club y Verena Stuffer, raprejentanta di atlec tl cunsëi FIS Copa dl Mond. Conduzion Leo Senoner

Na ciaculada cun la musizista, ciantarina pedagoga musicala, Marion Palfrader. Conduziun Esther Videsott

24 stories de ligrëza acompagnëia pici y gragn de vers dl Nadé.

Program de Sara Frenner

La ciarestia de masons e cartieres per lurieranc à spent n grop de imprenditores fascegn a comprer e derturer su n veie hotel serà da passa 20 egn per sporjer cambres o picoi cartieres a persones che laora te val. N endesfida che sera demò en pèrt la gran locia e é frut de na vijion neva tel cheder del svilup economich de la val. En rejonon con Maurizio Detomas pres. de la sozietà Santa Giuliana. Conduzion Anna Mazzel

I maestri y la scoles de schi ie da for na seva fundamentela dl turism da d’inviern te nosc raion. L se trata de na figura prufesciunela mpurtanta per promuever y trasmëter la pascion y la cunescënza dl sport dl schi. Ntervista cun Roby Demetz, presidënt dl colleghium di maestri de schi de Südtirol y cun Flavio Prinoth, sëurastant dla lia dla scoles de schi de Südtirol. Conduzion Leo Senoner

Mangè duciaries zënza zücri y cun püc carboidrac.

Ghest Valentina Moling, conduziun Esther Videsott

Ilëgns é fonates de vita y le bosch é fondamental por la sconanza dl ambiënt y por la reduziun dl incuinamënt. Al vëgn insciö en chësc dé senté lëgns te döt le teritore nazional. N program de Sara Frenner

Tel cheder de la ativitèdes di servijies linguistics del Comun General de Fascia vegn endrezà ence chest an "Berlichete!" n domesdì de spas per fèr damat out a bec e bezes da l ultim an de scolina a la quinta populèra. L laboratorie vegn metù a jir en colaborazion con MarameoLab ai 17 de november. En rejonon con Doris Valentini e Alice Dellantonio, conduzion Anna Mazzel.

Le cor y grup musical Kyrios de Badia festejëia chësta finn dl' edema cun trëi dis de manifestaziuns l' iubileum de 50 agn de storia. Elvis Burchia, presidënt di Kyrios, cunta dla fondaziun dl grup, de süa ispiraziun, dl liam de 5 generaziuns de corisc' y musizisc - incër 200 persones- unis dala pasciun de ciantè deburiada. I albums y les cianties di Kyrios è da ciafè sön les plataformes de musiga te internet. N program de Alessandro Dapunt

Rafael Prugger, da Urtijëi, vir y laora a Milan coche scienzat tl setur dla inrescida alimentara. Sües poesies se ispirëia purchël ince ala sciënza y al conzet de simetria. Poesies portades dant pro le Festiva de Poesia alpina, organisè da la Lia di Autores dl Südtirol Saav. N program de Alessandro dapunt