LADINIA LIVE - Podcast

Ai 22 e ai 23 de aost, l corp de pèsc Operazione Colomba porta dant te Fiem n fin de setemèna rich de apuntamenc col zil de sostegnir n sie projet en Colombia. Te chesta ocajion vegnarà averc ence confronc su cheche vel dir rejonèr de pèsc e de nonviolenza anchecondì. N rejonon con Nadia Cadrobbi. Conduzion Cinzia Pistoia

Le sorvisc por les dependënzes dl’Aziënda Sanitara da Bornech, en colaboraziun cun le Raiun Sozial Val Badia, pȋta n sorvisc nü tlamé Walk in-consuënza. Antonia Castlunger, la responsabla dl Raiun Sozial, nes cunta deplü.

N program de Sara Frenner

Enstadì te Museo Ladin de Fascia à avert la mostra “Melaures de la Mendranzes”, na esposizion che porta dant operes artistiches dedichèdes a la mendranzes linguistiches de la Region Autonoma Trentin - Sudtirol. Per saer zeche de più aron en coleament con nos Daniela Brovadan che, dessema a Giuseppe Tasin, à rencurà la mostra. Conduzion Cinzia Pistoia

La Ciasa de Palsa Ujöp Frëidademetz a San Martin de Tor deura sües portes a formes de robótica y tecnologies inteliëntes. Le diretur Valentin Erlacher nes cunta te ci contesć che l’inteliënza artifiziala po alisiré le laur, tl setur dla cura y dl’assistënza.

N program de Sara Frenner

L Cuartet leterer, Rut Bernardi, Ingrid Runggaldier, Mateo Taibon y Roland Verra rujenerà dl roman dla scritëura Romana Pucci (1928 - 1990) dla Toscana che à vivù dal 1940 nchina ntëur l 1950 a Bulsan tl tëmp dl fascism, l mëter man dla viera, i bumbardamënc sun Bulsan, l’ocupazion di Nazisć y la fin dla viera. L’uva barbarossa ie “una dla elaburazions letereres plu urigineles dla ntraunides dla viera y di ani do la viera tl Südtirol.”

Romana Pucci (1983): L’uva barbarossa. Milano: Bompiani

La biblioteca l é muie de più che n post olà tor adimprest n liber: l é n lech de cultura, cognoscenza e condivijion. Anter letures, scontrèdes e ativitèdes, la biblioteca se palesa desche chel post bon de meter ensema idees, persones e generazions desferente. N rejonon con la bibliotecaria de Cianacei Aurora Giuliani. Conduzion de Cinzia Pistoia

Canche la va de purtè aiut a persones vitimes de desgrazies tla natura y nia me, pòna possa i cians dè n cuntribut mpurtant. Nce te Gherdëina iel na lia che nsënia ju i cians y culaburea cun la grupes de sucors tla situazions de emergënza. Ellis Kasslatter, presidënta dla Unità de sucors cun i cians de Gherdëina, nes conta. Conduzion Leo Senoner

“I daidiun” é le grup de volontars y volontares nü che é gnü metü sö danter la colaboraziun dl Raiun Sozial Val Badia y le Comité Caritas Val Badia. La responsabla dl Raiun Sozial, Antonia Castlunger nes cunta.

N program de Sara Frenner

Per poder fèr front a la desferenta situazions che ne met dant i mudamenc climatics e per stèr ite te la normes che tocia l setor de l’energia, l Consorzie Eletrich de Poza, dessema al Consorzie de Stenico, va envers la transizion energetica con neves investimenc per desferenzièr la fontènes de produzion de energia. N rejonon con Dino Detomas, diretor del CEP. Conduzion Cinzia Pistoia

Do la prima storica esperienza, nce sce nia fertuneda, tl campiunat regiunel de Ezelënza, cëla l FC Gherdëina cun crëta ala nueva sajon agonistica tl campiunat provinziel de Promozion. Ciunes che ie la mires dla sozietà, la nuviteis y i mudamënc per la sajon 2026/27, nes dij l presidënt dl FC Gherdëina Peter Rabanser. Conduzion Leo Senoner