L Istitut culturel Micurà de Rù adum cun l'Università "La Sapienza" de Roma urganisea n vënerdi ai 7 de utober tla sënta de San Martin n simposium n lecort dl prufessëur Walter Belardi, per unerè si mpëni per la rujeneda y cultura ladina. Prejënc danter l auter, i prufessëures dla “Sapienza” Marco Mancini y Paolo Di Giovine. Ntervista cun Marco Forni, lessicograf dl Istitut culturel Micurà de Rù. Conduzion Leo Senoner

Elena Testor (Lega) è vegnuda confermeda tel scagn de Senadora per la seconda outa col 44,03% de stimes tel colege de Perjen che tol ite ence Fiem e Fascia. Si ejit personèl é mingol na ezezion a la desfata che à abù la lega a livel nazional. Analises e riflescions con Elena Testor, conduzion Anna Mazzel

Na presentaziun cronologica y comentada de dütes les normes plö importantes (leges costituzionales, Dpr, decrec legislatifs, leges provinziales) che a piè ia dal statut d'autonomia dl 1972 à da nen fa cun la scola ladina y la scunënza culturala di ladins tl Südtirol. le cudejel "la scola ladina y i 50 agn dl secundo statut de autonomia" è n strumënt scëmpl y plajor por avëi na suravijiun sön la normativa che reverda i ladins y sön süa evoluziun storica. Trasmisciun cun l' autur dla publicaziun Carlo Suani, professur inciarìè pro le dipartimënt cultura y formaziun dl' intendënza ladina. N program de Alessandro Dapunt

La presidënta dl Schiclub Gherdëina Lidia Bernardi candidea pra la veles dl cunsëi dla Federazion taliana di sporc da d’inviern sul program ai 15 de utober a Milan. L’esperienza tl schiclub y tla sezion provinziela dla Federazion sciche cherta da vijita per na ndesfideda nueva. Program de Leo Senoner

L projet "Attivamente" se met dant de sensibiliser la comunanza dintornvia la demenzes sporjan vèlch atività spezifica per fer cognoscer coche se pel jir encontra al vegnir veies e se rencurer. Na lingia de apuntamenc endrezè dal servijie sozioassistenzial del Comun General de Fascia adum con la comunità teritorièla de la Val de Fiem, la sociazion Rencureme, la cooperativa Le Raisc e l'Azienda provinzièla per i servijies sanitères. En rejonon con Paola Rasom coordinatora responsabola di servijies sozioassistenziai del Comun General de Fascia, conduzion Anna Mazzel

Na udleda sun la sajon agunistica 2022/23 dl Hockey Club Gherdëina. La prima scuadra, l setor di jëuni, l’atività dla lia sportiva dl hockey te na ntervista cun l presidënt Walter Ploner. Conduzion Leo Senoner

Per la 5°edizion del Simposie Toni Gross zipiadores e artisc che crea musega e strumenc lurarà en cobia dai 12 ai 16 de setember a Poza per chierir ensema de trèr fora dal legn formes e sons sot al ciapel “Surplus”. En rejonon col diretor artistich Pierangelo Giacomuzzi, conduzion Anna Mazzel

Le liber "Le bosch süa richëza y gestiun " por ladin, 400 plates cun tröpes ilustraziuns y n glossar cun i inoms y le parores specifiches è na funtana de informaziuns che po interescè düc, dai apascionà dla natüra a chiche laora te bosch y cun le bosch. L' autur, Gottlieb Moling, comissar dla forestala tl' ispetorat da Bornech, à metü adüm plö de 30 agn de esperienza y competënza da verdabosc y ofizier dla forestala cun la pasciun por le bosch y à realisè na publicaziun che è n gran vare inant pur la divulgaziun dla conoscënza dl' eco-sistem bosch y dla terminologia ladina sön le argumënt. N program de Alessandro Dapunt

Con David Romelli e Flavio Rossi - che anter Cianacei e Roma i à metù en pe na firma de ceramiches da l'inom "Utol"- rejonon del valor de l'artejanat. Conduzion de Cinzia Pistoia

Da valgugn egn la coprativa sozièla Inout endreza via desvaliva ativitèdes per bec e bezes fora per l'istà con scomenzadives originèles e curiouses. En rejonon con Thomas Zulian e Martin Pederiva, conduzion Anna Mazzel