Le fascin da rové sön les pizes di crëp ince d’invern conduj tröc a se mëte tl prigo. Cun les pels sciafia i schiadus da rové tla natöra plö salvaria y tralasciada. Por sensibilisé düc i apascioná orunse incö dé valgügn consëis por se gode le bel dl sport y de nosta contrada te majera segurté.

Moderaziun: Sara Frenner

Cunsciderazions sun l’atività dl lizeum d’Ert Cademia de Urtijëi cun la diretëura Maria Teresa Mussner. Conduzion Leo Senoner

I ritmes de la luna à na fazion su sanità, beleza, cèsa, ort, vidor e auter. En rejonon con Gladia Debertol pascionèda di ritmes de la luna che à scrit ence n lunarie “La luna ti prende per mano…” Conduzion Anna Mazzel

Dala publicaziun "Le Paromaro" dües cunties cürtes dl scritur de La Plì de Mareo: "le salvan y la gana" y "l'ostì ladin".

N program de Alessandro Dapunt

I viun te na sozieté olache i valurs de n iade se perd y ti lascia gran lerch a d’atres formes de comportamënc. Cai é pa i valurs da incö y vir pa ciamó i valurs biblics?

Moderaziun: Sara Frenner

Cunsciderazions y pensieres sun l ann nuef che mët man cun l ambolt de Sëlva Roland Demetz y l presidënt dla lia dl turism de Urtijëi Ambros Hofer. Conduzion Leo Senoner

Rejonon de solidarietà, de picola azions che vignun pel fer e che pel dider a muder l mond. L 2019 l’é stat l’an di gregn movimenc di studenc di Friday for future, del crescer de na coscienza per stravarder l’ambient . Jir sorafora l’egoism e l consumism che é vegnù creà segur no l’é sorì, l’é n jir en contratendenza valch’outa l’é reagir a na dependenza che fosc no se sa nience de aer, ma l’é n jir fosc a chierir la reisc e l cher per creer leames neves e crescer daite. Ladinia Live te l’ultim dì de l’an vel der la ousc a la Costa Family Foundation desche ejempl de solidarietà e coscienza che da pech à envià via l projet "Ergobando". Conduzion Anna Mazzel

Nasciü dl ann 1789 tla vila de Rü a San Ciascian, Micurà de Rü è gnu pro y è stè di alalungia caplan di suldas Kaiserjäger. Personalitè de alt valur moral y cultural, MIcurà de Rü vëgn recordè coche chël studiè che à porvè por prüm da mët jö na gramatica unificada dl lingaz ladin. Lois Trebo cunta te dües perts dla storia de vita de chësc gran personaje. N program de Alessandro Dapunt

Spizorede les orëdles y dauride la porta…le Bambin ó gní ite! Chësc program ó ves nainé tl’atmosfera dl Nadé, coriosan te ostes ciases por descorí sciöche os festejëis chësc dé.

Moderaziun: Sara Frenner

La manifestazion sportiva prinzipela dl ann, urmëi da passa mez secul, ie la garejedes de schi alpin sun la Saslong. Nce chëst’ann cun la partezipazion di campions dla disciplines asveltes dla libra y dl SuperG. Na ntraunida sportiva, ma nce sozio-economica y turistica. Ntervista cun Rainer Senoner, presidënt dl cumitè de urganisazion y Moritz Demetz, respunsabl setor events y catering. Conduzion Leo Senoner