Lafz Urdu Poetry Podcast

By Soz

Duniya mein jo do chaar logon ne jaana hai mujhe , unhe is baat ka ilm hai ki mujhe Urdu shaayari se ishq hai .

Recitation se main har woh emotion capture karna chaahta hun jo us tehreer mein saans l... more

5

11 ratings

Download on the App Store

Download on the App Store

Get it on Google Play

FAQs about Lafz Urdu Poetry Podcast:

How many episodes does Lafz Urdu Poetry Podcast have?

The podcast currently has 69 episodes available.

Lafz Urdu Poetry Podcast episodes:

June 08, 2025 Koi Aashiq Kisi Mehbooba Se - Faiz
Faiz Ahmed Faiz ki yeh nazm sirf ek aashiq aur mehbooba ke darmiyan khāmushi aur yaadon ka fasaana nahin — balki ek khamosh inqilāb ki sarguzasht hai.
Is mein mehbooba sirf ek shakhs nahin, balki watan, awaam, aur us behtar mustaqbil ki tajassur shuda tasveer hai jo kahin waqt ki raakh tale dab chuki hai.
Faiz, ek musalsal be-awaaz sāniha likhta hai — jahan guzishta dard, na-aqli qurbat, aur bewafāi bhi izzat ke laayiq hain.
Yeh nazm ek sabr-o-sukoon se bhara hua inqilābī izhār hai — jisme na ilzaam hai, na fariyaad — sirf intezaar hai us subah ka,
jo phir se baad-e-sabā ke saath gulshan-e-yaad mein phool khilā sake.

MUJHE YAKEEN HAI .. JAB DUNIYA KHATM HO JAAYEGI .. SAB TARAF ANDHERE KA MANZAR HOGA ..
TAB KISI ROZ ISI EK NAZM SE
ZINDAGI KA PATA MILEGA .

love
soz .

...more
2min
May 26, 2025 Hum jo taareek raahon mein maare gaye
Faiz ki ye ek historic nazm hai jo unhone Julius aur Ethel Rosenberg ke khutoot se inspire ho kar likhi thi .
Translation Aaga Shahid Ali ka hai
Source Rekhta hai .
Bohot waqt lag gaya kuchh naya post karne mein :(
Nadi mein gehre utar kar jaise log
Train se phenke hue sikke talaash karte hain
Main bhi andar
Bohot andar apne
Ek gham talaash karta hun
Shukriya
Soz :)
...more
2min
December 31, 2024 Ek Andha Safar Hai Ye
Ye ek naya stanza kaha tha maine aur priya ne apni aawaaz mein piro diya .
Aaj is saal ka aakhiri din hai .. aur ye kitna munaasib hai ye kehna aur mehsoos karna ki YE EK ANDHA SAFAR HI TOH HAI ..
Har roz ek bujhte din ko apne badan se utaar kar rakhte jaate hain ..
EK ANDHA SAFAR HAI YE
KABHI RAAT TOH HONI HAI
YE KHEL HAI SAANSON KA
YAHAAN MAAT TOH HONI HAI
YE JISM KI MITTI BHI
EK DIN BIK JAANI HAI
ZINDAGI AUR KUCHH BHI NAHIN
TERI MERI KAHAANI HAI
EK PYAAR KA NAGHMA HAI
aawaaz : Priya kashyap
bol : Soz
Shukriya .
...more
3min
November 08, 2024 Yun na mil mujhse khafa ho jaise - Ehsaan Daanish
Aadaab
Aaj subah phone scroll karte waqt Ehsaan Danish ki ye ek ghazal mili .
Dafatan usko record bhi kar liya ..
Yun hi ek random se recitation ki tarah
Phir khayaal aaya ki bohot waqt hua Spotify par kuchh upload kiye
Aur mujh ko hamesha yahi mehsoos hota raha hai
Ki recitations jo yun hi kiye jaate hain
Woh dar asal sabse behtar hote hain
Khair
Meri balcony mein Lily ka ek paudha hai
Jis par ek naya phool aaya hai
Ilias Babar Aawan ka ek sher yaad aa gaya :
Phool kitaabein le jaa tanha rehne de
Mera kamra , mera kamra rehne de
Bohot ishq
Soz
...more
3min
October 03, 2024 Stand with RG Kar
Ye nazm takreeban ek maheene pehle Kalimpong ki waadiyon mein record ki thi .
Kaifi Azmi ki ye nazm duniya ki har ek Abhya ko dedicated hai .
UTH MERI JAAN MERE SAATH HI CHALNA HAI TUJHE
ishq
soz
...more
4min
June 27, 2024 Ye pichhle ishq ki baatein hain - Mohsin Naqvi
Mohsin Naqvi deewaano ke shaair hain ..
Unki shaayari kisi khushbu ki tarah hai jo gaayab hone ke baad bhi maheeno yaad rehti hai ..
Bahar-haal
•Yaaqoot ek mehenge patthar ko kehte hain .
•Gard aalood - dhool mein lipta hua ya sana hua
Apna khayaal rakhiye
Ishq
Soz
...more
5min
April 29, 2024 Kahaan aa ke rukne the raaste , kahaan mod tha usey bhool jaa - Amjad Islam Amjad
Amjad saahab ki ye ek badi hi iconic ghazal hai .
Woh saare log , jo kisi rishte se baahar toh aa gaye hain .. par mentally ab talak usi rishte ko jiye jaa rahe hain . Bus ki saans liye jaa rahe hain .. aur Gulzar ka ye sher padh rahe hain :
Din kuchh aise guzaarta hai koi
Jaise ehsaan utaarta hai koi
Un saare logon ko amjad saahab ki ye ghazal intesaab karta hun .
Iske har ek ashaar mein ummeed hai .Bohot zyaada ummeed .
Background mein hum sabki favorite Debasmita faiz ko gunguna rahi hai .
Suniye aur achchhi shaayari padhte rahiye
Ishq
Soz
...more
4min
March 31, 2024 Bhali si ek shakl thi - Ahmed Faraz
Ahmed Faraz ke liye Gulzar ne ek nazm mein likha tha :
Sookh gaye hain phool kitaabo'n mein
Yaar 'Faraaz' bhi bhichhad gaye hain
Shaayad mile'n woh khwaabo'n mein !
Ye ek nazm Ahmed Faraz ki .. jis mein ladka ek relationship chaahta hai .. par ladki ko relationship bojh lagti hai .
Kitni relevant hai ye nazm .. aur shaayad har ek daur mein rahegi .. kyunki har daur mein human emotions itne hi relevant rahenge ..
Happy listening
Soz :)
...more
5min
March 17, 2024 In conversation with Ghalib
Ibn e mariyam hua kare koi
Mere dukh ki dawa kare koi
Talking to Ghalib is like talking to your best friend . You can share all your secrets . Chacha Ghalib as he is known . He has a beautiful sher for every moment of life .
I've been reading him since childhood . And I wanted to do something serious which i can dedicate to him .
Will always be grateful to Debasmita , whom I call my Beghum Akhtar .
Hai yahi rasm zindagi ki yahaan
Roz thoda mara kare koi
The video for this composition ( made by Shivam Dubey ) has been posted on my YouTube channel . Here is the link :
https://youtu.be/7LZ2Z0Yxj2o?si=P7Wng-0x1scC3Gp4
Don't miss it 🌻
Shukriya
Soz
...more
8min
March 02, 2024 Tanvir Monis - Jaan majboor hoon
Ek nazm mein kitne saare lamhe lipte hote hain . Kabhi kholo toh gulaab ki sookhi hui pankhudiyo'n ki khushboo aati hai .
Is ek nazm mein bhi waisi hi khushboo hai ..
Jaan nisaar akhtar ka ek sher hai :
Hum se maayus nah ho aye shab e dauraa'n ki abhi
Dil mein kuchh dard chamakte hain ujaalon ki tarah
Happy listening
Soz .
Send a voice message to my podcast, Lafz: https://podcasters.spotify.com/pod/show/lafz--soz/message
Instagram: https://www.instagram.com/abhishek_soz?igsh=bG11dDl1ZDh0azJu
...more
4min

FAQs about Lafz Urdu Poetry Podcast:

How many episodes does Lafz Urdu Poetry Podcast have?

The podcast currently has 69 episodes available.