عارف انت احساس الي هو انا مش عارف انا حاسس بايه 

تخيل واحد غريق شايف سفينه النجاه بتمشي اسرع منه لبعيد 

احساس الخوف  وياس وفي نفس الوقت امل وطاقه انه يلحقها 

ويجي موجه عاليه شويه   من كلمات بسيطه جدا    

تحولك  لطفل بشنب ويخليك خايف من اي خطوه 

فا تقف 

خايف تقف تقع 

وخايف ترجع  فا ينتهي بيك الحال 

مش عارف تروح لفين 

وتسال نفسك سوال نابع من قلبك  و بكل فقدان للثقه 

هل انا 

يعني هل انا كنت كفايه 

هل  قدمت الي عليا فعلا 

ولا انا معرفش 

واحده واحده  تحس انك فاشل في كل حاجه 

وتبدا تخاف من انك ترفع عينك في عين الي بتحبه 

 وتتهرب  بصوت واطي جدا.

تهمس فا يسمعك نفسك ويسمعك قلبك وميسمعكش غيرهم.

نفسك تهرب لحد تحبه. زي الغريق لسفينه نجاه 

 بس ارميلي الحبل  حتي لو مش هتشدني 

ارميلي كلمه 

 حتي لو مش هتحضني 

 لو كان التوهان احساس فا في امل توصل للنهايه حتي لو بعد كتير 

لو كان الخوف  فا في في اخر الضلمه نور. برضه

انما الغريق  يحس بايه

وهو شايف طوق نجاته بيبعد 

كل كتف بحرب  كل محاوله بحرب 

كل ثانيه  هيه حرب عشان هدفه 

ماذا برضه لو الهدف كان يائس

مااذا لو كان الهدف هو الي بيتخلي عنك

ماذا لو الي بتحارب عشانه مش بيحارب عشانك 

فا ترجع تسال … هل انا كفايه !  

هل انا ….  وتشوف الي حواليك كلهم  بضحكه عريضه واسعه

وعين حبيبك مشغوله بلمعانهم 

وانت واقف  عاجز عن كل حاجه

فا يتملكك الخوف والياس 

 وترجع طفل بشنب كبيير

واقف في الزاويه يعضض ضوافره ويبكي  بعيون من غير دموع وصوت من غير صوت 

ووجع من غير مكان 

وتفكير في مكان مفروض ميفكرش 

اااااه  ااااه علي القلب لما  يشغل ال ٤٠ الف خليه عصبيه الي فيه ويتحول من قلب لمركز تفكير

 ويتملكه  الخوف والياس مع كل نبضه 

قولي يا الي سامعني… هل انا كنت كفايه  في حربي 

ولا طلعت مهزوم 

قولي لو كان حبيبي حاربني ولا حارب ليا 

ارميلي حبل  حتي لو مش هتشده 

او ارميلي كلمه . حتي لو مش هتحضني. 

المهم… 

 الحق غريقك..