Las perlas

Benedetto fa in selfie! Per la vairamain davosa ediziun da sia emissiun La Perlas ristga redactur e moderatur partent Benedetto Vigne da far ina retrospectiva en atgna chaussa, pestgond or inquala truvaglia guerscha, ma er dus u trais puncts culminants da sia carriera musicala. Quai tanscha dal duet cun Paulin Nuotclà en il «Trubadur» enfin tar la producziun dal monumental «Lain fabular - ils Beatles per rumantsch». E cumpiglia perfin ina veglia participaziun rumantscha a l'Eurovision 1983 davart dad in tschert project numnà Rezia Spontana

Suitas stralungas e truvaglias mundialas Igl èn las segund-davosas Perlas preschentadas dal redactur e moderatur Benedetto Vigne e cun quellas sia ultima e sisavla schelta da tuns preferids dals ultims 50 onns.

E qua figureschan duas suitas stralungas da Jimi Hendrix respectiv Eric Clapton, duas cumparsas da Prince (foto) e Michael Jackson – e lura anc in pèr truvaglias, da la Frantscha, da la Spagna, da la Germania, da l'Argentina e da la Rumantschia.

Dal museal enfin tar l'exotissem A chaschun da ses imminent cumià sco redactur e moderatur da Las Perlas preschenta Benedetto Vigne ina schelta da sias perlas preferidas dals ultims 50 onns.

La tschintgavla etappa d'ina parada che cumpiglia intgins tuns da trip-hop sco la «Unfinished Sympathy» dals Massive Attack, intgins tuns museals sco la «Downtown» da la Petula Clark (foto), intgins exotissems sco «Doggie & Maggie» dals Clammbon giapunais, e lura perfin intgins tuns da rap sco l'«Affon en mei» da las Liricas Analas.

Dal Ländler enfin a la Dancing Queen A chaschun da ses imminent cumià sco redactur e moderatur da Las Perlas, preschenta Benedetto Vigne ina schelta da sias perlas preferidas dals ultims 50 onns. La quart'ediziun d'ina parada che cumpiglia ils «signuns» dals Züri West, la «regina dal saut» dals Abba (foto), il «helicopter» dals Deerhunter, il «cubus da metal» da Bibi Vaplan e lura perfin in Ländler!

Dals emprims '60 enfin ils onns 2000. A chaschun da ses imminent cumià sco redactur e moderatur da Las Perlas preschenta Benedetto Vigne ina schelta da sias perlas preferidas dals ultims 50 onns. La terz'ediziun d'ina parada che cumpiglia ina chanzun da buna notg da las Mamas and Papas, ina festa da giuventegna dals Thin Lizzy, in chant a la mar da Corin Curschellas (foto), ina oda als motorins dals Rumpelstilz ed in surrealissem dals Chairlift.

Dals Rolling Stones enfin tar Aretha Franklin. A chaschun da ses imminent cumià sco redactur e moderatur da Las Perlas preschenta Benedetto Vigne ina schelta da sias perlas preferidas dals ultims 50 onns.

Quest qua è la segund'ediziun d'ina parada che cumpiglia la «Satisfaction» dals Rolling Stones, la «Cara tristezia» da Tartaruga e la «Little Prayer» da Aretha Franklin (foto) gist morta dacurt. Plus in pèr autras truvaglias cun tacts irregulars, sco per exepmel il «Living In The Past» dals Jethro Tull.

Dals Beatles enfin tar Lucio Dalla A chaschun da ses imminent cumià sco redactur e moderatur da Las Perlas preschenta Benedetto Vigne anc ina giada ina schelta da sias perlas preferidas dals ultims 50 onns, ina parada che tanscha dals Beatles dal 1964 enfin tar ils Baths dal 2017. Passond per las Supremes, David Bowie, Lucio Dalla (foto), The Cure ed anc in pèr autras staziuns da la musica pop.

Da la «Delilah» enfin tar la «Jesamine». La quarta e davosa ediziun da las perlas dal 1968 è marcada d'in pèr veritablas «schnulzas», sco per exempel la «Jesamine» dals Casuals u la «Young Girl» dals Union Gap. Dasperas datti però anc in ultim gir tras restanzas psicadelicas, tras las «Pictures Of Matchstick Men» dals Status Quo u il «Heavenly Club» da noss Sauterelles svizzers.

E betg mancar na dastga la «Delilah» bunamain biblica dal nundestruibel tigher valisic, il Tom Jones (foto). La parada cumpiglia ultra da quai duas truvaglias talianas. In'annada vairamain ritga e multifara, quest 1968!

Dal bubblegum a la revolta. La terza ediziun da las perlas dal 1968 mussa d'ina vart la ligerezza dal uschenumnà bubblegum-pop da chanzunettas sco «Yummy Yummy Yummy» ubain «Baby Come Back», ma revela da l'autra vart las chanzuns che reflectavan ils protests ed er tumults da lezza stagiun, la «Revolution» dals Beatles ubain il «Street Fighting Man» dals Rolling Stones (foto). E lura anc duas u trais truvaglias or da la scena da country: la «Harper Valley PTA» ed il «Son of Hickory Holler's Tramp». Nunenconuschentas? Tadlar!

Ina rotscha hits latino-americans. 20 emnas ha la chanzun «Despacito» da Fonsi e Daddy Yankee passentà a la tschima da las paradas svizras – in record absolut. Ma la chanzun latino-americana ha ina lunga tradiziun che na cumpiglia betg mo mixturas da flamenco, salsa e reggaeton. Er il rock e pop commun han là giu in ferm pe, e quai dapi decennis. La schelta tanscha da la «Camisa Negra» da Juanes enfin tar «La Bamba» da Ritchie Valens, da «Me Voy» da Julieta Venegas (foto) enfin tar il «Lamento Boliviano» dals Enanitos Verdes.

Bun divertiment!