Kristrún Tinna Gunnarsdóttir er hagfræðingur og starfar í dag sem forstöðumaður stefnumótunar og sjálfbærni hjá Íslandsbanka. 

Kristrún segir frá starfsferli sínum í íslenskum bankageira auk þess sem við ræðum um allt það sem þú vildir vita um hagkerfið en þorðir ekki að spyrja um. 
Auk þess ræðum við: 

• Hvernig fjárhags uppeldi hún fékk. 
• Af hverju hagfræðin varð fyrir valinu þegar hún valdi sér háskólanám
• Hvort hagfræðin sé svipuð vísindi eins og veðurfræði? 
• Hvaða þýðingu hefur hagfræðin fyrir okkur?
• Af hverju sá engin fyrir Hrunið? 
• Af hverju er Financial Times gefið út með svona stórar blaðsíður? 
• Hver áhrif skatta geta verið á hegðun og langvarandi áhrif. 
• Hvað eru stýrivextir? 
• Af hverju eru þeir ekki bara 0%
• Hvað er verðbólga og hvernig er henni stýrt?  
• Eftirspurn og framboð í hagkerfinu? 
• Af hverju hófleg verðbólga er talin af hinu góða.

Öll þessi hagfræðihugtök sem við heyrum reglulega rædd og skýrð. 
Umsjón: Gunnar Dofri Ólafsson 
Framleitt af umboðsmanni skuldara með stuðningi frá félagsmálaráðuneytinu. 

Ólafur Darri Ólafsson er einn ástsælasti leikari íslensku þjóðarinnar. 
Í dag er hann leikandi í skjónvarpsseríum hér á landi og í stórum Hollywood kvikmyndum. Líf hans hefur samt ekki verið eintómur dans á rósum og hann gekk í gegnum töluverða fjárhagsörðugleika sem ungur maður. 

Við ræðum hér: 

• Listina hvernig maður lifir af henni. 
• Mikilvægi góðs endurskoðanda 
• Hvernig fjármál hans voru komin á vondan stað í menntaskóla. 
• Hvernig þáttur með Opruh Winfrey opnaði augu hans en þar var höfundur bókarinnar The Automatic Millionaire til viðtals. 
• The Latte Factor og af hverju margt smátt gerir eitt risastórt. 
• Hvernig Ólafur borgaði niður skuldahallann. 
• Hann skuldar bara húsnæðislán í dag. 
• Gleðina við það að borga aukalega inn á húsnæðislánið í hverjum mánuði.
• Bókina, Þú átt nóg af peningum. 
• Hvernig andleg líðan varð miklu betri samhliða heilbrigðari fjármálum. 
• Mikilvægi þess að vera með gott fólk í fjármálum og umboðsmennsku hér á landi og í Ameríku. 
• Hvernig hann fjárfestir. 
• Hatur hans á uppgreiðslugjöldum.  
• Laun fyrir leiklist þegar hann var að hefja sinn feril. 
• Af hverju hann vill borga skatta á Íslandi.
• Hvernig kemur maður sér á framfæri sem leikari? 
• Hvernig röddin hefur verið guðsgjöf hans.
• The Tourist sem er næsta verkefni hans. 

Þetta og margt fleira í þessu viðtali. 
Umsjón: Gunnar Dofri Ólafsson. 
Framleitt af umboðsmanni skuldara með stuðningi frá félagsmálaráðuneytinu. 

Trausti Sigurbjörnsson er 30 ára Skagamaður sem hefur lengi haft áhuga á fjármálum. Hann starfar sem kerfisstjóri hjá DK hugbúnaði. Og er fyrrverandi knattspyrnumaður en hann lagði skóna á hilluna í fyrra. 
Í þessu viðtali ræðir Trausti um sín fjármál hvenær hann fór að fá áhuga á þeim og hann mun fræða okkur um Dave Ramsey. En Dave er einn þekktasti fjármálafræðingur Ameríku og eru þættir hans og boðskapur svolítil fyrirmynd af Leitinni að peningunum.  
Saga Dave hefst þegar hann verður gjaldþrota og allar götur síðan hefur hann predikað nauðsyn þess að greiða niður skuldir, spara og hugsa vel um peninga. 
Baby Steps Dave Ramsey eru rædd og skoðuð sérstaklega: 

Þrep 1 - Sparaðu 100.000kr í banka sem byrjunar neyðarsjóð. 
Þrep 2 – Borgaðu upp allar skuldir nema húsið.  
Þrep 3 – Söfnum upp vara- eða neyðarsjóð sem ætti að nema 3-6 mánuðum af útgjöldum. 
Þrep 4 – Byrjaðu að fjárfesta og auktu svo fjárfestingar til framtíðar. 
Þrep 5 - Sparaðu fyrir framtíð barnanna þinna. 
Þrep 6 - Borgaðu upp hússnæðislánið þitt snemma
Þrep 7 - Safnaðu auðæfum og gefðu 

Auk þess sem við ræðum fleiri áhugaverða hluti frá Dave Ramsey. 

Umsjón; Gunnar Dofri Ólafsson 
Framleitt af: Umboðsmanni skuldara með stuðning frá félagsmálaráðuneytinu. 

Andrés Jónsson starfar í dag sem almannatengil og ráðningarráðgjafi við fyrirtæki sitt Góð samskipti. Umræðuefni þessa þáttar er hvað fólk getur gert til að styrkja sig á vinnumarkaði, aukið tekjur sínar og náð meiri árangri.  Andrés er með hlaðvarpið Ræðum það þar sem rætt um er um atvinnulífið á Íslandi úr annarri átt. 
Auk þess ræðum við. 

• Hvernig uppeldi hans mótaði viðhorf hans til lífsins 
• Starferil hans sem hefur einkennst af miklu frumkvöðlastarfi.  
• Þegar hann stofnaði útvarpsstöðina Mono fyrir Jón Ólafsson og fór svo í rekstur með sama Jóni sem endaði í lögfræðidrama. 
• Hvernig Andrés átti allt í einu fullt af peningum í kringum aldamót og hvernig hann eyddi þeim hratt og örugglega, og hvað hann lærði um leið af þeim mistökum. 
• Ranghugmyndir fólks um hvernig starfsframinn eigi að þróast, en Andrés segir hann vera líkan frumkvöðlastarfsemi. Þar sem hlutirnir geti breyst og maður þurfi að skapa sér tækifæri. 
• Mikilvægi þess að við ögrum okkur og kynnumst nýju fólki. 
• Mikilvægi sýnileika og fólk sjái færni okkar. 
• Af hverju flest störf eru ráðin í gegnum persónuleg tengsl. 
•  Viðhorf hans til peninga og af hverju hann kaupir sjálfur mikið af ráðgjöf 

Bókin sem Andrés ræðir
The start up of you fæst á:
Amazon
Audible

Þetta og margt fleira í þessu áhugaverða viðtali. 
Umsjón: Gunnar Dofri Ólafsson 
Framleitt af umboðsmanni skuldara með stuðning frá félagsmálaráðuneytinu. 

Svanhildur Hólm Valsdóttir starfar í dag sem  framkvæmdastjóri Viðskiptaráðs. Hún starfaði í fjölda ára sem aðstoðarmaður fjármála- og forsætisráðherra. Einnig starfaði hún lengi í fjölmiðlum. 
Hún ræðir hér um skatta, ríkisfjármál og af hverju við eigum að þekkja til þessara málaflokka og láta þá okkur varða. Auk þess ræðum við fjölmargt fleira:

• Uppeldi hennar út á landi og ólík starfsreynslu. 
• Hvernig hún sjálf talar um peninga við sín börn? 
• Hvað gera aðstoðarmenn ráðherra? 
• Hvað eru fjárlög hvernig skiptast útgjöld ríksisins?
• Ólíka skatta ríksisins og sveitarfélaga.
• Af hverju maður eigi að skoða álagningarseðilinn sinn á hverju vori. 
• Hvernig venjulegt fólk fer að því að  setja þessar háu tölur, oft marga milljarða í samhengi og skilja umfang þeirra.  
• Hvernig vaxtagjöld ríkisins hafa farið lækkandi og hvað það þýðir?
• Hvað Covid 19 kreppan kostar ríkissjóð á hverjum degi?
• Hvar er hægt að hagræða í rekstri ríkisins? 
• Hvað Svanhildur myndi gera ef hún væri alráð í fjármálaráðuneytinu í einn dag? 
• Hvort skattar séu of háir á Íslandi? 

Svanhildur býr að mikilli reynslu og þekkingu á rekstri ríkisins og fer hér yfir skatta og útgjöld ríkisins í þessu áhugaverða viðtali. 

Leitin að peningunum er í umsjón Gunnars Dofra Ólafssonar
Framleitt af umboðsmanni skuldara með stuðningi frá félagsmálaráðuneytinu. 

Ari Skúlason hagfræðingur hjá Landsbankanum hefur skoðað íslenskan fasteignamarkað undafarin ár. Hann ræðir í þessu áhugaverða viðtali stöðu fasteignamarkaðar. 

• Borgar sig frekar að leigja en að kaupa? 
• Hvernig Covid hefur haft áhrif á fasteignamarkaðinn og starfsumhverfi.
• Hvernig vaxtalækkanir Seðlabankans hafa gjörbreytt fasteignamarkaði. 

Þetta og margt fleira er rætt í þaula í þessu áhugaverða viðtali. 
Umsjón Gunnar Dofri Ólafsson. 
Framleitt af umboðsmanni skuldara með stuðningi frá félagsmálaráðuneytinu. 

Sædís Anna Jónsdóttir er þriggja barna móðir sem hefur á nokkrum árum losnað úr fátæktargildru og fjárhagsáhyggjum  Hún er jafnframt stofnandi Facebookhópsins fjármálatips en í hópnum eru þegar þetta er ritað um 13.000 manns. 
Í þessu viðtali ræðum við um:

• Af hverju Fjármálatips hefur gengið svona vel
• Hvað hún hafi lært frá hópnum 
• Hvað hún leggur áherslu á við uppeldi á sínum börnum 
• Hvað hún hefði sjálf viljað læra um peninga þegar hún ólst upp
• Hvernig kreditkort, bílalán og yfirdráttur geta verið hættulegar afmælisgjafir við 18 ára afmælið frá bankanum 
• Hvernig henni tókst að snúa mjög erfiðri fjárhagsstöðu með vanskilum og neyslulánum í stöðuna í dag þar sem hún á íbúð og greiðir alla reikninga
• Hvernig niðurgreiðslna skulda er orðið áhugamál hjá henni og manninum hennar
• Hvernig hún lét dóttur sína sjá um matarinnkaup í heila viku og hún hætti að kvarta um að ekkert væri til í ísskápnum 
• Hvernig andleg heilsa líður fyrir fjárhagsvandræði 

Umsjón: Gunnar Dofri Ólafsson.  
Leitin að peningunum er framleitt af umboðsmanni skuldara með stuðningi frá félagsmálaráðuneytinu. 

Ragna Benedikta Garðarsdóttir er með doktorsgráðu og starfar sem dósent við félagssálfræði við Háskóla Íslands. 
Hún ræðir í þessu viðtali áhrif umhverfisns á hegðun okkar og þá oft neyslu.

• Þeim óhamingjusamari sem þú ert því líklegri ertu til að falla fyrir markaðsbrellum og kaupa einhvern óþarfa. 
• Það er munur á ánægju sem fylgir nýjum hlut og hamingju. Ánægjan fer fljótt.
• Við eigum frekar að kenna börnum markaðsbrellur og að lesa markaðsskilaboð en vexti verðbólgu o.þ.h. Þetta er stóra verkefnið í lífinu að standast stöðugt áreiti um að eyða peningum. 
• Við erum með tvö hugsanakerfi. Kerfi 1 sem er frumstætt og kerfi 2 sem hugsar hlutina til enda. 
• Kerfi 2 notar mikla orku og því reynir heilinn að styðjast við einfaldleika og vana. 
• Búðir eru hannaðar með þetta í huga að við notum kerfi 1 og kaupum þá meira en við þurfum. 
• Stöðukvíði er langvarandi vanlíðan sem hlýst af því að tilheyra lægri stéttum í samfélagi. Í samfélagi þar sem ójöfnuður er mikill er þetta áþreifanlegra heldur en í jafnari samfélögum.
• Á árunum fyrir hrun var hegðun Íslendinga oft furðuleg og snérist mikið um peninga. Gildismat okkar var samt samkvæmt rannsóknum ekki þannig þenkjandi.

Þetta og margt fleira í þessu áhugaverða viðtali sem allir ættu að hlusta á. 

Gunnar Baldvinsson er framkvæmdastjóri Almenna lífeyrissjóðsins og var auk þess formaður Landssambands lífeyrissjóða um árabil.  Hann hefur skrifað fjölmargar bækur um fjármál einstaklinga sem í dag eru nýttar til kennslu . Nýjasta bók hans Farsæl skref í fjármálum er nýkomin út og er til umræðu í þessum þætti.
Gunnar ræðir einnig lífeyrismál og af hverju í eftirlaunum okkar er oft að finna verðmætustu eign okkar. Einnig ræðum við um:  

• Mikilvægi þess að huga að lífeyrismálum sem fyrst. 
• Ungt fólk greiðir í dag um 15,5% af launum sínum í lífeyrissparnað og í sumum tilfellum geti þetta verið of mikið. Þ.e. fólk fái meira í eftirlaun en það fékk í laun! 
• Hann ræðir muninn á lífeyrissjóðakerfinu og almannatryggingarkerfinu.
• Nauðsyn þess að treysta ekki á almannatryggingakerfið þar sem er fjármagnað með skatttekjum og að í framtíðinni verða sífellt færri vinnandi á móti lífeyrisþegum.
• Hver er munurinn á söfnunarkerfi eða gegnumstreymiskerfi þegar kemur að lífeyrismálum? Hvaða kerfi höfum við á Íslandi? 
• Hann ræðir um bækur sínar um fjármál. 
• Bækur hans hafa verið þýddar og eru kenndar erlendis
• Hann fjallar um það sem vel er gert þegar kemur fjármálalæsi og hvar við þurfum að gera betur. 
• Mikilvægustu ráðin þegar kemur að fjármálum. 
• Húsnæðislán eiga ekki að vera hærri en þrenn árslaun. 
• Hvað er skuldabréf  og hvernig þau virka,. 
• Hvað myndi Gunnar gera við 50 milljónir króna sem hann fengi í hendurnar óvænt.

Þetta og margt fleira í þessu áhugaverða viðtali.

 Umsjón: Gunnar Dofri Ólafsson 
Þessi þáttur er framleiddur af umboðsmanni skuldara með stuðningi frá félagsmálaráðuneytinu. 

Már Wolfgang Mixa starfar sem lektor við Háskólann í Reykjavík. Hann hefur langa starfsreynslu af fjárfestingum og stýringu fjármuna í íslensku bankakerfi og erlendis. 
Már ræðir hér fjárfestingar og gefur góð ráð við ávöxtun peninga.  Þetta viðtal er mjög yfirgripsmikið og nokkuð langt en hér er farið á dýptina þegar kemur að sparnaði og fjárfestingum.

Meðal þess sem hér er rætt 

• Er hægt að tímasetja markaðinn varðandi kaup á hlutabréfum? 
• Þegar Már hóf sinn starfsferil í kringum aldamótin, var mikil netbóla á Íslandi auk þess sem Decode Genetics var heitasta fyrirtækið. 
• Hann ræðir um mikilvægi þess að halda stefnu þegar kemur að fjárfestingum og ekki elta umræðuna í samfélaginu. Hún er oft þveröfug við það sem skynsamlegt er að gera.
• Mikilvægast er að taka aldrei meiri áhættu en maður getur kyngt. Og maður skal aldrei verða ástfanginn af hlutabréfum. 
• Már sýnir dæmi um að hlutabréf geta verið skynsamlegar fjárfestingar á íslenskum hlutabréfamarkaði.  
• Hvaða ávöxtun hefði  íslenskur fjárfestir fengið eftir Hrunið í október 2008, hefði hann  keypt í Marel, Össur, Actavis og bönkunum þremur árið 2001? 
• Hann fjallar um séreignarsparnaðinn sem er í dag einn mikilvægasti sparnaður okkar allra. Hvort sem upp koma áföll eða við kaup á fyrstu íbúð eða við innborganir á íbúðalán. Skattleysi séreignarsparnaðar við kaup á íbúð eða við innborganir á lán gerir hann að mjög vænlegum kosti. 
• Már fjallar um fjárfestingar erlendis og gefur góð ráð þegar kemur að þeim. 
• Við ræðum um ólíkar áherslur við fjárfestingar eftir aldri. 
• Verðtryggð og óverðtryggð lán fá mikið vægi enda er fasteign fyrir flesta stærsta fjárfestingin á lífsleiðinni.  Auk þess sem við veltum fyrir okkur hvernig fasteignaverð muni þróast. 
• Fjármálalæsi Íslendinga er svo að endingu til umræðu auk þess sem við spyrjum Má um bestu fjárfestingu hans og hans stærstu mistök. 

Bloggsíða Más
https://www.mbl.is/vidskipti/pistlar/marmixa/

Umsjón: Gunnar Dofri Ólafsson 
Þessi þáttur er framleiddur af umboðsmanni skuldara með stuðningi frá félagsmálaráðuneytinu.