Rætt um kvikmyndabálkinn Small Axe sem sýndur er á RÚV þessa dagana, nýja íslenska kvikmynd sem heitir Hvernig á að vera klassa drusla og smásagnasafnið Herbergi í öðrum heimi eftir Maríu Elísabetu Bragadóttur.

Gestir þáttarins eru Gunnþórunn Guðmundsdóttir bókmenntafræðingur, Edda Kristín Sigurjónsdóttir deildarfultrúi myndlistardeildar LHÍ og Gunnar Ragnarsson kvikmyndarýnir og tónlistarmaður.

Umsjón hefur Davíð Kjartan Gestsson.

Í Lestarklefa vikunnar verður fjallað um kvikmynda Last and first men eftir Jóhann Jóhannsson, nýja plötu Agnars Más Magnússonar og félaga sem heitir Mór og sýninguna Afsakið mig í Ásmundarsal.

Gestir Lestarklefans verða Sváfnir Sigurðarson markaðs- og kynningarfulltrúi Þjóðleikhússins, Guðrún Erla Geirsdóttiir myndhöfundur og menningarmiðlari og Ásbjörg Jónsdóttir tónlistarkona.

Umsjón: Guðni Tómasson

Fjallað um sænsku sjónvarpsþættina Gösta eftir Lukas Moodyson, innsetningarathöfn í embætti 46. forseta Bandaríkjanna, og samsýninguna Veit andinn af efninu? í Nýlistasafninu. Gestir eru Jón Gnarr, Rán Flygenring og Birta Guðjónsdóttir.

Umsjón: Kristján Guðjónsson

Jónas Sig, Elísabet Jökulsdóttir og Þórður Hans Baldursson ræða við Guðrúnu Sóleyju Gestsdóttur um gjörninga- og sviðslistatímaritið Dunce, samsýninguna Vol. 1 í Þulu gallerýi og Hljóðleikhús Þjóðleikhússins.

Rætt um kvikmyndirnar Druk og Mank auk hljómleikaplötu Sigur Rósar, Hrafnagaldur Óðins. Gestir eru Vera Wonder Sölvadóttir kvikmyndagerðarmaður, Þorsteinn Hreggviðsson útvarpsmaður og Birna Anna Björnsdóttir rithöfundur.

Umsjón hefur Davíð Kjartan Gestsson

Gestir Lestarklefans í dag verða Freyja Hlíðkvist Ómarsdóttir sérfræðingur á munasafni Þjóðminjasafnsins, Edda Björg Eyjólfsdóttir leikkona og Haraldur Þór Egilsson safnstjóri Minjasafnsins á Akureyri. Þau ræða, við Guðna Tómasson, umsjónarmann þáttarins að þessu sinni, um nýja plötu hljómsveitarinnar Moses Hightower, Lyftutónlist, bresku sjónvarpsþættina Civilisations (Menning í mótun) sem RÚV sýnir um þessar mundir og uppistandsmynd Ara Eldjárn á Netflix sem heitir Pardon my Icelandic.

Það verður tónlistarslagsíða í Lestarklefanum í dag. Rætt verður um ólíka tónlist frá ólíkum tímum. Nýjan geisladisk þar sem Edda Erlendsdóttir píanóleikari leikur þrjár píanósónötur eftir Franz Schubert, Tónlistarhátíð Rásar eitt sem fram fór í fjórða sinn í Norðurljósasal Hörpu í síðustu viku, en þar voru frumflutt fjögur verk eftir ung tónskáld. Og rifjað verður upp að um þessar mundir eru nákvæmlega fjörutíu ár síðan hljómplatan Geislavirkir með hljómsveitinni Utangarðsmönnum kom út. Gestir þáttarins verða Steinunn Birna Ragnarsdóttir, Óperustjóri og píanóleikari, Árni Matthíasson menningarblaðamaður og Borgar Magnason, tónskáld og bassaleikari.

Umsjón: Eiríkur Guðmundsson