Í Lestarklefanum verður að þessu sinni rætt um kvikmyndina Ölmu eftir Kristínu Jóhannesdóttur, sjónvarpsþættina stofuhita með Bergi Ebba Benediktssyni og yfirlitssýningu á ljósmyndum Spessa í Þjóðminjasafninu. Gestir Guðna Tómassonar verða Magnús Karl Magnússon, Berglind Rós Magnúsdóttir og Bergþóra Snæbjörnsdóttir.

Í Lestarklefanum í dag verður fjallað um heimildamyndina Góði hirðirinn eftir Helgu Rakel Rafnsdóttur. Kvikmyndina The Father eftir franska kvikmyndaleikstjórann og rithöfundinn Florian Zeller, með þeim Anthony Hopkins og Oliviu Colman í aðalhlutverkum. Og nýja plötu ensku tónlistar- og leikkonunnar Marianne Faithfull, She Walks in Beauty, en þar flytur Faithfull ljóð eftir ensk, rómantísk skáld frá 19. öld. Gestir þáttarins verða þau Arnbjörg María Danielsen, dagskrárstjóri í Norræna húsinu, Jón Óskar myndlistarmaður og Pálmi Gestsson leikari.

Umsjón: Eiríkur Guðmundsson

Umræðuefni Lestarklefans eru óskarsverðlaunamyndin Nomadland, Hirðingjaland, Nashyrningarnir eftir Ionesco í Þjóðleikhúsinu, og sýningin Já/Nei með verkum eftir Auði Lóu Guðnadóttir. Gestir eru Ana Stanicevic, doktorsnemi í menningarfræðum, Fritz Hendrik Berndsen IV myndlistarmaður og Geir Sigurðsson, heimspekingur og prófessor í kínverskum fræðum við Háskóla Íslands.

Í Lestarklefanum, föstudaginn 9. apríl kl. 17:03, verður spjallað um sjónvarpsmyndina Sóttkví í leikstjórn Reynis Líndal sem var á dagskrá RÚV um páskana, gestir þáttarins lásu líka píslarsögu Krists eins og hún kemur fyrir í Nýja testamentinu og þeir viðra sig líka í vorinu og skoða list í opinberu rými, velja verk til að rabba út frá. Gestir í Lestarklefanum að þessu sinni eru Ása Helga Hjörleifsdóttir kvikmyndagerðarkona, Harpa Árnadóttir myndlistarkona og útvarpsmaðurinn Ævar Kjartansson.

Umsjón Lestarklefans að þessu sinni hefur Guðni Tómasson

Í Lestarklefanum í dag verður fjallað um heimildamyndina Hálfur álfur eftir Jón Bjarka Magnússon, myndlistarsýninguna Jörðin hefur marga lykla sem opnuð var nýlega í Nýlistasafninu í Marshall-húsinu en þar má sjá verk eftir skosku listakonuna Katie Paterson. Og nýja íslenska kvikmynd, Þorpið í bakgarðinum, eftir Martein Þórsson sem frumsýnd var á dögunum.

Gestir þáttarins verða kvikmyndaleikstjórarnir Ísold Uggadóttir og Karna Sigurðardóttir, og Margrét H. Blöndal myndlistarkona.

Umsjón: Eiríkur Guðmundsson.

Í Lestarklefanum að þessu sinni verða tekin fyrir þrjú nokkuð ólík umfjöllunarefni. Byrjað verður að ræða fjölskyldusöngleikinn Benedikt búálf sem nýlega var frumsýndur hjá Leikfélagi Akureyrar. Því næst verður rætt um heimildarmyndina A Song Called Hate eftir Önnu Hildi Hildibrandsdóttur. Að lokum verður rætt um plötuna Royal Inbreed með akureyrísku hljómsveitinni Toy Machine.

Gestir Lestarklefans eru Kristín Þóra Kjartansdóttir hjá Flóru menningarhúsi, Karólína Baldvinsdóttir myndlistarmaður og meðlimur í listahópnum Kaktus, og Hjörleifur Örn Jónsson tónlistarmaður og skólastjóri Tónlistarskólans á Akureyri.

Umsjón: Gígja Hólmgeirsdóttir.