بعد أيام، ملايين الناس بالعالم - ومنهن بعضنا- رح نحتفل بالفالانتاين اللي اصطلح على تسميته باللغة العربية، عيد الحب. وبهالزمن الصعب اللي عم نخوض فيه معاركنا -كمجتمعات عربية- على جبهات متعددة، يمكن نحنا محتاجين أكتر من أي وقت مضى، ليكون هالعيد بيننا بكل يوم وبكل ساعة.

بيوتنا هي المصدر الأول للحب، ومن كل بيت بيفيض بالمحبة، رح تطلع أحاسيس حلوة وإيجابية تأثر على علاقاتنا بالشارع وبالعمل وبكل مكان.

لذلك حبيت أحكيلكن اليوم كيف بيبدأ الحب من البيت وقديش وجوده والتعبير عنه مهم. معكن دكتور سمير قنوع، بحلقة جديدة، من برنامج "إكسير"، على "العربي الجديد بودكاست".