Send us a text

** الصلاة ليست فرض و ليست إجباراً **

- الصلاة توجه قلب و الرغبة في القعدة مع الله و انا عارف اني مش مُجبر لكن حابب و مش مضطر لكن مشتاق و مش علشان عندي قايمة بالطلبات لكن علشان عايز اقعد معاه و اسمعه و يسمعني و اشاركه.

- في الصلاة الربانية اللي علمها المسيح للتلاميذ مش بتبدأ بتوبة و لا ندم و لا طلبات لكن بحوار معاه  و بتقديس اسمه و إعلان ملكوته في حياتنا .. الصلاة الحقيقية فيها بنشتاق نشاركه اخبارنا و نسمع منه الي على قلبه لينا قبل أي طلبات او احتيجات عندنا.

- "خبزانا كفافنا" بشاركه بإحتياجي  الجسدي اللي محتاج ليه مش اللي عايزه اللي يكفيني مش اللي باكنز منه
- "واغفر لنا ذنوبنا" باعلن احتياجي الحقيقي للغفران و انه يقبلني و يسامحني و يملاني بقوة الغفران لإخواتي.

** علشان تسمتع بالصلاة الحقيقية و العلاقة الحية انت محتاج
- تختار وقت هادئ ميعاد ثابت و مكان هادئ تقعد فيه معاه
- استخدم الكلمة اللي تعرف تتواصل بيه مع الله زي المزامير مثلاً او ترانيم او اكتبله جواب و شاركه اللي جواك
- بعد ما تتكلم ادي وقت لنفسك انك تسكت علشان تعرف تسمع منه هو عايز يوصلك إيه و اطلب من الروح القدس انه يكشفلك عن رسالته.

اشتركوا بقناتنا على اليوتيوب ليوصلكم كل جديد
/lifeinchristtv
 
تابعونا على
Facebook
/ lifeinchristtv
Instagram
/ lifeinchristtv
Tiktok
 / life.in.christ.official
Telegram
https://t.me/lifeinchristtv
Pinterest
 /

Send us a text

هل يتعارض علم النفس مع كلام الكتاب المقدس؟
- علم النفس كعلم الله هو اللي اعطاه لينا علشان يفيدنا و يفيد البشرية .. لكن عد التوازن من بعض علماء النفس هو اللي بيعمل المشكلة.
- محتاج دايماً يكون معايا ناس تساعدني و ترشدني و تمشي معايا السكة و لما باحس اني محتاج مساعدة اكتر زيادة في الاوقات دي بلجأ للعلاج النفسي.
- العلاقة مع الله بتغير و بتشكل و فيها تجديد ذهن و تغيير افكار اوقات دا بيكون كافي ليا و اوقات بيكون مشاكلي الداخلية اكبر من اني اتخطاها لوحدي.
- مش معنى اني بلجأ للعلاج النفسي اني مش مؤمن لكن دي مساعدة الله اوجدها ليا علشا نتساعدني اكتر
- في اوقات باكون مش بس محتاج اقرب من ربنا اكتر او اتكلم مع حد لكن كمان باكون محتاج تدخل علاجي معين زي في حالات الاكتئاب مثلاً ..
- علم النفس فعلاً بيساعدني لكن الشبع الحقيقي و السلام الحقيقي مش هاوصله غير بعمل الروح القدس و الكتاب المقدس

اشجعك كمل الحلقة للآخر علشان تعرف إزاي نوصل للشفاء الكامل لنفسي و جسدي


اشتركوا بقناتنا على اليوتيوب ليوصلكم كل جديد
/lifeinchristtv
 
تابعونا على
Facebook
/ lifeinchristtv
Instagram
/ lifeinchristtv
Tiktok
 / life.in.christ.official
Telegram
https://t.me/lifeinchristtv
Pinterest
 /

Send us a text

إيه الوثن اللي بتجري وراه في حياتك؟!!
و هنا الوثن بمعنى الإله اللي انت بتملّكه على حياتك .. مسيطر على حياتك ..
و الوثن برضه بمعنى كياان انت مصدق فيه وبتؤمن بيه وبتكتسب قوة معينة منه.
و الأوثان زمان غير دلوقتي في اشكال الاوثان لكن مش في مفهومها .. ف حالياً الوثن ممكن يكون فكرة او حاجات معينة او كياان معين باجري وراه و باجري ورا تحقيقه و بقى بيسيطر عليا و اصبح هو القوة العظيمة اللي باسعى وراها..
مثال: السوشيال ميديا .. كيان بنجري وراه علشان يرضينا و نرضيه.
ف وقتي كله بقى للسوشيال ميديا، حتى اللي الانشطة اللي باعملها مش باعملها علشان انبسط بيها لكن علشان انزلها ع السوشيال ميديا ف انبسطت بيها لما الناس تشوفها و تعلق عليها.
كتيير بنروح للسوشيال ميديا علشان بنخاااف نتنسي او مانتشافش..
نفس الفكرة الفلوس، بنجري وراها بزياااادة و بشكل مبالغ فيه علشان اتشاف و ابقى في مظهر و صورة افضل قصاد الناس.
- الإله المزيف هو حاجة بديلها مكانة اكبر من مكانتها الحقيقية.
- طيب إزاي اعرف ان الححاجة دي مسيطرة عليا؟؟ و انها إله على حياتي؟!! لما اكتشف اني بخاف ابعد عنها باقلق تكون مش موجودة في حياتي .. لما احس ان اختفاء الحاجة دي بيهددني و بيخنفني اني اكون وحدي او مختلف.
** لو انا عندي وثن في حياتي اتعامل معاه إزاي؟!
- اهم حاجة نسأل نفسنا هل احنا فعلاً مبسوطين باللي احنا بنعمله ولا لأ!!
و المقصود هنا مش اللذة الوقتيه اللي بتيجي من الحاجة دي لكن عن السعادة الدائمة
- فكر مع نفسك هتكمل في حاجة دي لحد امتى! بتاخد منها إيه؟ و اللي بتاخده ده بيستمر ولا لا

 ** ممكن الوثن مايكونش حاجة شكلها وحش لكن استحوازها الزائد على حياتك و سيطرتها عليك هو ده اللي بيخليها وثن **

اشتركوا بقناتنا على اليوتيوب ليوصلكم كل جديد
/lifeinchristtv
 
تابعونا على
Facebook
/ lifeinchristtv
Instagram
/ lifeinchristtv
Tiktok
 / life.in.christ.official
Telegram
https://t.me/lifeinchristtv
Pinterest
 /

Send us Fan Mail

ترنيمة مش لوحدك
لا مش لوحدك .. مش لوحدك في الحياة مانتاش وحيد
مش وحيد في محنتك
مهما كان الحمل تاعبك
قوم وكمّل رحلتك
-1-
كم حد كان فارق وفارق الحياة وسابك وحيد
وفضلت تسأل والسؤال ولا مرة يتجاوب عليه
كم جرح كان لامم وقرر إنه يفتح من جديد
وف كل مرة مفيش أمل فاخترت تتعود عليه
قرار 
وسط الظروف وحده الأمل قادر يجمعنا
جرب تشوف تلقى الأمل يدّي الحياة معنى
للي زعلان ع اللي راح .. واللي تعبان م الجراح
كل ضيق يقلب براح .. ونشوفه بيساعنا
ونشوفه بيساعنا .. ونشوفه بيساعنا
-2-
كم حد حاول يبتدي لكن ما شافش في يوم وصول
شاف حلمه بيضيع من ساعتها بطّل إنه يحلمه
كم حد عافر في الحياة وفي النهاية مفيش حلول
قدام سؤال من غير إجابة وهو نفسه يفهمه
قرار 
وسط الظروف وحده الأمل قادر يجمعنا
جرب تشوف تلقى الأمل يدّي الحياة معنى
للي زعلان ع اللي راح .. واللي تعبان م الجراح
كل ضيق يقلب براح .. ونشوفه بيساعنا
ونشوفه بيساعنا .. ونشوفه بيساعنا

B w a it
كل اللي تايه في الحياة.. كل اللي حقه راح عليه
كل اللي ساب اللي ابتداه .. علشان مفيش حاجة بإيديه
ربك هايُجبر كسرهم ويرد ليهم حقهم كله بميعاد
كل اللي تايه في الحياة .. كل اللي حقه راح عليه
كل اللي ساب اللي ابتداه .. عشان مفيش حاجة بإيديه
طاقة أمل تظهر لهم .. طاقة حياة تفتح لهم ويا الميلاد
ويا الميلاد
قرار
وسط الظروف وحده الأمل قادر يجمعنا
جرب تشوف تلقى الأمل يدّي الحياة معنى
للي زعلان ع اللي راح .. واللي تعبان م الجراح
كل ضيق يقلب براح .. ونشوفه بيساعنا
ترنيم بيشوي هشام، مانويلا مجدي، ماريو جميل، شيري سامح
كلمات عصام مقار ولحن وتوزيع شادي جوزيف
ونشوفه بيساعنا .. ونشوفه بيساعنا


اشتركوا بقناتنا ليوصلكم كل جديد
https://www.youtube.com/c/LifeInChristtv
تابعونا على
Facebook
https://www.facebook.com/LifeinChristtv
Instagram
https://www.instagram.com/lifeinchristtv/
Tiktok
https://www.tiktok.com/@life.in.christ.official
Telegram
https://t.me/lifeinchristtv
Pinterest
https://www.pinterest.com/lifeinchristtv
زوروا موقعنا
https://lifeinchrist.tv/
الحياة في المسيح

Send us a text

السؤال اللي كتير بنسأله و بنسعى طول حياتنا اننا نوصله 👇👇
إزاي ارضي ربنا؟ طيب اعمل إيه علشان ربنا يرضى عني؟!
- للأسف واحنا بنسعى لرضا الله بنعمل حاجات عكس خاالص اللي الله عايزه.. ف افضل الجأ للأعمال الصالحة مش لأني عايز اعملها لكن لأني معتقد انها هي اللي هتوصلني لرضا الله عني .

- أي حد فينا بيبقى نفسه يتحب و يتقبل خاصةً من الله و انه يكون راضي عنه، و الغريبة ان في وسط كل المجهود اللي بنبذله علشان نتقبل بننسى ان الله حاببنا و قابلنا و عايزنا زي ما احنا كدا
هو مش محتاااج يشوف مؤهلاتي اللي تقوله انا استحق الرضا و القبول ده.
- اكتر حاجة محتاجين ناخد بالنا منها اننا مانوصلش للمرحلة اللي اكون فيها بشتري رضا الله، بشتريه بالصوم و الصلاة و المواظبة ع الاجتماعات ..
العشااار اعترف بضعفه و بإنه مش عنده اي حاجة يقدمها لله لكن الغريب انه قدم قلبه و قدم توبة و ده اللي الله قبله مع ان الفريسي قبله قدم مؤهلات كتيرة بيصلي و بيصوم و بيعشر و بيساعد الفقرا لكن للأسف ماتقبلش.

- مهم كمان ناخد بالنا لأن اوقات لما بنفضل نسعى فقط لعمل الاعمال الصالحة (التدين الظاهري) ده بيوقعنا في فخ اننا نحس اننا احسن من غيرنا و اننا مستحقين اكتر من باقي الناس و ألجأ لأني اثبت اني احسن من الناس و اقارن نفسي بالناس، لكن المؤمن الحقيقي مش بيقع في الفخ ده لأنه اصلاً مش مركز مع نفسه لكن مركو مع الله و انه إزاي يفرح بالله و يشبع بيه.

اشجعك تكمل الحلقة علشان تفهم اكتر عن المعطلات اللي بتخليني بعيد عن إدراكي لمدى قبول الله ليا. و كمان هنتكلم عن إزاي الأعمال الصالحة تكون طالعة مني نتيجة لتغيير الله ليا و عمله في حياتي مش علشان تكون وسيلة باوصل ليه من خلالها.

اشتركوا بقناتنا على اليوتيوب ليوصلكم كل جديد
/lifeinchristtv
 
تابعونا على
Facebook
/ lifeinchristtv
Instagram
/ lifeinchristtv
Tiktok
 / life.in.christ.official
Telegram
https://t.me/lifeinchristtv
Pinterest
 /

Send us a text

مين هو الروح القدس؟؟
- هو الله بذاته الساكن فينا " انتم هيكل الله و روح الله ساكن فيكم" .. كل شخص فينا هو حامل للحضور الإلهي في ذاته و كيانه.
إيه هو تأثير الروح القدس في حياة المؤمن؟؟
- بحلول الروح القدس على التلاميذ حدث تغيير كامل ليهم .. و قال ليهم يسوع ان بعد حلول الروح القدس ستكونون لي شهوداً.
- الروح القدس ملاهم قوة .. و إعلان عن الله ليهم
- الروح القدس كمان بيذكرنا باستمرار بالحق و بعمل الله لحياتنا و يساعدنا ننمو في علاقتنا مع الله.

تأثير عمل الروح القدس في حياتي الشخصية؟
- عمل إرشادي، بيساعدني و بيرشدني في اوقات حياتي كلها في اختياراتي و قراراتي لما هو اصلح ليا.
- التعزية، هو روح الحق المُعزي و دي الحاجة الوحيدة اللي بتساعدنا نصمد قدام تحديات الحياة و صعوبات الحياة ..
"وَكَذلِكَ الرُّوحُ أَيْضًا يُعِينُ ضَعَفَاتِنَا، لأَنَّنَا لَسْنَا نَعْلَمُ مَا نُصَلِّي لأَجْلِهِ كَمَا يَنْبَغِي. وَلكِنَّ الرُّوحَ نَفْسَهُ يَشْفَعُ فِينَا بِأَنَّاتٍ لاَ يُنْطَقُ بِهَا." (رو 8: 26).
**علشان نستمتع بتأثير الروح في حياتنا يوصينا الكتاب بحاجتين مهمين 👇
- لا تحزنوا الروح (يعني ألا اتعمد اني اعمل الحاجات اللي تكون بتعارض قداسة الله) و لا تطفئوا الروح (بمعنى انك مش مفعل المواهب و الوزنات اللي الروح مديهالك)


اشتركوا بقناتنا على اليوتيوب ليوصلكم كل جديد
/lifeinchristtv
 
تابعونا على
Facebook
/ lifeinchristtv
Instagram
/ lifeinchristtv
Tiktok
 / life.in.christ.official
Telegram
https://t.me/lifeinchristtv
Pinterest
 /

Send us a text

ليه الحياة وصلت للشكل ده من الشر؟؟
لو رجعنا لوقت الخليقة هنعرف ان الصورة من الاول احسن بكتير من دلوقتي و قال الله عن الخليقة انها حسناً جداً .. اللي حصل و شوه الحياة هو "السقوط" ..
وقت ما قرر الانسان انهه ينفصل عن الله و يقرر لنفسه كل حاجة و يمشي بقراراته.
و بدأ الشر و الظلم بحادثة قتل قايين لهابيل .. و يكمل الشر يكبر و يزيد
و من هنا الظلم كتر قوي بين الإنسان و اخوه الانسان ..
** طيب ليه لو انا ماشي صح و جنب الحيط يحصلي الضرر و الشر و الظلم؟؟!
تعالى نتأمل سوا قصة ايوب .. اللي شهد الله نفسه عنه ان بااار و انه مفيش انسان زيه و ماعملش اي حاجة غلط يستاهل عليها الشر اللي ربه بيه إبليس. طيب ليه الله سمح بالتجربة الصعبة دي لأيوب؟ و هل الله مش بيتدخل علشان يحمينا او علشان يمنع الشر؟
- الله لما الشيطان طلب منه انه يجرب ايوب، قاله انت محوط عليه من كل جانب مش عارف ادخله فالرب سمح ليه انه يجربه في حدود معينه مش سماح و خلاص بلا حدود ( لا يدعكم تجربون فوق ما تستطيعون).

- الله مش بيسمح ابداً بألم فوق احتمالي و كل ألم بيسمح بيه لازم بيكون في من وراه هدف او درس او تشكيل معين، و كل ده علشان نوصل للمرحلة اللي نكون فيها شبه يسوع اكتر.
👈هنتأمل مع بعض قصة يوسف و الظلم اللي عاشه و اللي في الآخر اتحول لخيره.
👈 الله بيسمح بالشر بس بحدود و تحت سلطاانه.

- الفيصل هنا انا ليه باروح ليسوع؟ ليه عايز يسوع و عايز اتبعه؟ هل بس علشان آخد البركات منه؟ ولا علشان اوصل للهدف الاسمى انك تكون مشابه لصورة ابنه بغض النظر عن كم العقبات و المشاكل و الظلم و السكك الصعبة اللي هتعدي بيها لغاية ماتوصل!!
- و ده اللي حصل مع يسوع نفسه .. كم الألم و الظلم و الاضطهاد و الجلد و الخيانة و الموت لكن كل ده علشان الهدف الاساسي اللي هو حياة خلاص نجاه و حياة ابدية.
** طيب هل الله بيبتليني علشان خيري؟؟!!
(كمل الحلقة علشان تعرف إجابة السؤال ده 🙂)

اشتركوا بقناتنا على اليوتيوب ليوصلكم كل جديد
/lifeinchristtv
 
تابعونا على
Facebook
/ lifeinchristtv
Instagram
/ lifeinchristtv
Tiktok
 / life.in.christ.official
Telegram
https://t.me/lifeinchristtv
Pinterest
 /

Send us a text

**يعني إيه يسوع "إله" و "إنسان" الاتنين في نفس الوقت؟؟
- اتحاد طبيعتين كاملتين في يسوع المسيح .. اتحاد الله في جسد الإنسان علشان يقرب لينا و يوضح الصورة لينا اكتر علشان نفهمه و فضل إله كامل 100% و انسان كامل 100%
اتحاد دون انفصال ولا انقسام ولا اندماج او امتزاج .. 
- اللي حصل في تجسد الله في صورة انسان اتحاد اقنومي بين طبيعتين .. 
- الطبيعتين مفيش واحدة منهم بتلغي التانية لكن لكل طبيعة قوانينها اللي مابتلغيش قوانين الطبيعة التانية. 

 ** المميز في المسيح انه لم يستخدم إلوهية (طبيعته الإلهية ) لخدمة نفسه .. بالظبط زي ما حصل في تجربة إبليس ليه في البرية .. كان ممكن يستخد طبيعته الإلهية و يحول الحجر لخبز علشان يشبع جوعه لكنه احترم قوانين الطبيعتين و إلتزم بيها علشان يكون على حق ممثل للبشرية كإنسان كامل (عنده كل الاحتياجات و المشاعر اللي عندنا) .. 

** إزاي احنا كبشر نقدر نعيش زي المسيح .. 
يقول بطرس اننا صرنا في اتحاد و شركة مع الطبيعة الإلهية .. و بناءً عليه لما بعيش في الشركة و الاتحاد ده بسعى للتغيير و في صراعات و تحديات الحياة علشان احقق الهدف الاسمى اللي هو اني اشابه يسوع 
- ده مش سهل ابداً و مش بيحصل في يوم و ليلة .. لكن دي رحلة الحياة كلها.

كمل الحلقة و اكتشف الغرض الاساسي من الاتحاد و الشراكة دي و إزاي اوصله.

اشتركوا بقناتنا على اليوتيوب ليوصلكم كل جديد
/lifeinchristtv
 
تابعونا على
Facebook
/ lifeinchristtv
Instagram
/ lifeinchristtv
Tiktok
 / life.in.christ.official
Telegram
https://t.me/lifeinchristtv
Pinterest
 /

Send us a text

معقول؟!! هو في فرق بينهم؟ 🤔

• مسيحي دي ديانتك اللي مكتوبة في البطاقة هويتك في المجتمع، لكن👇
  
  
• بتتبع المسيح يعني ليا علاقة شخصية بيه بامشي معاه بيعرفني و بعرفه .. 
  
  
• طيب ليه انا باختار اتبع المسحي؟! 
  الفكرة هي ليه اتبع المسيح و هتبعه إزاي و إيه النتايج اللي هتعود عليا من التبعية دي! 
  ف السؤال اللي مهم انت مكمل بتتبع المسيح ليه؟!
  
  
• مفيش انسان بعيش غير تابع .. كل انسان بيتبع حاجة معينة و المهم هنا ايه اللي بتتبعه و ايه اللي بيعود عليك من تبعيته.. 
  
  

كدا كدا كل تبعية فيها مجهود و تعب و تكلفة ف الفيصل هنا إيه اللي يستاهل اني اعمل علشانه كل ده .. إيه الهدف الأسمى اللي هحققه مقابل التبعية دي و التكلفة دي.

• عمرك ما هتعرف قيمة اللي عايش علشانه و بتتبعه غير لما تجرب تعيش معاه بشكل صح و عميق و حقيقي.
  
  
• محدش داق العشرة و التبعية الحقيقية للمسيح و سابه لكن بيعرفوا قيمة العلاقة دي و كمان بيعتبروا كل حاجة تانية نفاية مقابل معرفة المسيح و العيشة معاه.

• علشان اعيش التبعية دي و العلاقة القوية دي محتاجين 👇
  
  
• ادور عليه كويس و اعرفه
  
  
• اتقابل معاه كل يوم علشان اكتشفه اكتر
  
  
• اسأله عنه و اطلب منه انه يكشفلي عن نفسه اكتر 
  
  
• انفتح عليه و افتحله قلبي علشان يملك و يسود و يغير قلبي و حياتي و طريقة تفكيري و يقودني من جديد.

اشتركوا بقناتنا على اليوتيوب ليوصلكم كل جديد
/lifeinchristtv
 
تابعونا على
Facebook
/ lifeinchristtv
Instagram
/ lifeinchristtv
Tiktok
 / life.in.christ.official
Telegram
https://t.me/lifeinchristtv
Pinterest
 /

Send us a text

ليه الانسان محتاج لقانون؟؟ 
1/ بدون قوانين هيعيش الإنسان بلا ناموس يقول ما هو الصح و ما هو الخطأ (يوضح الشر و الخير)
2/ بدون القوانين انا مش هعرف افهم او اتخيل صورة و طبيعة الإله اللي انا باعبده ده إيه! 
3/ بدون قانون مش هعرف احدد الأهداف اللي انا باتحرك ناحيتها دي صح ولا لأ و هتوصلني للي انا عايزه ولا لأ.(ضمان سلامة الوصول)

• القوانين وُضِعت لحمايتي مش علشان يخنقني و يقيدني.
  
  
• الله وضع القوانين للإنسان علشان يحفظ و يقنن حريته بدل ما يتساب لنفسه ويعيش حرية فااسدة .. و علشان يعلم الإنسان انه يحترم محدوديته. 
  
  
• يسئ الإنسان استخدام الحرية إذا لم يتم وضع قانون له. لو مفيش قانون و مفيش عقوبة مش هنخاف و مش هنعمل الحاجة الصح. و ده اللي عمله الله لما اعطى الشعب الناموس اللي يمشوا عليه. 
  
  
• حرية بدون قوانين حازمة و حدود هنبقى عايشين في غااابة .. و نهايته مووت.
  
  

** يميل الإنسان من الداخل لكسر قوانين الله .. و العه القديم بيورينا إزاي الانسان فشل انه يلتزم بالقوانين و الحدود اللي الله وضعها. و ده حط الله قدام اختيار من اتنين
1- اما انه يهلك الانسان 
2- إما انه يحل مشكلة الانسان و مشكلة وقوعه تحت الناموس .. و ده اللي حصل في المسيح "وُلِد تحت الناموس - أي انه خاضع للناموس زي الإنسان العادي بس الاختلاف الوحيد انه بلا خطية - ليفتدي كل من هم تحت الناموس و محكوم عليهم بالموت" 

• و خلال حياة المسيح على الارض هو كان بيقدم تعاليم كتيرة مكملة للناموس علشان يساعد الإنسان انه يعيش بالمبادئ دي و انه يخضع للقانون اللي بيعمل على مصلحة الناس. 
  
  
• المسيح هو من أكمل الناموس و نفذه بدل الإنسان .. و اعطى للإنسان النعمة اللي من غيرها مش هيقدر يخضع للناموس و للقوانين.

اشتركوا بقناتنا على اليوتيوب ليوصلكم كل جديد
/lifeinchristtv
 
تابعونا على
Facebook
/ lifeinchristtv
Instagram
/ lifeinchristtv
Tiktok
 / life.in.christ.official
Telegram
https://t.me/lifeinchristtv
Pinterest
 /