Lisekela lendvuna yemaphoyisa Cassel Mathale utawube avakashele lesifundza se Mpumalanga namuhla. Lokuvakasha kwakhe kuyincenye yetinhlelo temaphoyisa tekucinisekisa kuphepha kwebahlali ngalamaholide akhisimusi. Kutfola kabanti ngalokufika kwalelisekela lendvuna, simeme lokhulumela emaphoyisa kulesifundza se Mpumalanga Brigadier Donald Mdluli

Bekunesiminyeminye lesikhulu  egedeni iLebombo Border Post eKomatipoort kulesifundza iMpumalanga itolo. Lesiminyeminye sifikisana nekubuyela ekhaya kwebantfu kulamaholide kanye nekulindzelwa kwesimemetelo seMozambique Constitutional Council lesimayela nemiphumela yelukhetfo lolwabanjwa kulelalive nalekungiyo lebange imibhikosho eMozambiki. Sicocisene nentsatseli yetfu  Motsebi Monareng kanye na Sakhile Lekhuleni loyi-Deputy Assistant Commissioner ku-BMA

Sikhungo lesingamele imincele yakuleli i-Border Management Authority sivakashele imincele yakuleli kuyocaphela kuwela kwebantfu nemphahla njengoba sekucale kuphitsitela kunasi sikhatsi semaholide akhisimusi. Tiphatsimandla takulesikhungo itolo tivakashele umncele wase-Mananga kanye nase-Lebombo kulesifundza seMpumalanga. Simeme lokhulumela iBMA Memme Mokgotsi.

Esigabeni semabhuku, namuhla sicubungula libhuku lelibhalwe nguZandile Magagula lelitsi Omasibalukhulu. Kuva kutsi lelibhuku laZandile ubhalele bobani. Sicocisana naye  Zandile Magagula kutewuva ngaye kutsi licuketseni lelibhuku..

Umphatsiswa welitiko letemisebenti yesive, temgwaco kanye nekuftutsa kulesifundza se Mpumalanga ThulasizweThomo, wecwayisa bashayeli betimoto kutsi bacikelele nabahamba emigwacweni yakulesifundza se Mpumalanga nganasi sikhatsi semnyaka. Sikhulumisana naye Umphatsiswa, Thulasizwe Thomo.

Ndvunankhulu wesifundza seMpumalanga, Mandla Ndlovu utsi batawuchubeka nekucaphela lesimo lesichubeka eveni leMozambique. Loku kulandzela umhlangano bebawubambe netikhulu tahulumende waseMozambiki lebewuholwa yindvuna yelitiko letebudlwano nemave emhlaba, Ronald Lamola.

 Ubonakala wenyuka umtsamo wetimoti letisebentisa umgwaco lokhokhelwako iN4 tibheke eMozambiki.  Kuva kutsi sinjani simo kulomncele wase-Lebombo simeme lisekela lakomishana we Border Management Authourity, General David Chilembe..

Bekuphitsitela kulesifundza seMpumalanga kulemphelasontfo lendze lesiphuma kuyo, babodvwa bebetele kutovakasha babone buhle besifundza kantsi labanye bebetele kutobukela lomdlalo lomkhulu ekhatsi kwe TS Galaxy kanye ne Kaizer Chiefs lobewudlalelwa e-Mbombela stadium. Kuva kutsi bahlomule njani labo labakulomkhakha wetekuvakasha asemukele uMnumzane Oupa Pilane longusihlalo we Southern Africa Tourism Services Association (SATSA).

Njengoba nanuhla kulilanga lekubuyisana simeme dokotela lotfoba indvodvo Zandile Shabangu kutewukhuluma kabanti ngendzaba yekucolelana nekubuyisana.

Kulindzeleke kubanjwe umhlangano netikhulu tasemnceleni i-Lebombo kuze kuboniswane nge babuke lenkinga yekungena eMzambiki. Sikhulumisene nalokhulumela litiko lelibuke kuphepha kwemango nekuvikeleka kuleisfundza seMpumalanga Moeti Musi