I South Africa Leterary  Awards (SALA) seyimemetele ngalabacokwe kuyoncintisana emcinini wekuhlonipha babhali nebashicileli. Labaphumelele batawuklonyeliswa emcimbini welihlandla lema-20 wemaSALA lotawubanjwa mhla tili-11 kuLweti 2025, eRoodepoort Theatre and Museum. Sicocisana nalomunye webabhali lebacokiwe kulomcimbi weSALA, Muntomuhle Silindokuhle Mcambi.

Mengameli waseMelika Donald Trump utsi angeke basatfumela lotawumelela lelalive kulomhlangano we-G20 lekulindzeleke ibanjelwe kuleli leNingizimu Africa kulenyanga lesetulu. Lesimemetelo saTrump sifika sekusele emalanga lali-12 ngembi kwekutsi kubajwe lomhlangano wemalanga lamabili. Umhlatiyi wetembangave Thulisa Ndlela utsi siyacaka lesicumo seMelika ngoba tiphatsimandla takulelalive betiyincenye yalemihlangano leminyenti layacala nakusuka lomnyaka lesendlalelo salona lomkhulu wemalanga lamabili. 

Lihhovisi letibalo likhiphe umbiko lotfusako mayelana nekwenyuka kwelinani lebantfwana lebakhulelwa basebancane. Letibalo tikhombisa kutsi emkhatsini wa January lomnyaka lophelile na February lonyaka, kubelekiswe bantfwana labangu-123 000 labaneminyaka lesuka kulengu-19 budzala kuya phasi, lobafaka ekhatsi labangu- 2 108 lebaneminyaka leli-10 kuya kuleli-14 budzala. Kubuka kutsi yini lebanga kutsi bantfwana bakhulelwe kangaka basebancane sicele Dudu Shabangu lobuke tindzaba tetemphilo kubantfwana besikolo kanye nelusha lovela etikweni letemphilo eMpumalanga.

Likomishana letebatsengi kuvelonkhe i-National Consumer Commission limemetele ngekujikiswa emakethe kwetimoti teluhlobo lwe Lexus. Kutfola kabanti ngalendzaba, sichumana nalokhulumela lelikhomishana, Phetho Ntaba.

Esigabeni setfu  semabhuku, namuhla sikhuluma  ngelibhuku lelibhalwe nguLindokuhle Shabalala lelitsi "Marvel Not".

Litiko letemfundvo lesisekelo lisemkhankaso wekuhlola labo labafundzela buthishela kutsi abanawo yini emacala ekunukubeta banfwana. Kubikwa kutsi litiko  letemfundvo lichuba lomkhankaso  ngekubambisana nemkhandlu lolawula bothishela i South African Council of Educators (SACE). Kukhuluma ngalendzaba sicocisana nelisekela lamengameli wenyonyane yabothishela i-NATU, Mandla Mabuza. 

Lokubulawa kwalabo dzadze lababili lekungu Baleseng naTshiamo Moramaga baseMamelodi kususe umsindvo lomkhulu kulelive leningizimu Africa kanye nasetinkundleni tekuchumana.Tebogo Mnisi lekunguye losolwa ngekubulala laba lababili, kukholakala kutsi bekadze asingani samunye walabo dzadze. Nanobee kunjalo, imibiko lengakacinisekiswa iveta kutsi laba lababili bebagijimisa imali ebantfwini labadvuna.Namuhla ehlelweni sifuna kubuka kutsi uma nisasomana kufanele yini kutsi nikhiphane futsi ingabe loku kusho kutsi sinivumelene kangengekutsi labanye bese bafuna kubhadalwa ngemacansi. Simeme umfundisi Jerry Khoza lobuye abe yi-Social Commentator kutokhuluma kabanti ngalendzaba

Indvuna yemaphoyisa leniketwe likhefu lelikhetsekile Senzo Mchunu umikise tonkhe tinsita takhe tetebuchwepheshe letifaka bomakhalekhikhini nebangcondvomshini njengencenye yeluphenyo leluchubekako. Kubuka kutsi kusho kjutsini loku, sikhulumisana nesolwati ngetebugebengu Dkt Mxolisi Mathebula.

Bameli baloyi bekayindvuna yetinkapane tembuso Malusi Gigaba bebahlangene netiphatsimandla teluphiko lwe Investigating Directorate Against Corruption (IDAC) ePitoli. Intsatseli ye SABC Samkele Maseko uyasibikela

Babuyiselwe esitokisini basolwa lababili lebaboshelwe kubulala Lusanda Mathabela, lobekaneminyaka lelishumi nemfica budzala. Lomunye walabasolwa kutsiwa besekahlukene naLusanda. Kuva kutsi kwentekeni, sikhulumisana nalokhulumela umndeni wakaMathabela, longange-Mnumzane Ali Sibiya.