Lokhulumela iMTPA Simphiwe Shungube utsi akusilo liciniso kutsi lesikhungo sitiyekelele letindzawo letiheha tivakashi kulesifundza.

Somabhizinizi lophindze akhangasele tekuvakasha kulesifundza seMpumalanga, uMnu Oupa Pilane utsi liyehla linani lebantfu labavakashela lesifundza. Utsi tivakashi letivela emaveni angaphandle tigcina setiphelela esiciwini setinyamatane iKruger National Park ngenca yekwehla kwelizinga lesimo saletindzawo tekuvakashelwa letingaphansi kwesikhungo iMTPA.

Lucwaningo lolwentiwe bosolwati bemhlaba luvete kutsi sibalo sebantfu labanemdlavuta wesibindzi singahle sikhule sifike esigidzini nesigamu ngemnyaka wanga 2050.  Kutfola kabanti ngalesifo semdlavuta sesibindzi, sicocisene nadokotela lotimele Dr Gcina Mavuso.

Kunenkhulumo letsi indzawo lotalelwe kuyo akufanele uyivumele ikuvalele ematfuba kumbe longakuzuza emphilweni. Thembelihle Masina loneminyaka leli-14 waseTjakastad dvute naseLukwatini kulesifundza se Mpumalanga, sewubuya eMelika kuyomelela lelive emchudzelwaneni wabonobuhle, i-Miss World Imperial Beauties e-Florida kulase-Melika. Sicocisene nayo lentfombatanyana yaka-Masina ngaloluhambo lwakhe.

Imindeni yetisulu letingema-20 letahlukunyetwa ngemaphoyisa ahulumende welubandlululo setitsatsele tinyatselo temtsetfo mengameli waphambilini Thabo Mbeki kanye namengameli Cyril Ramaphosa ngetinsolo tekutsi bahlulekile kushushisa benti balamacala lenteke ngesikhatsi selubandlululo. Letisulu setifuna hulumeni atincesitele ngemali lengu  R167 million.Sikhulumisana nesati setemtsetfo Umnumzane Mpumelelo Zikalala.

Kuleliviki umhlaba wonkhe uchushisa ngesifo i-Hepatitis lekutsiwa sibangwa ligciwane lelihlasela sibindzi. Lesifo kubikwa kutsi sehlukaniswe tigaba letisihlanu kepha lotasichazela kancono ngalesifo nguNompumelelo Mkhatshwa longumhlelembisi egumbini lelibuke tifo letitsatselanako ngephasi kwelitiko letemphilo kulesifundza seMpumalanga.

Mabhalane wenhlangano yeANC kulesifundza seMpumalanga Muzi Chirwa utsi lenhlangano seyikulungele kubamba tinkomfa kuletigidzui letintsatfu takulesifundza.

TINDZABA @LIGWALAGWALA FM 29/07

Sicele intsatseli yeSABC Calvin Dludla kutosibikela ngetakamuva mayelana nesehlakalo lapho liphoyisa lidubule labulala lebekusingani salo lesiliphoyisa kanye nesibalo walo ngeLisontfo ekuseni ngetingweti. 

Imibutfo yetinyonyana tetisebenti ibambe umhlangano lomkhulu wekwetama kubuka tindlela tekwenta ncono tindzawo tekusebentela. Lemibutfo yetinyonyana lefaka ekhatsi i-COSATU, FEDUSA, NACTU ne SATFU ihlangene ku- Labour 20 Summit e -Nshonalanga Kapa. Kuva kabanti ngalomhlangano sikhulumisana nelisekela lamabhalane we COSATU Noxolo Bhengu.