Bongekile Siboza, loneminyaka lengemashumi lamatsatfu nesiphohlongo budzala wase-Chochocho, kulesifundzai sase-Mpumalanga usentele inkondlo lenesihloko lesitsi ngingum' Africa kantsi loku kuyincenye yekuholonipha lenyanga lesikuyo njengenyanga yemagugu... Sibenaye etindlini tekusakata lowa-Siboza,

Kunekukhatsateka mayelena nemshado wesinftu lekubonakala kwangatsi awutfoli kuhlonishwa ngendlela lefanele nawucatsaniswa nemshado weNshonalanga. Kepha sati ngetemishado yesintfu, Zola Mbatha utsi kubalulekile kuwubhalisa ube semtsetfweni umshado wesintfu kuze ugweme tinkinga nakushona munye umlingani. Sikhulumisana naye ummeli Zola Mbatha lophuma kuNational Legal Clinic

Ubanjwa namuhla khona lapha eMbombela umcimbi wekufundvwa kwemabhuku, Ingcayizivele Book Festival. Lomcimbi utawube uhanjelwe babhali bemabhuku bakulesifundza se-Mpumalanga, kuvelonke kanye nalabachamuka eSwatini. Bosonkondlo nabo abakashiyelwa ngaphandle. Simeme Nokubongwa Lukhele kute sitokhuluma naye ngalomcimbi.

Hulumende wesifundza se Mpumalanga kulindzeleke abambe ingcungcutsela yemalanga lamabili letawube ibonisana ngetindlela tekusisa kulesifundza ikakhulukati emkhakheni wetimayini. Timayini ngulomunye wemikhakha ledlala indzima lebaluleke kakhulu ekukhuleni kwemnotfo wakulesifundza seMpumalanga. Kepha kuva kabanti ngalengcungcutsela asamukele  inhloko etikweni lekutfutfukisa temnotfo netekuvakasha kulesifundza se Mpumalanga ngu Immy Serakalala

Njengoba siphetsa liviki lekubhalelwa mahhala incwadzi yesifiso semufi, kuvelile kutsi kuze yemukelwe tinkantolo naletinye tikhungo kumele uyibhale ngendlela lesemtsetfweni naleyemukelekile. Sikhulumisana nemmeli losebenta ngato tindzaba temafa Umnumzane Zweli Mlahleki

 Litiko letasekhaya litsi litawuvula emahhovisi alo laseMbombela kulesifundza seMpumalanga kulempelasontfo lesingena kuyo kantsi kulindzeleke kutsi bantfu labadzinga tinsita letahlukahlukene kulelitiko batitfole. Lokhulumela lelitiko eMpumalanga Ndalisa Jele.

Kusindvwe ngebelitfole eMnotweni Arena khona lapha elidolobheni eMbombela kulesifundza, njengobe umkhandlu wemagugu i-National Heritage Council (NHC) ubambe umcimbi wekuklmelisa bantfu labasebente kahle kutebuciko. Kukhuluma kabanti ngalendzaba elucingweni sichumana nesikhulu lesivela kuwo lomkhandlu iNational Heritage Council Dr Thabo Manetsi

Litiko letekutfutsa kulelive livete kwetfuka ngekubulawa kwasihlalo wenhlangano yematekisi iNational Taxi Alliance Thamsanqa Moyo. Udutjulwe ngemvula yetinhlamvu emotini emgwacweni iSoweto Highway dvute neDiepkoloof itolo. Licembu lebabulali belihamba ngetimoti letifaka ekhatsi itekisi tidubule evenini yaMoyo ngesikhatsi asendleleni asuka eSoweto ayemhlanganweni wetindzaba tematekisi enkabeni yelidolobha eJozi. Emaphoyisa asola kwekutsi kufa kwaMoyo kweyamene nelutfutfuva lekubanga lokusematekisini. Lokhulumela litiko letekutfutsa Collen Msibi uyachaza...,

Ufinyelela emaphetselwnei namuhla umkhankaso wenhlangano letimele iBookHive wekunikela ngemabhuku etikolweni. I BookHive ngekubambisana neDonate-A-Book bacale ngeMvulo kuyonikela ngemabhuku etikolweni takaBokweni, eMjindi kanye naseMatsulu. Lomkhankaso bewusendlalelo semcimbi wemabhuku Ingcayizilele Book Festival.  Sikhulumisana nemsunguli weBookHive nalohlele Ingcayizilele Book Festival, Nokubongwa Lukhele.

Ndvunankulu walesifundza se-Mpumalanga , Mandla Ndlovu kulindzeleke etfule inkulumo yekuphetsa lihlelo lekumikisa sishayamtsetfo ebantfwini, i-Taking the Legislature to the People (TLP)  e-Ximhungwe kumasipala wase Bushbuckridge.