Mengameli Cyril Ramaphosa uvakashelwe ngumengameli waseDRC Felix Tshisekedi emtini wekwemukela tivakashi kulelive iMahlamba Ndlovu emtini wemengameli ePitoli. Labaholi lababili batawuba nelitfuba lekukhulumisana ngetindzaba letehlukene letifaka ekhatsi kubambisana, kutfutfukisa budlelwane kanye nekwandzisa ematfuba ekubambisana kwalamave lamabili. Intsatseli yeSABC Bonolo Maribe intsatseli yeSABC...,

Inhlangano iJudges Matter itsi nkomishana wemaphoyisa aKwaZulu Natal Nhlanhla Mkhwanazi sewubuvetile lobunye bufakazi ngekungenelela kwebugebengu emsebentini wetinhlelo tebulungiswa belive. Lusuku lwesibili lelikomishana iMadlanga Commission lilalela bufakazi bankomishana Mkhwanazi locale itolo. Mengameli Cyril Ramaphosa wamemetela kusungulwa kwalelikomishana ngaKholwane kutsi liphenye tinsolo letavetwa ngunkomishana wemaphoyisa aKwaZulu Natal tekungenelela kwetepolitiki kanye nenkohlakalo etinhlakeni tebulungiswa kulelive. Lokhulumela iJudges Matter Mbekezeli Benjamin....,

Njengoba kuhlala kwelikhomishana lamadlanga kungena elangeni lesibili namuhla, General Mkhwanazi kulindzeleke achubeke nekwetfula bufakazi lapho atawube aphetse emadokhumende latawufakazela lenkhulumo yakhe. Intsatseli yeSABC Sibahle Motha usibikela ngalokungahle kwenteke.

Nkomishana wemaphoyisa aKwaZulu Natal Nhlanhla Mkhwanazi utsi wetfuka nakabona incwadzi lebeyicinisekisa kuhlakatwa kweluphiko beluphenya ngekubulawa kwabosopolitiki lebeyisayindwe yindvuna yelitiko lemaphoyisa Senzo Mchunu. Mkhwanazi beketfula bufakazi elangeni lekucala lekuhlala kwelikhomishana laMadlanga leliphenya ngetinsolo tebugebengu, kugcambukela kwepolitiki kanye nenkhohlakalo emaphoyiseni. Kubuka lokuvele elangeni lekucala lalellikhomishana la-Madlanga, simeme Advocate Kevin Malunga loyi Academic Head, e-Regenesys Law School.

Iyachubeka imikhankhaso leyahlukahlukene leyendlalela umcimbi wekufundvwa kwemabhuku lolindvwe ngalabovu Ingcayizivele Book Festical. Lomcimbi wemabhuku uhlanganisa ndzawonye babhali lebahlukahlukene labasuka kulesifundza, kuvelonkhe kanye nasemaveni labomakhelwane njenge-Swatini. Simeme lomunye walababhali lebatawube bakulombutsano, Styles Lucas Ledwaba.

Umcwaningi lophuma kuJudges Matter, Mbekezeli Benjamin utsi kumele bashushiswe nobe baboshwe bonkhe labasemkhakheni wetebulungiswa lekutawutfolakala kutsi bayatsintseka etehlakalweni tebugebengu. Benjamin bekaphawula ngalelilanga lekucala lekuhlala kwelikhomishana laMadlanga ngemuva kwekuhlala kwalelikomishane.

Lokhulumela iCorruption Watch Mzwandile Bhanjathwa utsi besingekho sidzingo sekuhociswa kwalelitsimba beliphenya ngekubulawa kwabosopolitiki. Bhanjathwa utsi bayatsemba kutsi kuhlala kwalelikhomishana kutawubhobota litfumba ngalabo lebabambe umbuso ngabhongwane.

Sati setindzaba tebugebengu Dr Mxolisi Mathebula utsi kunyenti lokutawuvela kulelikhomishana laMadlanga leliphenya ngebugebengu, kugcambukela kwepolitiki kanye nenkhohlakalo kutebulungiswa.

Nkomishana wemaphoyisa aKwaZulu Natal Nhlanhla Mkhwanazi utsi wetfuka nakabona incwadzi lebeyicinisekisa kuhlakatwa kweluphiko leliphenya ngekubulala kwabosopolitiki leyasayinwa indvuna yelitiko lemaphoyisa Senzo Mchunu. Mchunu wemiswa ngelivi lekhetsekile ngumengameli. Mkhwanazi utsi lencwadzi watfunyelwa yona mhlaka 2January 2025 ngulomunye langesiso sisebenti sasemaphoyiseni. Loluphiko lemaphoyisa laphenya ngekubulawa kwabosopolitiki lelahlakatwa ekupheleni kweNgongoni nyake-nye liyigcikitsi yelikomishana iMadlanga Commission lephenya ngaletinsolo ePitoli. Mkhwanazi utsi Mchunu bekene emagunya ekuhlakata lelitsimba....,

Mengameli we ANC Cyril Ramaphosa ukhutsate emakhansela alenhlangano ya Khongolose kutsi alingise bomasipala labaphetfwe yinhlangano i DA ngekuletsala bantfu tinsita. Ramaphosa bekakhuluma nemakhansela eANC lebekabitelwe emhlanganweni bewubanjelwe eJozi, lapho akhulume ngalakulindzele kuwo njengaba lenhlangano itilungiselela kuya elukhetfweni lwabohulumende basekhaya. Sicocisane neMnumzane Solly Masilela longumhlatiyi wetindzaba tepolitiki nabohulumende basekhaya .