Umcwaningi lophuma kuJudges Matter, Mbekezeli Benjamin utsi kumele bashushiswe nobe baboshwe bonkhe labasemkhakheni wetebulungiswa lekutawutfolakala kutsi bayatsintseka etehlakalweni tebugebengu. Benjamin bekaphawula ngalelilanga lekucala lekuhlala kwelikhomishana laMadlanga ngemuva kwekuhlala kwalelikomishane.

Lokhulumela iCorruption Watch Mzwandile Bhanjathwa utsi besingekho sidzingo sekuhociswa kwalelitsimba beliphenya ngekubulawa kwabosopolitiki. Bhanjathwa utsi bayatsemba kutsi kuhlala kwalelikhomishana kutawubhobota litfumba ngalabo lebabambe umbuso ngabhongwane.

Sati setindzaba tebugebengu Dr Mxolisi Mathebula utsi kunyenti lokutawuvela kulelikhomishana laMadlanga leliphenya ngebugebengu, kugcambukela kwepolitiki kanye nenkhohlakalo kutebulungiswa.

Nkomishana wemaphoyisa aKwaZulu Natal Nhlanhla Mkhwanazi utsi wetfuka nakabona incwadzi lebeyicinisekisa kuhlakatwa kweluphiko leliphenya ngekubulala kwabosopolitiki leyasayinwa indvuna yelitiko lemaphoyisa Senzo Mchunu. Mchunu wemiswa ngelivi lekhetsekile ngumengameli. Mkhwanazi utsi lencwadzi watfunyelwa yona mhlaka 2January 2025 ngulomunye langesiso sisebenti sasemaphoyiseni. Loluphiko lemaphoyisa laphenya ngekubulawa kwabosopolitiki lelahlakatwa ekupheleni kweNgongoni nyake-nye liyigcikitsi yelikomishana iMadlanga Commission lephenya ngaletinsolo ePitoli. Mkhwanazi utsi Mchunu bekene emagunya ekuhlakata lelitsimba....,

Mengameli we ANC Cyril Ramaphosa ukhutsate emakhansela alenhlangano ya Khongolose kutsi alingise bomasipala labaphetfwe yinhlangano i DA ngekuletsala bantfu tinsita. Ramaphosa bekakhuluma nemakhansela eANC lebekabitelwe emhlanganweni bewubanjelwe eJozi, lapho akhulume ngalakulindzele kuwo njengaba lenhlangano itilungiselela kuya elukhetfweni lwabohulumende basekhaya. Sicocisane neMnumzane Solly Masilela longumhlatiyi wetindzaba tepolitiki nabohulumende basekhaya . 

Ngekusho kwenhlangano yetempilo emhlabeni i-World Health Organisation, babalelwa ku 400 000 bantfwana labatfolakala banemdlavuta njalo ngemnyaka emhlabeni wonke kantsi labayinkulungwane batfolwa kuleli leNingizimu Africa. Umdlavuta we-leukemia ngiwo lekuvele kutsi uhlasela kakhulu bantfwana. Sicocisane na Sarah Gumede lovela etikweni letemphilo.

Uvakashele tindzawo letahlukene taseKapa emalunga emkhandlu wetifundza iNational Council of Provinces (NCOP) njengoba kubungatwa liviki labohulumende basekhaya (Local Government Week).. Kuva jabanti ngalomkhankaso sicocisana nesitfunywa kuNCOP, Sylvia Nxumalo. 

Sihlalo wenhlangano yelusha lweANC kulesifundza seMpumalanga, Bethuel Zunguza, usigceke kakhulu lesehlakalo sekuhhewula mabhalane jikelele walenhlangano Fikile Mbalula. Zunguza ubhale incwadzi yekucolisa kuMbalula ngalesehlakalo lekubikwa kutsi sentiwe ngemalunga eANCYL akulesifundza kulomhlangano bewubanjelwe esifundzeni sase Northern Cape.  Sikhulumisana naye sihlalo welusha lwe-ANC kulesifundza, Bethuel Zunguza.

Lokhulumela sikhungo iNSFAS, Ishmael Mnisi utsi lihhovisi lemgcinimafa nelitiko lemfundvo lephakeme bavumile kungeta lemali yekubhadala tonke letikweleti talesikhungo.

Tinhlangano letikhutsata kufundza ngekunikela emabhuku etikolweni iBookHive kanye neSiyafunda Donate A Book tisukumise umkhankaso wekuyonikela ngemabhuku etikolweni letingalapha eHlanzeni lesifundza seMpumalanga. Kukhuluma ngalomkhankaso weliviki lonkhe wekuyoniketa ngemabhuku sichumana nemsunguli weSiyafunda Donate A Book, Ntokozo Ndlovu.