Sikhwama lesiselekelela bafundzi ngetimali ikulelive i-NSFAS, sisukumisa umkhankaso wekuchushisa bafundzi basetikhungweni temfundvo lephakeme ngengoti yekugembula. Lobukene nalomkhankaso e-NSFAS Sibongile Mncwabe uyasichazela.

I-COSATU itawube ivakashele tikolo letimbalwa takulesifundza seMpumalanga letikhahlanyetwe timvula takamuva kuyophosa litje esivivaneni. Lokhulumela iCOSATU Zanele Sabela uyasichazela ngalomkhankaso wabo.

Sihlalo wendlu yebaholi bendzabuko kulesifundza seMpumalanga, Kgosi Mathupa Mokoena utsi akahambisani nesento setitfunywa tebukhosi bakaSiphezi, lekubikwa kutsi tifike tavala emagede emahhovisi endlu yebaholi bendzabuko namuhla.

Batali bebafundzi basesikolweni iDayimani eBushbuckridge bavale emagede alesikolo. Nonkululeko Shongwe uyabika

Inhlangano leyengamele telibhola letinyawo e Europe, i-EUFA, isukumise luphenyo ngemva kwemibiko letsi umdlali we- Real Madrid, Vinicius Junior akhonondze ngekubandlululwa ngekwebuve ngulomunye umdlali we-Benfica. Kepha ingabe yinkulu kanganani lenkinga yekubandlulula ngekwebuve ebholeni letinyawo futsi ingabe tinhlangano letilawula lomdlalo tenta ngalokukwanele ekulweni nalenkinga. Sicocisana nemhlatiyi wetemidlalo nemetfuli wetemidlalo esakatweni Ligwalagwala FM, Sibusiso Mashabane 

Balimi bemhoba esifundzeni saKwaZulu-Natal bacela hulumende kutsi ahlenge inkapani yashukela lenkhulukati kuleli i-Tongaat Hulett. Batakuli bemabhizinisi bafake sicelo sekutsi ivalwe lenkapani ngoba ingasenamali. Kukhuluma kabanti ngalendzaba sicocisene nasihlalo wenhlangano lebuke kutfutfukiswa kwebalimi i-South African Farmers Development Association, Dr Siyabonga Madlala.

Imindeni yalamadvodza lamane lalandvwe eRussia ibonge mengameli Cyril Ramaphosa nemlingani wakhe wase-Russia, ngekubuya kwalamadvodza. Lamadvodza atseleke esikhumulweni setindiza i-OR Tambo ngoLesitsatfu ebusuku ngemuva kwekucitsa sikhatsi ayincenye yalemphi lesemkhatsini kwe-Russia ne-Ukraine. Kwanyalo kusafike emadvodza labane kulaba lebali-17 lebahamba batsi bayoceceshelwa kuba bologadza kepha bagcine sebatitfola bahlanganyela kulemphi ye-Russia ne-Ukraine. Kuva kabanti kutsi tichubeka njani letinkhulumo, simeme Indvuna yetebudlelwane nemave emhlaba, Ronald Lamola. 

Kuscubuke umlilo esiteshini semaphoyisa e-Schoemansdal kumasipala wase-Nkomazi. Simeme lokhulumela emaphoyisa aseMpumalanga Brigadier Donald Mdluli kutosatisa kutsi kwentekeni.

Lilunga lelikomidi lebukele temfundvo lephakeme nekucecesha ephalamende,  Yanga Govana utsi bafuna timphendvulo kuletikhungo temfundvo lephakeme letichasha bantfu bangaphandle lebanemakhono lakhona kulelive.

Bahlali baseNaledi dvute neMiddleburg kulesifundza seMpumalanga bevakalise kukhatsateka ngemayini i-Seriti lebayisola ngekubadzilitela tindlu tabo. Palesa Sotomela uyabika