Kuyachubeka kuphatamiseka kwekufundza nekufundzisa etikoleni letingetulu kwemashumi lamane(40)  eWhiteHazy Circuit e Masoyi ngase White River kulesifundza se-Mpumalanga. Loku kuta ngemuva kwekutsi bothishela bancume kungavukeli emsebentini ngoba batsi basabela kuphepha kwabo. Simeme mabhalane weSADTU kulesifundza Walter Hlaise.

Indvuna yetetimali Enoch Godongwane kulindzeleke etfule luphakelotimali lelibuyeketiwe ephalamende namuhla. Kubuka kutsi bungakanani bumatima bekabukene nabo kuhlela kabusha loluphakelotimali, simeme sati ngetemnotfo Khaya Sithole.

Indvuna yetetimali Enock Godongwane kulindzeleke etfule luphakelotimali lolubuyeketiwe kusasa. Simeme somnptfo lophuma ku-Inkunzi Wealth Group, Lunga Mahlaba.

Sicocisana nesati setemtsetfo Mpumelelo Zikalala mayelana nekukhala kwe-NPA kutsi ayinayo imali yekushushisa emacala lasukela ekhomishaneni lemaciniso nekubuyisana, iTRC. 

Indvuna yetetimali Enoch Godongwane kulindzeleke alwetfulwe kusasa ephalamende luphakelotimali leselubuyeketiwe. Sikhulumisana nemcwaningi wetemnotfo kaSABC Velemseni Mthiyane.

Sikhwama seUnemployment Insurance Fund (UIF) sisayinde sivumelwano sekusebentisana neliposi ngenhloso yekuhlenga tisebenti letibalelwa etinkulungwaneni letisitfupha. Lesivumelwano sitawuchutjwa ngephansi kweluhlelo lolwatiwa nge Temporary Employer-Employee Relief Scheme(TERS) lolutawutsatsa tinyanga letisitfupha. I UIF itawufaka imali lengu-381 million eposini. Sicocisene na Rachel Tawukobung lovela etikweni letekucasha netekusebenta. 

Ubuyele ekhaya e-Nigeria umfundisi Timothy Omotoso. Omotoso ulifulatsele leli ngeLisontfo lesibuya kulo esikhumulweni setindiza i- OR Tambo e Jozi. Litiko letindzaba tasekhaya licinisekisile kutsi Omotoso ujutjwe kutsi angacali abeke umcondvo wakhe kuleli kudzimate kuphele iminyaka lesihlanu. Kusenjalo lihhovisi letekushushisa iNPA litsi lutawuchubeka nesikhalo salo sekufuna kuphikisana nekuphuma embili kwaOmotoso emacaleni langu-32 lafaka ekhatsi lekugagadlela nekushushumbisa bantfu. Simeme ummeli Melusi Xulu kutewukhuluma ngalendzaba.

Mengameli Cyril Ramaphosa utsi akakhatsateki ngaloluvakasha ngekwesikhundla sakhe e Melika. Lihhovisi lamengameli litsi linelitsemba kutsi lomhlangano lotawuba semkhatsini kwa-Mengameli Ramaphosa kanye nemlingani wakhe waseMelika, Donald Trump, utawuba yimphumelelo. Labaholi lababili kulindzeleke bahlangane e-Washington DC ngaLesitsatfu. Sicocisana Prof. Mbekezeli Mkhize. 

Alinganisekwa ngetulu kwa-700 thousand emakhadi emalayisensi ekushayela timoto labambelelekile angakhishwa kuvelonkhe ngenca yekuphuka kwemshini logaya lamakhadi. Kulesifundza seMpumalanaga abalelwa etinkulungwaneni letingema-60 emakhadi labambelelekile ngalokuphuka kwalomshini. Nanobe sewulungile lomshini, kepha banyenti bashayeli labasatolindza kutfola emalayisensi abo. Sicocisene nalokhulumela litiko letekuphepha kwemphakatsi, kuvikeleka nekuchumana kulesifundza seMpumalanga, Moeti Mmusi.

Luphiko lwabomake lwe-ANC lusemantini kulandzela kwendlula emhlabeni kweliphini lamengemali walo Lungi Mnganga-Gcabashe. Sikhulumisana nelisekela lamabhalane weANCWL Dina Pule