Umkhandlu lobuke kulwa nesifo seHIV/AIDS, iSANAC, usemkhankasweni wekuhambela imimango kufunwa labantfu labangetulu kwesigidzi lekwatiwako kutsi baneligciwane lesandvulelangculazi kepha abayitfoli imishwanguto. Simeme mabhalane we-SANAC kulesifundza seMpumalanga, Umnumzane Elphas Nkosi.

Tati tengcondvo titsi emaphoyisa asebenta ngaphansi kwetimo letiholela ekukhatsateni kwengcondvo nekudvumala emoyeni njengoba ahlala asevalweni lekutsi angabulawa noma nini asemsebentini. Sikhulumisana namabhalane wesifundza wenyonyanya i-POPCRU, Umnumzane Sipho Nkambule.

Lokhulumela inhlangano yematekisi iSANTACO, Rebecca Phaala utsi lenhlangano iyatikhweshisa kulemibiko letsi bematekisi batsatsela bantfu timoti tabo nangabe babatfola balayisha labacela ema-lift.

I NYDA itsi tiyakhatsata letibalo takamuva letikhombisa kwenyusa kwesibalo sebantfu labasha lebangasebenti. Kukhuluma ngalokukhatsateka simeme sihlalo we NYDA, Asanda Luwaca.

Lucwaningo lolwentiwe yiBhekisisa Centre for Health Journalism lukhombisa kutsi tibalo tebantfu labaneminyaka lengetulu kwalengema-50 lebanesandvulelangculazi setiphindzeke kabili kuleminyaka leli-10 leyengcile. Letibalo tisuke ku-700-thousand nga-2015 tayawufika ku 1.85 million nga-2025.  Simeme Dr Eric Khumalo kutokhuluma ngaloludzaba.

I Stats SA ikhiphe umbiko lokhombisa kutsi lizinga lebantfu labangasebenti kulelive linyukile kukota yekucala yalomnyaka wa 2025, lisuka ku 31.2% kukota yekugcina yemnyaka lophelile, layawufika ku 32.9%. Sicocisana nalokhulumela iCOSATU,  Zanele Sabela. 

Somnotfo lotimele Mandla Malope utsi lokwenyuka kwetibalo tebantfu labangasebenti akusho kutsi lesimo sibi kakhulu ngenca yekutsi tibalo tekota yekucala yemnyaka tingumphumela wemaholide ekuphela kwemnyaka lowendlulile. 

Bosomnotfo batsi lokunyuka kwetibalo tebantfu labangasebenti kulelive kudvweba sitfombe lesimfiphene ngalelive. Ngekwetibalo letikhululwe baka-Stats SA sinyukile sibalo selusha lolungasebenti sisuka ku 44.6% ekoteni yesine yemnyaka wa 2024 sayawufika ku 46.1% ekoteni yekucala yalomnyaka. Sikhulumisene nasomnotfo lovela enkapanini iNkunzi Wealth Group, Umnumzane Lunga Mahlaba.

 I-ActionSA isivuselele sicelo sayo sesikhathi lesidze leyasifaka ehhovisini leNdvuna yemcebo lowembiwa phansi Gwede Mantashe, sekutsi akwentiwe taba tekukhipha letidvumbu tetisebenti letintsatfu letigcibedzeleka ematfunjini emhlaba emayini i-Lily Mine. Letisebenti letintsatfu bo Solomon Nyirenda, Pretty Mkambule, kanye na Yvonne Mnisi, bagcibedzeleka ngephansi kwemhlaba nakudzilika indzawo bebasebentela kuyo kulemayini ngeNdlovana 2016. Sikhulumisana nasihlalo weActionSA eMpumalanga, Thoko Mashiane.

Inkomfa yetekuvakasha iAfrica Travel Indaba kulindzeleke ivulwe namuhla eChief Albert Luthuli International Convention Centre e Durban. Simeme libamba lemphatsi lomkhulu (CEO) ka Mpumalanga Tourism and Parks Agency (MTPA), Umnumzane Justus Mohlala.