Licenjana leabhunu lelikholelwa ekutseni liyahlukunyetwa eNingizimu Africa lihambile liyofuna kukhoseliswa eveni laseMelika. Kuyibuka lendzaba nalesincumo salamabhunu simeme umhlatiyi wetembangave Prof Bheki Mngomezulu

Kubungata lilanga lebahlengikati emhlabeni, International Nurses Day, sikhulumisene naNonhlanhla Mhawule longumhlengikati losaneminyaka lengema 20 asebenta kuhlenga imphilo yemuntfu.

Namuhla umhlaba wonkhe ugubha lililanga lebahlengikati, i-International Nurses Day. Ngekusho kwenhlangano yetemphilo emhlabeni iWHO, balinganiselwa etigidzinil letisihlanu bahlengikati labaswelakala emhlabeni jikelele. Kantsi kulelive iSouth African Nursing Council (SANC) itsi bahlengikati bebabhaliswe ngalokusemtstfweni ekupheleni kwemnyaka wa-2023 bebangetulu kwa-267-thousand, linyenti labo lekubantfu besifazane. Kukhuluma ngalomsebenti webahlengikati kulelive njengoba kugujwa lilanga labo, sikhulumisana namabhalane weDENOSA kulesifundza seMpumalanga Cyril Mdluli. 

Kulindzeleke avele enkantolo yase East London e-Mpumalanga Kapa namuhla, umfundisi lodzabuka e Nigeria Timothy Omotoso. Litiko letindzaba tasekhaya nemaphoyisa babophe Omotoso ngeMgcibelo ngetinsolo tekuba kulelive ngalokungekho emtsetfweni. Tinhlangano letahlukahlukene tibita kutsi Omotoso akabuyisele eveni ladzabuko kulo iNigeria. Kukhuluma kabanti ngalendzaba sicocisana na Khanyi Ntsele longumabhalane jikelele wenhlangano letimele i Forum For South Africa (FOSA).

Inyanga  yenkhwekweti itsatfwa njengenyanga yekucushisa ngengoti yekubhema ligwayi kulelive. Kantsi umhlaba wonke jikelele utawube ubungata lelilanga ekupheleni kwalenyanga. Kucwayisa ngebungoti bekubhema simeme Dr Simangele Nkosi.

Namuhla umhlabawonkhe ubungata lilanga lekuhlonishwa kwabomake ngendzima labayidlalako ebantfwaneni babo kanye nasemphakatsini. Kubungata lelilanga sicocisana naMake Charity Ngobe. 

Bosolwati batsi kubalulekile kudla likotapeni ngenca yetitsako letilifaka emtimbeni wemuntfu. Labosolwati batsi lesitselo siphindze sisite ekwenteni sikhumba semuntfu kutsi sicwebetele futsi utfola vitamin E. Kuva kabanti sikhulumisana nadokotela wetekudla, Wellington Mokoena 

Inhlangano yebangcvwabi i-SAFPA iphawula ngalesehlakalo sekungcwatjwa kabuhlungu budlabha kwalabo lebkwebantfu labangenatihlobo lebashonele etibhedlela tahulumende eLimpopo. Mengameli walenhlangano Libo Mnisi uyaphawula.

Inkantolo yemtsetfo sisekelo incume kutsi sigaba 61 semtsetfo iSouth African Citizenship Act wanga-1995 sishayisana nemtsetfosisekelo futsi asikho emtsetfweni. Simeme umeli Bongani Matsane weMatsane Attonerys kutosihlatiyela lesincumo senkantolo yemtsetfosisekelo.

Bosolwati bakhutsata kubaluleka kwekutivikela etehlakalweni tekusha kungaba kushiswa ngumlilo kumbe ngemanti njengoba sekucala busika. Lesecwayiso sifika ngesikhatsi lapho lelive libungata liviki likucushisa ngekusha. Emanceba ekusha ashiya tibati letingapheli emtimbeni letibanga bantfu babe nekutingatitsembi baphindze batikhobose. Kukhuluma ngaloludzaba lwekusha, sicocisana na Nelisiwe Ngwenya lophuma etikweni letemphilo eMpumalanga.