Sicitsiwe sicelo sebheyili setitsandzani lekuliphoyisa lamasipala, Peter "Gagash" Nonyane kanye nenkhosikati yakhe, longummeli, Charlotte Tibana enkantolo yamantji ePolokwane esifundzeni sase-Limpopo. Bo-Nonyane na-Tibana babukene nemacala ngu-42 ekukhwabanisa, kuhweba ngemali lengcolile, kweba kanye nenkhohlakalo. Kusolwa kutsi bakhwabanisa tigidzi letisitfupha temaRandi emindenini lesitfupha beyishonelwe. Nsuku Shiluvana na-Millicent Phakathi basihlanganisele lombiko. 

Lucwaningo lolwentiwe yinkapani lebolekisa imali i-Wonga luvete kutsi lenyuke nga-15% lizinga lebantfu lababoleka imali kubomashonisa labangekho emtsetfweni. Lolucwaningo luvete kutsi ngenca yesimo semnotfo bantfu bangene shi etikweletini futsi ababuki nekutsi itala njani lemali,  ingce nje  nabatotfola lemali lebayifunela rtidzingo tabo. Sicocisene na Mandla Malope, lonelwati ngetindzaba temnotfo.

Litiko letemisebenti yesive, imigwaco netekutfutsa eMpumalanga livakalise kukhatsateka ngekutsikameteka kwekutfuswa kwebantfwana labaya esikolweni namuhla ekuseni etincenyeni letitsite takulesifundza. Lokhulumela lelitiko Bongani Dlamini uyachaza.

Likomishane lelengamele lukhetfo livale evikini lelengcile ngaLwesihlanu sikhatsi lebesinikwe emecembu etepolitiki nalabo lebatawungenela lukhetfo batimele kutsi batfumele emagama alabatawubamelele kulolukhetfo. Likhomishana lelukhetfo livete nekwekutsi senyukile sibalo sebantfu lebangenele kukhetfwa. Namuhla ehlelweni sifuna kubuka kutsi uyini umsebenti welikhansela futsi lidlala yiphi indzima ekutfutfukiseni imiphakatsi. Simeme umnumzane Solly Masilela losati ngetindzaba tabomasipala kutewucocisana naye ngaloludzaba

Hulumende umemetele Advocate Nthuthuzelo Vanara njengalotawubamba kwesikhashana kulesikhundla sekuba yinhloko yeluphiko i-Investiigating Directorate Against Corruption (IDAC).  Loku kulandzela kwesula kwalobekayinhloko yaloluphiko Andrea Johnson. Kuyibuka lendzaba asamukele solwati ngetebugebengu Dkt Mxolisi Mathebula.

Sikhungo lesibukele tifo letisatselanako i National Insitute for Communicable Diseases ( NICD) ikhiphe secwayiso mayelana nekukhula kwesibalo sebantfu labangenwa ligciwane le-rotavirus. Sikhulumisana ne Clinical Epidemiologist, Nqobile Ngoma 

Inhlangano lengasebenteli inzuzo iSweet Papa Foundation itsi isemkhankasweni wokwetfula tinhlelo letihlose kutfutfukisa simo senhlalo ebantfwaneni ikakhulukati labo lebangafiki ngesikhatsi esikolweni nalabadvonsa matima etifundvweni tabo. Sicocisane nemsunguli walenhlangano Thapelo Mashego.

Mengameli Cyril Ramaphosa uchaze sishikashiki semzabalazo Nokuthula Simelane njengamake lebekanesibindzi futsi anekutimisela ekulweleni inkululeko yalelive. Ramaphosa beketfula inkhulumo-sifundvo yekucala i Nokuthula Simelane Memorial Lecture enyuvesi yase Mpumalanga. Simelane wanyamalala nga-1983 ngalesikhatsi atfunjwa maphoyisa elubandlululo. Mthobisi Mkhaliphi uyasibikela.

Sikhungo setekuvakasha kanye nemapaki kulesifundza sase-Mpumalanga (MTPA) sitsi simatasatasa kulenyanga yetekuvakasha sifundzisa bantfu ngetindlela labangatenta kute batfutfukise lomkhakha wetekuvakasha. Kutfola kabanti sichumana nemphatsi lomusha we MTPA, Pam Ntuli.

Inhlangano yeANC seyibite likhomishana lelitimele lelukhetfo iIEC kutsi liphenye ngekuphutfuma loku lelitsi kuholele ekutseni luhlelo lweOnline Candidate Nomination System laka-IEC lehluleke kwemukela emagama ebantfu labatayimelela elukhetfweni. Ntlantla Kgatlhane na Given Mahlalela bayasibikela