Listasafn Reykjanesbæjar

Listasafn Reykjanesbæjar

By Helga Þórsdóttir og Dagur JóhannssonEducationArts
Download on the App Store

Listasafn Reykjanesbæjar episodes

  • #17 Master Hilarion
    Helga Þórsdóttir og Iðunn Jónsdóttir frá Listasafni Reykjanesbæjar skyggnast inní hugarheim Master Hilarion(Snorra Ásmundsson).
    Master Hilarion mun vera með hugleiðslu í Listasafni Reykjanesbæjar fyrir ungt fólk Mánudaginn 14. og Þriðjudaginn 15. Febrúar.
    42 min
  • #16 Ráðhildur
    Listasafn Reykjanesbæjar kynnir sýninguna Skrápur, með Ráðhildi Ingadóttur og Igor Antić.
    Ráðhildur Ingadóttir (1959) vinnur með ákveðna hugmyndafræði í verkum sínum sem hún útfærir í marga miðla; texta, teikningu, málun, skúlptúr og myndbönd, og er framsetning þeirra jafnan í margslungnum innsetningum.
    1 hr 7 min
  • # 15 Igor Antić

    Igor Antić er með verk á sýningunni hjá okkur, Skrápur/SecondSkin

    Igor hefur haldið fjölmargar einkasýningar og verið valinn til þáttöku á samsýningar víðs vegar í Evrópu, Bandaríkjunum og Asíu. Þar á meðal hefur hann áður sýnt á Íslandi í Nýlistasafninu á sýningunni Polylogue 158 árið 1999. Antić var sýningarstjóri Values: 11th Biennial of Visual Arts í Pancevo, Serbíu, árið 2004.

    57 min
  • #14 MULTIS
    Ásdís Spanó og Helga Óskarsdóttir reka saman fyrirtækið MULTIS sem selur myndlist eftir íslenskt samtímalistafólk.
    2. September 2021 opnuðum við í samstarfi við Multis sýninguna FJÖLFELDI - HLUTFELDI - MARGFELDI þar sem sjónum er beint að verkum tuttugu og níu samtímalistamanna sem hafa til lengri eða skemmri tíma unnið að gerð fjölfelda (Multiple). Til þess að listaverk geti fallið undir þá skilgreiningu, þurfa verkin að vera gerð í þremur eða fleiri eintökum.
    57 min
  • #12 Ósk Vilhjálmsdóttir
    Ósk tók þátt í haustsýningu safnsins, Áfallalandslag en hún hefur haldið fjölmargar einkasýningar og verið valin til þess að sýna á samsýningum bæði hér á landi og erlendis. Hún hefur í listsköpun sinni enn fremur unnið með náttúruvernd og samskipti mannsins og náttúrunnar, þar sem Ósk virkjar þátttöku áhorfandans og skapar umræðuvettvang.
    1 hr 30 min
  • #11 Lind og Tim Junge

    Lind Völundardóttir og Tim Junge reka útgáfufyrirtækið Art 365 sem sérhæfir sig í miðlun og útgáfu á menningartengdu og sögulegu efni.

    Þau eru með sýningu hjá Listasafni Reykjanesbæjar þar sem sýnd eru verk eftir ýmsa listamenn sem koma frá ólíkum áttum.

    46 min
  • #10 Gjörningaklúbburinn

    Við áttum fróðlegt og skemmtilegt samtal við Eirúnu og Jóní úr Gjörningaklúbbnum.
    Gjörningaklúbburinn var stofnaður árið 1996 og er nú skipaður þeim Eirúnu Sigurðardóttur (f. 1971)  og Jóní Jónsdóttur (f. 1972). Gjörningaklúbburinn fær innblástur úr fjölbreyttri átt og útfærir hugmyndir sínar í margskonar miðla, ásamt því að vinna þvert á listgreinar og í samstarfi við aðra. Í verkum Gjörningaklúbbsins má einnig finna femínískar áherslur, vísanir í hlutverk konunnar, þær byggja gjarnan á handverki sem tengjast heimi kvenna. Þá hefur Gjörningaklúbburinn einnig unnið út frá sköpunarkraftinum og náttúrunni á pólitískan hátt.

    1 hr 24 min
  • #9 Daði Guðbjörnsson

    Okkur var boðið í kaffi til Daða listamanns þar sem við áttum frábært spjall um listamannaferilinn hans, sýninguna sem hann er með hjá okkur í Listasafni Reykjanesbæjar og Sahaja Yoga-hugleiðslu.

    52 min
  • #8 Halldór Ásgeirsson
    Halldór (f. 1956) hefur búið og starfað víða, lengstan tíma á Íslandi, í Frakklandi og Japan. Hann hefur haldið fjölmargar einkasýningar og verið valin til þess að sýna á samsýningum bæði hér á landi og erlendis.
    Halldór er með nokkur verk á sýningunni okkar Áfallalandslag sem tengja áhorfandann við atburðarás áfalla sem tengjast náttúruhamförum.
    58 min

About Listasafn Reykjanesbæjar

From the publisher's feed

Helga Þórsdóttir safnstjóri Listasafns Reykjanesbæjar fær til sín áhugavert fólk úr listaheiminum í fróðlegt spjall.