Pechamos a nosa 30ª tempada radiofónica con diversas novidades, cun Recuncho Da Palleta (con Guillerme Inácio e a visita de Rubén Troitiño para falarnos sobre o portal web "Arquivo virtual das músicas da Terra de Montes") e cunha entrevista a Coribantes de Buchabade (presentando o seu novo disco "A Ponte Das Músicas")

No Recuncho da Palleta, Carme López lémbranos a Rosa de Moscoso, moi importante e querida transmisora falecida recentemente. Contamos ademais, para esa sentida homenaxe, coa participación do compañeiro Rodrigo Cuevas. - Na segunda hora o principal protagonista foi o grupo Atairaos, de Salamanca, que nos presentou o seu primeiro traballo discográfico.

No Recuncho Da Palleta Xaime Estévez ofrécenos a segunda entrega de "Santa Gaita", nesta ocasión centrada nos "Santos de Verán". Ademais, entrevistamos o grupo Obal co gallo da presentación do seu novo disco ('Posotopía')

Carme López vén ao Recuncho Da Palleta para falarnos do 2º Encontro Celme de Zanfona. Ademais, entrevistamos as Malvela, que presentan o seu novo disco "O Benquerer"

Entre as novas confirmacións do festival de Ortigueira e mais os Xigantes e Cabezudos dos que nos fala Gustavo Couto, tamén temos tempo para unha entrevista aos Tiruleque. Presentan o seu traballo de aniversario '20 anos no Camiño'.

Carme López trae no Recuncho da Palleta unha nova entrega de ReferentAs, desta volta con María Castro Romero como protagonista. Ademais, Treixadura presenta o seu libro-disco de 30 aniversario "Camiño Longo".

'Levantarse e caer' é o novo traballo de Xabier Díaz, a quen entrevistamos neste Lume na Palleira. Ademais, Ramón Dopico vén ao Recuncho da Palleta para recuperar gravacións históricas do cuarteto 'Os Mariñáns' de Guísamo).

Ao pé deste Lume na Palleira atópanse Lorca e Rosalía. Fano da man de Uxía e Javier Ruibal, que presentan o seu disco 'De tu casa a la mía'. Ademais, Xaimé Estévez preséntanos no Recuncho Da Palleta o encontro "Tradición en Camiño" de Mos.

Recibimos a Gustavo Couto no Recuncho da Palleta para celebrar por adiantado o Día Internacional da Danza. Entrevistamos o portugués José Barros co gallo da presentación do dobre disco de aniversario 'Navegante 25 Anos'

No Recuncho da Palleta, Xaime Estévez presenta a VIII edición do Memorial Henrique Otero, 'o Gaiteiro do Fragoso'. Neste Lume na palleira tamén hai tempo para unha conversa con Alfonso Franco e María Pérez para coñecer o disco 'Acanteira', publicado pola asociación Galicia Fiddle