Este Lume na Palleira vén cargado de novidades musicais e conta cun Recuncho da Palleta con Guillerme Inácio Costa e unha entrevista a Xulia Feixoo na que nos presenta o seu novo libro-disco ("Concha Do Canizo - Este Pandeiro Que Toco...")

As Tanxugueiras pasan por este Lume na Palleira a poucos días do Festival de Benidorm. Ademais, Xaime Estévez abre no Recuncho da Palleta unha serie de recunchos titulados 'Santa Gaita'. Esta primeira entrega está dedicada aos 'Santos de inverno'. Por último, entrevistamos o grupo Os d'Abaixo polo seu novo disco 'Somos a pedra'.

Alberto Lago presenta no Lume na palleira o seu libro-disco 'Do Teu Laranxal (Coplas, Melodías E Outros Cantares De Tradición Oral Da Vila De Marín)'. Ademais, Gustavo Couto trae diversas danzas infantís no Recuncho da Palleta

Entrevistamos ao histórico grupo Brañas Folk para saber máis do seu novo disco, 'Godaxe'. No Recuncho Da Palleta, recibimos a Gustavo Couto para falarnos do Ciclo do Nadal e, coma sempre, temos tempo para debullar as novidades musicais.

No último programa de 2021 ofrecemos a primeira parte do noso resumo das entrevistas e presentacións de traballos discográficos realizadas en Lume Na palleira ao longo do ano 2021.

No primeiro programa do novo ano pechamos o noso resumo de entrevistas e presentacións de traballos discográficos, realizadas ao longo de 2021, e adiantamos cales serán as próximas. Por último, lembramos aos grupos finalistas do Certame Runas nas edicións 2020 e 2021, que participarán na edición deste ano do Festival Internacional do Mundo Celta de Ortigueira.

Emilio Españadero recibe a Xaime Estévez e diversos convidados no Recuncho Da Palleta para presentar a "I Homenaxe Á Tradición Do Val Miñor". Non queda a cousa aí, porque este Lume na Palleira tamén ofrece unha entrevista ao grupo Os Minhotos para coñecer o seu segundo disco ('Máis unha pinga') e, coma sempre, non falta un repaso polas novidades da semana.

Emilio Españadero fai unha escolma de músicas de raíz chegadas de fóra de Galicia. A trompa galega será a protagonista deste novo Recuncho da Palleta, a través das gravacións editadas que seleccionou Ramón Dopico. E, por suposto, non falta o repaso ás novidades musicais.

No Recuncho Da Palleta, lembramos o son dos Estrobos de Ferrol canda Ramón Dopico. Repasamos novidades e axenda de concertos, e gozamos da entrevista ao grupo Manseliña, coa presentación do seu segundo disco: "Maria Pérez Se Maenfestou (Cantigas De Escarnio A María Balteira)"

Amais das novidades, Emilio Españadero presenta O Recuncho da Palleta (coa primeira das entregas de "ReferentAs", con Carme López). O prato forte é a entrevista a Pancho Álvarez polo seu novo disco, 'Cordas históricas'