Lunch Hour by Lemon Press #6

Манай подкастын энэ удаагийн зочноор MStars Hub-ийн Инновац хариуцсан захирал Н.Ананд оролцлоо.

Гарааны бизнесүүдэд тулгамддаг хамгийн том асуудлууд, үүнийг хэрхэн шийдэж, давж гарах болон заавал анхаарах 3 зөвлөгөөг өглөө. Түүнчлэн гарааны бизнесүүдийг дэмжих хурдасгуур хөтөлбөрийн тухай дэлгэрэнгүй мэдээллийг энэхүү подкастаас аваарай.

Lunch Hour by Lemon Press #5

Энэ удаагийн дугаартаа Монголын Үнэт Цаасны Арилжаа Эрхлэгчдийн Холбооны удирдах зөвлөлийн гишүүн, гүйцэтгэх захирал Ц.Хуягтай ярилцлаа. Тэрээр Хөрөнгийн зах зээлийг хөгжүүлэхийн тулд мэргэжлийн оролцогчдоо дэмжих хэрэгтэйг сануулж байсан. Түүнчлэн биржийн бус зах зээлийг хөгжүүлэх нь ХЗЗ-д хамгийн удаан хүлээлтийг бий болгож байсан чухал алхам гэдгийг тодотгосон юм.

Lunch Hour by Lemon Press #4

Манай подкастын энэ удаагийн зочноор Монгол ТВ болон ТэнГэрЛиг медиа группийн Гүйцэтгэх захирал Г.Бат-Эрдэнэ оролцлоо.

Анхны нээлттэй хувьцаат медиа компани болох ТэнГэрЛиг медиа группийн үйл ажиллагааны чиглэл, зорилт болон энэ салбарын хөгжил Монголын эдийн засагт ямар нөлөөтэйг ярилцлаа. Түүнчлэн контент бүтээгчдийг хэрхэн дэмжих, Ori студи ашиглалтад орсны дараа бид юуг хүлээж болох гэх мэт асуултын хариуг энэхүү подкастаас сонсоорой.

Lunch Hour by Lemon Press #3

Манай подкастын энэ удаагийн зочноор трейдэр Б.Эрхэмбаяр оролцлоо.

Трейдэр болохын тулд хаанаас, яаж эхлэх вэ? Сургалтад хамрагдах уу, өөрөө сурах уу, хэр их хугацаа шаардах вэ? гэх мэт асуултын хариултыг энэхүү подкастаас авах боломжтой. Түүнчлэн трейдэр болохгүй ч ажил, хичээлийн хажуугаар арилжаа, хөрөнгө оруулалт хийгээд хөрөнгийн захаас өндөр өгөөж хүртэх ямар боломжууд байдаг тухай сонсоорой.

Эрхэмбаяр трейдэрийн Swing Traders дискорд линк:
https://discord.gg/9RTDWNe

Lunch Hour by Lemon Press #2

Манай подкастын энэ удаагийн зочноор iHotel-ийг хамтран үүсгэн байгуулагч, гүйцэтгэх захирал Б.Золбадрал оролцлоо. 

Цар тахлын үед олон улсад аялал, жуулчлалын салбар уналтад орж, гадагшаа аялах боломж хаагдсан ч дотоодын аялал нэмэгдсэн эерэг үр дүн гарсан тухай тэрээр онцлон ярьсан юм. Мөн цар тахлын үед ч iHotel 3 удаа хөрөнгө оруулалт авч үйл ажиллагаагаа тэлэх, үйлчилгээгээ хөгжүүлэх боломж олдсон гэдгийг дурдсан юм.

Lunch Hour by Lemon Press #1

Lunch Hour подкастын хост Б.Дөлгөөнзул миний бие хамгийн эхний дугаартаа Мандал Ассет Менежментийн гүйцэтгэх захирал Г.Ганзоригтой ярилцлаа. Тэрээр Мандал Өсөх Ирээдүй сангийн бодлогын тухай, менежментийн тухай ил тод, нээлттэй ярьсан бөгөөд тус санд хөрөнгө оруулах гэж байгаа хүн бүрийн заавал мэдэх бүх асуултад хариулсан байгаа. 

Түүнчлэн хувийн санхүүгээ хэрхэн удирддаг, зарлага дээр төвлөрөхөөс илүүтэй орлого дээрээ төвлөрвөл илүү үр дүнтэй байж болох зэрэг сонирхолтой сэдвүүдийг хөндсөн юм.