مفيش حد معملش حركة بكاسة ولو مرة على الأقل بس في ناس واخدين البكاسة أسلوب حياة.

والبكاسة مش مرتبطة بالفلوس بس، ساعات بتبان في المجهود، الوقت، المسؤوليات، أو إنك تعرف تطلع من الموقف بأقل حاجة ممكنة عليك.

في حلقة «بكاسة دي بابل» حكينا مواقف كتير عن أنواع البكاسة المختلفة… وأكيد هتلاقي نفسك قابلت كام واحد منهم في حياتك، ويمكن عملت حركة أو اتنين منهم إنت كمان.

كلنا عندنا أعذار… بس مش كلها تتصدق في الحلقة دي حكينا عن أعذار قولناها، وأعذار اتقالت لنا، ومواقف لحد دلوقتي مش عارفين أصحابها كانوا بيتكلموا بجد ولا بيجربوا حظهم معانا.

في حلقة جديدة من اليوم بيومه، خدنا بالنا إن إحنا التلاتة كل واحد فينا عدى عليه نفس الموضوع بشكل أو بآخر… إننا اتربينا وعشنا بين منطقتين مختلفتين عن بعض في كل حاجة.

من الناس وطريقة الحياة، للشارع والذكريات والتفاصيل الصغيرة اللي بتفرق من مكان للتاني… وإزاي التجربتين دول سابوا أثر في كل واحد فينا.

حلقة فيها حكايات، ذكريات ومواقف مختلفة… وكل واحد فينا حكى تجربته بطريقته.

في أول حلقة من اليوم بيومه، حبينا نتكلم عن نوعية من الرجالة تصرفاتهم مش دايمًا ماشية مع شكلهم… من التصرفات الغريبة والمواقف اللي ملهاش تفسير، لحد قلة المسؤولية والحاجات اللي بتخلينا نسأل: هو إيه اللي بيحصل؟!حلقة فيها حكايات، مواقف وآراء مختلفة.