Mä Marret & Hauke üüb't suufa [archiwiaret]

Dörtigsis san wi üüb suufas, stuuler an sesler tup kimen am mä’nöler tu snaakin, wat bi üs uun a ualdai luas wiar an wat wi för toochter an tips haa (fööraal musiik), wat wi mä jam dial wul. An so föl spoos at maaget hee, skel’f oober uk tujiiw, det wi ei muar nooch tidj an energii haa, am en program tu maagin, wat wi uk hal üüs üüs best program för jam betiakne mei. Diartu skel’f uk üübpaase, det wi uun’t pandemii, wat so ja uk a nerfen al temelk strapasiaret, üüs energii en betj muar üüb üüs öler werk konsentriare. Diarauer haa wi beslööden, iar wi began üüs letj projekt heer tu haadin an mä ring gefüülen ütjenöler gung, hual wi ap, so loong at noch gud as. Föl toonk, det jam mä üs üüb a suufas seeden haa, ferlicht hiar wi üs irgentwan irgenthuar ens weler!

Iar wi oober gans gung, haa wi noch en letj uskias episood för jam. Wi luke noch ens turag üüb musiik faan 2020, uuntesken haa üs a streaming tiinsten ja uk wiset, wat wi das juar so hiard haa an diarauer wel’f diar uk noch ens kritisk üüb luke. So of so weler föl am musiik das feer, auer uk tau ual maaner noch ens weler schlagzeilen maage heer. Natüürelk luke wi uk üüb jul, man för arken, wat tatsechelk jul mä üs feire wal, mei wi noch ’ar üüb henwise, det naist weg (18.12.) üüs jul-sending faan tjabelstünj tu hiaren as!

Musiik, wat wi besnaake of ianfach ens widjerdu wel, finj jam uun üüs suufa playlist, wat wi üüb Apple Music an Spotify mä jam dial. Das weg nei diartu kimen:

1. Toro y Moi – Ordinary Guy
2. Bright Eyes – Persona Non Grata
3. The Beatles – Strawberry Fields Forever
4. Bob Dylan – You Don’t Have to Do That
5. Phoebe Bridgers – If We Make It Through December
6. U.S. Girls – Santa Stay Home (feat. Rich Morel)

Leew lidj, detheer tidj faan’t juar kön temelk stresig wees an ölers üüs uun a wos of somer as’t nü bütjen goor ei so fein, am een diar ens irgenthuar deel tu saten am deel tu kemen, wan ham det ens rocht puan hee. Wat kön ham diar du? Wi snaake das feer intensiiw am mögelkhaiden, ens rau tu fun uun a ualdai an uk bi’t iinsliapen. Ferlicht sogoor so lung, det jam salew en betj trääd diarbi wurd kön.

Wan jam oober wreeken bliiw, do fu jam uun’t ööder hualew faan detheer episood uk en iarsten blak turag üüb musiik faan das juar, wat üs fööraal uun’t hood blewen as of tutmanst apfäälen as. Suutjis gungt at ja üüb’t aanj faan’t juar tu an diar wurt at tidj, diar ens am tu teenken. Das weg snaake wi am a Gorillaz an AnnenMayKantereit.

An noch en podcast-tip heer: Am det album „12“ faan AnnenMayKantereit snaake uk Salwa Houmsi & Jan Kawelke uun’t Machiavelli Podcast mä Henning May persuunelk. Wan jam jam diarför intresiare, mei wi jam det neist episood faan Machiavelli hal tu harten lei.

Musiik, wat wi besnaake of ianfach ens widjerdu wel, finj jam uun üüs suufa playlist, wat wi üüb Apple Music an Spotify mä jam dial. Das weg nei diartu kimen:

1. Metric – Don’t Think Twice, It’s All Right (ei üüb üüs playlists bi Apple Music an Spotify, man bi Soundcloud)
2. Tocotronic – Dieses Jahr
3. Pulp – Disco 2000
4. Gorillaz – Désolé
5. AnnenMayKantereit – Spätsommerregen

An diar san wi nü weler uun en situasjoon, huar uun lidj beeder aran bliiw skul üüs enöler tu draapen. A miasten faan üs haa diarmä uuntesken ja uk erfaaring, man so rocht spoos maaget det jo uk ei imer, tu skypin. Huar bliiw spalen an spoos uun online draapen mä frinjer an familje?

Wi haa heer al am escape rooms an exit games snaaket – so wel mä rocht draapen (tjabelstünj #118) üüs uk online (suufa podcast #009). Tja, an auer wi uk bluat gans ianfach lidj san, haa wi do jüst üüs de naist lockdown ufmaaget wiar, uk gliks weler begand, online exit games tu spelin, tatsechelk uk högen mä en öler konsept üüs för en hualew juar. Diarauer mei wi noch ens diar am snaake an haa sogoor noch en kreatiiwen tip för jau online draapen mä frinjer an familje.

Musiik, wat wi besnaake of ianfach ens widjerdu wel, finj jam uun üüs suufa playlist, wat wi üüb Apple Music an Spotify mä jam dial. Das weg nei diartu kimen:

1. Gorillaz feat. Robert Smith – Strange Timez
2. Arlo Parks – Hurt
3. Surprise Chef – Dinner Time
4. Gorillaz feat. Elton John & 6LACK – The Pink Phantom
5. Stella Sommer – Northern Dancer
6. Sufjan Stevens – Video Game
7. La Femme – Elle ne t’aime pas

Wi keen neemen, wat Bronski Pedal Steel het, man ferlicht jaft at diar bütjen ja hoker mä dediar nööm. Üüb arke faal wul hi of hat gud tu detheer episood paase, tutmanst wan hi of hat gud aprede küd. Heer gungt at nemelk föl am’t apredin das feer (ei so üüs uun episood nr. 014, Ütjnjokse – das feer wurd lidj diarbi tuluket!). Faan’t snaakin am Babylon Berlin, auer det story am’t musiik faan Bryan Ferry uun detdiar seerie noch ei ütjfertääld wiar, kem wi gliks tu’t naist seerie, huar uun hüsing nei dekoriaret an apredet wurd. So snaake wi en mase diar am, am seerien so of so an am musiik, wat diar ütj komt an diartu paaset. Oober ian genre paaset diar ei so rocht mä iin bi üs, ferlicht sogoor goor ei so rocht iin uun üüs wäält: country. An jüst det hee uun a uugenblak en temelk grat revival. Huaram? Witj wi woorskiinelk uk ei. Oober det mei wi heer ei gans klaar ferriad.

Musiik, wat wi besnaake of ianfach ens widjerdu wel, finj jam uun üüs suufa playlist, wat wi üüb Apple Music an Spotify mä jam dial. Das weg nei diartu kimen:

1. Panic Shack – I Don’t Really Like It
2. Roxy Music – Bitter Sweet
3. Ja, Panik – Bittersweet
4. The Bryan Ferry Orchestra – Bitter Sweet
5. The Killers – Mr. Brightside
6. Robyn – Dancing On My Own
7. Orville Peck – Smalltown Boy

Detheer episood wurt di präsentiaret faan fein warem deekens an leker tee. Marret as komplet uun a harewst-modus an frööget ham böös diarauer. Hauke kön det ei gans so gud ferstun, uk wan hi al ferstäänt, det a harewst uk det ian of öler fein saag haa kön.

Wi konsentriare üs oober föör aal üüb a gemüütelk sidjen faan’t jonker tidj faan’t juar an drem faan fein iidjen an musiik. An entelk snaake wi ei tuföl am’t corona-pandemii. Bluat gans kur an eentelk uk bluat, auer Hauke jüst en spal spelet hee, huar uun at diar am gungt, en pandemii tu ferhanrin: Pandemic het at an heer bi’t Asmodee ferlach (nian werbung) finj jam muar am detdiar spalen-rä.

För teskenuun, beeftefter of wan imer jam wel haa wi uk noch en betj musiik diarbi, huar uk am snaaket wurt. Temelk onserskiaselk as det das feer, auer wi uk musiik faan gans onerskiaselk tidjen diarbi haa. At jaft nemelk ei bluat en gans nei single faan Bastille (heer bi üs fu jam det imer gau mä, wan’t nei musiik faan Bastille jaft), man wi haa uk en 75. gebuursdai, wat wi en betj feiere wel.

Musiik, wat wi besnaake of ianfach ens widjerdu wel, finj jam uun üüs suufa playlist, wat wi üüb Apple Music an Spotify mä jam dial. Das weg nei diartu kimen:

1. Janelle Monáe – Turntables
2. Le Tigre – I’m So Excited
3. Damien Rice – 9 Crimes
4. Cate Le Bon – Are You with Me Now?
5. Bryan Ferry – A Hard Rain’s A-Gonna Fall
6. Bastille – Survivin‘
7. Deerhunter – Desire Lines

Marts an september san leewen markant muuner, auer mä jo det warem of det kuul tidj faan’t juar begant. Das juar hee uun a marts oober noch wat gans ölers begand: domools, also föör en hualew juar, san a Corona-beskrenkingen kimen. Wi luke das weg üüb en tidj turag, wat temelk nüürig wiar – ei bluat, am a beskrekingen salew an hör fulgen, man uk auer at gans intresant as, hü ham för seeks of sööwen muun noch auer Corona an Covid snaaket hee an hü’m det nü dee.

Man at jaft uk maner bedrüüwin saagen, huar’t das feer am gungt: en spal-tip haa wi diarbi, wat det outdoor-experience faan sok spalen üüs Pokémon Go an Harry Potter: Wizards Unite mä konst an literatüür ferbant an diarbi uk a kliimawanel ei ferjat. Det spal het Botboot, jam kön det saner ekstra app ianfach uun’t browser üüb en tilefoon spele, of iarst ens uk noch en betj muar diartu lees (imaginethecity, Kampnagel).

Musiik, wat wi besnaake of ianfach ens widjerdu wel, finj jam uun üüs suufa playlist, wat wi üüb Apple Music an Spotify mä jam dial. Das weg nei diartu kimen:

1. Bully – Where to Start
2. Becca Mancari – First Time
3. Video Age – Pleasure Line

Wi skaafe’t das feer iarst leeder, üüs playlist tu aktualisiarin. Dönheer staken san woorskiinelk iarst faanuf söninj üüb’t playlist tu finjen.

Efter en letj paus, huar uun wi ei tup kimen san, jaft at entelk weler en stak snaak faan üüs suufas. An det as das feer tatsechelk goor ei imer so lacht an lastig, auer uk en mase luas wiar. Spiitigerwiis uk föl mä nazis.

Wan jam jam al fraaget haa, hü’s mä üüs hula-hoop challenge uuntesken ütjschocht, do harke jam woorskiinelk imer trau tu. Föl toonk üüb arke faal diarför! Das weg fu jam gliks tu began en letj update diar am.

At gungt das weg oober fööraal uk am a jonk sidjen faan’t seelskap. Nazis san spiitigerwiis uun a uugenblak temelk präsent. An wan det ei ales nooch wiar, hee Marret sin saster letst uk noch en schört keeft, huar en skäält iinseid wiar, huar ianfach bluat „nazi“ üübstään. Det wiar woorskiinelk en gans dom tufaal, man irgenthü san tu föl nazis aueraal – ei bluat üüb demos, at jeew uk föl atentaaten uun a ferleeden tidj. So düüret de proses am’t atentaat üüb Walter Lübke imer noch uun an jüst as’t en hualew juar weesen, det uun Hanau en nazi-teror-anschlag wiar. Dediar traurig gedenkdai fäält tup mä en öler gedenkdai. A 22. august 1980 wiar uun Hamborig at iarst ferbrechen, wat uun’t Bundesrepublik Tjiisklun üüs nazi-atentaat iinordnet wurden as. Diarbi san uun en asyl-onerkemst tau lidj störwen, wat ütj Vietnam flüchtet san. Bit daaling wurt diar am eranert an uun’t taz küd’m för tau weg en fein interview mä a paaten fan a oofern lees (taz). Wat wi jam oober rocht hal tu harten lei mei, as en episood faan’t Podcast Rice and Shine, huar uun jam en rocht gud maaget an beracht uunhiar kön (Rice and Shine: Hamburg 1980: Als der rechte Terror wieder aufflammte).

Wi haa kön oober uk am hög fein saagen snaake. Hauke wiar tu’t iarst feer sant muuner weler üüb en konsert – oner string pandemii-aplaagen, man imerhen! Wi luke uk noch ens weler üüb Wizards Unite, huar wi uun tjabelstünj #141 al ens am snaaket haa, an beluke en stak ütj en genre, huar wi spiitigerwiis ölers goor ei so föl am snaake: hip hop.

Musiik, wat wi besnaake of ianfach ens widjerdu wel, finj jam uun üüs suufa playlist, wat wi üüb Apple Music an Spotify mä jam dial. Das weg nei diartu kimen:

1. Sharon Van Etten – Senventeen
2. How To Kill A King – Watchmaker (Demo)
3. Zoon – Bleached Wavves
4. Stella Sommer – Do You Still Love Me Now?
5. Cardi B. feat. Megan Thee Stallion – WAP

At wurt nü weler en betj kuuler, oober wi hed at ja temelk hiat auer a fereleden trii weg. Mi persuunelk hee det eentelk gans gud den, oober ik witj nooch, det at föl lidj jaft, wat a temperatuuren goor ei so gud ded. Tatsechelk wiar’t ei bluat heer uun Tjiisklun temelk hiat, uk öler steeden üüb a wäält haa nei hatj-rekorden meldet. An üüs ik diar noch en betj muar recherchiire wul, san ik at aanj bi’t puurt tu a heel uunkimen.

Diarmä’t ei tu warem wurt, jaft at oober tutmanst uun üüs playlist hög staken am uftukäälen.

Musiik, wat wi besnaake of ianfach ens widjerdu wel, finj jam uun üüs suufa playlist, wat wi üüb Apple Music an Spotify mä jam dial. Das weg nei diartu kimen:

1. Woods – Rain On
2. Plastic Bertrand – Ça Plane Pour Moi
3. No Vacation – Changes
4. Toro y Moi – Ordinary Guy
5. El Michels Affair – Sha Na Na (feat. The Shacks)
6. Oracle Sisters – The Vibes

Wi san turag faan üüs enkelt urlaubsreisen an wel noch ens turagluke, wat mä blak üüb’t coronapandemii üüb a reisen gud gingen as, huar wi üs seeker fääld haa – an huar ei.

Musiik, wat wi besnaake of ianfach ens widjerdu wel, finj jam uun üüs suufa playlist, wat wi üüb Apple Music an Spotify mä jam dial. Das weg nei diartu kimen:

1. Fonaines D.C. – Televised Mind
2. Bastille – WHAT YOU GONNA DO???
3. Mattiel – Guns of Brixton
4. To Kill a King – We Used to Protest / Gamble (Accoustic)
5. Beach House – Lazuli
6. Stromae – Formidable
7. L.A. Salami – Things Ain’t Changed
8. Stella Sommer – A Lover Alone

En somrem as’t normoolerwiis tidj för welrenen. Det woorskiinelk bekäändst as was at Tour de France. Man sok en trinjam-renen jaft at ei bluat diar. At jaft tu’n bispal uk pendants uun Spaanien, at Vuelta a España, an uun Itaalien, a Giro d’Italia. Uun a uugenblak schocht at mä ale renen ei so gud ütj, auer uk jo am’t corona pandemii ufsaad of üüb en leeder ponkt amlaanjen wurden san. Hauke luket das weg üüb en histoorisk episood faan a Giro d’Italia, wat bluat gans kurt uundüüret hee: at suart trikot. An det as uk de grünj, huaram das feer ales suarts so en betj iin uun a fokus komt.

Musiik, wat wi besnaake of ianfach ens widjerdu wel, finj jam uun üüs suufa playlist, wat wi üüb Apple Music an Spotify mä jam dial. Das weg nei diartu kimen:

1. Arlo Parks–Black Dog
2. Charles Bradley–Black Velvet
3. Waldeck–Black & Blue
4. The White Stripes–Black Math
5. Led Zeppelin – Black Mountain Side
6. Bert Jansch – Black Water Side