Mä Marret & Hauke üüb't suufa [archiwiaret]

Auer a ferleeden wegen haa wi al en redusiaret program üüb’t suufa hed, oober nü as’t tatsechelk ens tidj för urlaub. Wi snaake das weg am plooner för urlaub an hü det mä urlaub uun corona tidjen auerhood gungt. An wi haa en letj spal, huar Hauke faan toocht, det at gans lastig wees küd. Oober at aanj wiar hi dediar, huar auer laachet wurd.

Nei Musiik jaft at uk uun üüs suufa playlist (üüb Apple Music an Spotify):

1. Porridge Radio & Lala Lala – Good For You
2. Pottery – Under the Wires
3. Panic! At the Disco – Into the Unknown
4. Dehd – Flood
5. Mattiel – Looking Down the Barrel of a Gun

Hauke noch ens weler alianing, oober mä nei musiiktips, wat jam üüb üüs suufa playlist uunhiar kön.

1. The Beatles – Come Together
2. Travis – Valentine
3. Steve Gunn & Cass McCombs – Wild Mountain Thyme
4. Frittenbude – Die Dunkelheit darf niemals siegen (feat. Jörkk Mechenbier)

Das weg bluat kurt hög tips för fein musiik, wat jam uk üüb üüs suufa playlist finj:

1. Hinds – Good Bad Times
2. The Flaming Lips – Flowers of Neptune 6
3. Editors – Last Day
4. Nap Eyes – 2 Kool 2 B 4-Gotten

Diar skul aran de dörnsktepich rianmaaget wurd, man do as’t jüst tup kimen mä detdiar wegaanj, huar’t bluat rinjt an goor niks drüg wurt? Ei so ring, wi sä det ei üüs probleem, man üüs mögelkhaid, ens widjer tu dun, wat wi för jam testet haa: hü ham diarmä dach irgenthü klaar kem kön.

Ferlicht hed uk MSN ens bi üs efterfraage skulen, auer diar as uk en mase ferkiard gingen, üüs wi uun’t taz efterlees küd. Diar skul nemelk för’t nachrichten-portaal det redaksjuun ütjbütjet wurd jin en algoritmus. Man det hee goor ei loket.

Dach at jaft ei bluat saagen, wat ferkiard gung, wi haa uk fein musiik-tips för jam (wat jam üüb üüs suufa playlist uk efterhiar kön):

1. Bruce Springsteen – Thunder Road
2. Orville Peck – Summertime
3. El Michels Affair – Reasons (feat. Bobby Oroza)
4. Los Bitchos – Pista (Great Start)
5. Rolling Blackouts Coastal Fever – The Second of the First
6. Cut Copy – Love Is All We Share

Mä Marret & Hauke üüb’t suufa #016 faan a 12.06.20
Henwis: detheer episood haa’f leeder üüb’t website den üüs at tu’t iarst feer sendet wurden wiar. At as üüb dediar dai datiaret, huar at tuiarst üüb tu hiaren wiar.

Noch ens gungt at am rasismus. An üüs wi al ferleeden feer henwiset haa, kön wi bluat diar am snaake, hü at öler lidj gungt, auer wi priwiligiaret san an nian rasismus jin üs salew belewe. Likes as’t wichtig, det ham det aanj stelung reflektiaret an uk ens auerleit, huaram at üs beeder gung üs lidj mä en jonker hidjklöör üüs wi det haa. Huaram at wichtig as, diarüüb hentuwisen, det suart leewents respektiaret wurd skel („Black Lives Matter“). Wat ham salew jin arke dai rasismus du kön an hü ham een üüs witj mensk mä det beweeging solidarisiare kön an mut. Det haa uk Macklemore an Ryan Lewis maaget uun det stak White Privilege II. Wat genau diar mä maaget wurt an huarauer at uk kritik diarför jeew, diar snaake wi das weg am.

An do gungt at entelk uk ens weler am’t iidjen. Jam sä, onerskiaselker küd teemen uun ian episood knaap ei wees. Wan jam de letst muud am insekten-burgern noch ei mämaaget haa, do leet’m det man gliks. Wi haa wat neis för jam, huar mä jam al klaar san för de trends faan’t auernaist juar: röstet imenlarwen. Tutmanst jeew’t diar am en intresanten artiikel uun’t taz, huar uun beskrewen wurd, hü ünwichtig maanelk imenlarwen för imkern san, det’s oober likes uk gud smeek kön.

Of jam det smeekt of ei, musikaalisk haa’f dönheer staken üüb’t menüü, wat jam uk uun üüs suufa playlist üüb Apple Music an Spotify finj kön:

1. To Kill A King – Graduate’s Escape
2. Kodaline – Sometimes (Acoustic)
3. Macklemore & Ryan Lewis featuring Jamila Woods – White Privilege II
4. Robyn – Honey
5. The Jesus & Mary Chain – Just Like Honey
6. Woods – Where Do You Go When You Dream?

Mä Marret & Hauke üüb’t suufa #015 faan a 05.06.20
Henwis: detheer episood haa’f leeder üüb’t website den üüs at tu’t iarst feer sendet wurden wiar. At as üüb dediar dai datiaret, huar at tuiarst üüb tu hiaren wiar.

Began wi gliks mä’t gratst teema uun a uugenblak: politseigewalt, rasismus an diskriminiaring. Wat en grat probleem as, wan wi diar am snaake, as det wi diarbi dönen ütjklamere, wat tatsechelk bedraapt san – auer wi bialen san üüb arke faal priwiligiaret. Diarauer wel’f üs ianfach mä a protesten solidarisiare an luke diarüüb, wat för soli-aksjuunen at uun a uugenblak uun’t musiikindustrii jaft.

Gans wat ölers, wat oober uk mä musiik tu dun hee: at jaft nei musiik faan Fynn Kliemann. Am det musiik an ham salew snaake wi do uk.

Üüb Apple Music an Spotify finj jam üüs suufa playlist, huar uun det hial musiik as, huar wi am snaake, an hög musiik-tips, wat wi jam tu harten lei. Das feer nei diartu kimen san:

1. Beyoncé – Freedom
2. Talib Kweli – Get By
3. A Tribe Called Quest – We, The People
4. Erykah Badoo – My People
5. Nina Simone – Ain’t Got No, I Got Life
6. Fynn Kliemann – Twingo
7. Lee Fields & The Expressions – Thinking About You

Ferleeden weg wiar wi al diarbi, hü Marret tuppaaket – nü wurt ütjnjokset. An diar snaake wi uk am. Hü swaar at wees kön, ual saagen wechtudun – uk wan ham jo tatsechelk goor ei brükt. An wat at diar för strategiien jaft, am at dach tu skaafin.

Wan do ütjnjokset as, do kön ham tufrees iin uun’t nei aran tji. Wat as oober wichtig, diarmä ham een aran fäält? Uun tau musiikstaken faan Bob Dylan an Tocotronic wurt diarfaan süngen, det lidj bluat ei diarhen turag wel, huar’s grat wurden san. Wi wel ens luke, of’t tatsechelk ales so ring as. Man turag gung? Föl toonk uk, oober naan.

An huar’t al am musiik gungt: wi haa diar uk weler wat för’t playlist. Das feer en betj muar, auer uun’t program üüb Westküste FM an Kiel FM noch en betj muar staken faan üs iin uun’t program kimen san üüs dönen, huar wi uun’t episood uk üüb henwise. Üüs leewent wurd jo tu’t suufa playlist hentu den:

1. Alli Neumann – Monster
2. Mine & Fatoni – Erdbeeren ohne Grenzen
3. Buscabulla – Mío
4. Khruangbin – So We Won’t Forget
5. Bob Dylan – On the Road Again
6. Tocotronic – Aber hier leben, nein danke

Das weg as weler so en weg, huar det mä’t suufa ei so rocht stemet. Wi sat jo al linger ei muar mäenöler üüb’t suufa, oober das weg as Marret uk witj wech faan’t suufa, huar hat normaalerwiis as. Auer hat ales klaar maaget am amtutjin. Likes haa wi hög minüten tidj hed, am tu tjablin an diarbi ging’t am’t program, wat at das juar uunsteed för de Eurovision Song Contest jaft an am en dai för mam an aatj. At wiar jo jüst mamendai an de aatjendai stäänt uk för’t dör. Diar fraage üs, of an hü det eentelk so uun onerskiaselk familjen feiert wurt.

Musikaalisk haa’f uk wat iinpaaket, nemelk fein staken, wat gud steming maage an uk tu a wos paase (huar uun högen tatsechelk uk faan wos an somer süngen wurt):

1. Die Sterne – Der Sommer in die Stadt wird fahren
2. Das Paradies & Albrecht Schrader – Wenn’s draußen grün wird
3. STRFKR – Never the Same
4. Isolation Berlin – Serotonin

Üüs leewent finj jam dön staken uun üüs suufa playlist üüb Apple Music an Spotify!

Keen jam uk lidj, wat aanj april/began mai gebuursdai haa? Was keen jam hoker. Marret hee üüber de iindrük, det at diar üngewöönelk föl lidj jaft, wat tu detdiar tidj tu wäält kimen san. Kön det wees, det diar tatsechelk föl muar lidj gebuursdai haa?

Dach huar nei leewent enstäänt, gungt uk ual leewent tu aanj. Ferleeden weg as Tony Allen, schlagzeuger an mäbegrünjer faan’t afrobeat, störwen. Wi eranre noch kurt am ham am präsentiare fein musiik faan ham.

Aü üüb üüs playlist (üüb Apple Music | üüb Spotify) du wi das weg:

1. Billie Eilish – bellyache
2. Stella Sommer & Sophia Kennedy – Man weiß es nicht genau
3. Tony Allen feat. Damon Albarn – Go Back [Radio Edit]
4. Ben Howard – Keep Your Head Up

Föör fjauer weg (#007) haa wi al am maskin snaaket. Do haa inisjatiiwen begand, diarför tu werbin, een en maske uuntutjin, wan ham tu äärnin as, huarmä uk gliks a iarst lidj begand haa. Iintesken hee worskiinelk bal arken en maske üübhed, auer ham sant hög daar saner en maske ei muar iin uun’t laaden of persuunennaiferkiar mut. Bi üs gungt at das weg am a iarst erfaaringen mä sok maskin an hög föördialen, wat’s ferlicht uk mäbring.

Diartu haa’f uk fein musiik mä, wat jam üüb üüs playlists üüb Apple Music of Spotify finj kön. An diartu noch en tip: wan a gumis bi jau maskin tu kurt san an ales en betj tu nar sat, so det a uaren en betj föör klape, do du’m jam doch ianfach kopfhöörer üüb. So kön jam üüs musiik uunhiar an a uaren gungt at gliks dobelt gud 🙂

1. Khruangbin – Time (You and I)
2. Theodor Shitstorm – Tanz die soziale Distanz
3. Future Islands – Shadows (feat. Debbie Harry)