Avais gia studegià e ponderà tge events culturals che Vus vulais visitar questa stad? La schelta è gronda, fitg gronda. En il magazin da cultura avant las vacanzas da stad lain nus dar in sguard pli exact sin intginas da questas occurrenzas. Forsa era ina u l'autra ivetta per Vus?

En la rubrica cun cudeschs per uffants preschentain nus il nov OSL «Campiuns da ballapei» che mussa las istorgias che stattan davos il success dals gronds stars. Weitere Themen: Ivettas da la stad culturala - part 1 - Ivettas da la stad culturala - part 2 - Tip persunal - Tips da cultura - Litteratura: il nov carnet OSL "Campiuns da ballapei"

Ils ultims trais onns ha l'actura lumneziana Angela Collenberg vivì, studegià e lavurà a Taiwan. En il Magazin da cultura raquinta ella da sias experientschas sco actura, ma era da l'emprender mandarin e da la vita a Taiwan.

Oriundamain è Angela Collenberg tgirunza, ma ella ha era fatg ina scola da musical a Turitg. Dapi onns ballantscha ella tranter quests dus mastergns. Era a Taiwan ha ella per l'ina lavurà sco actura, ma era anc fatg in master en il sectur da tgira.

En la rubrica litterara preschenta Esther Krättli il cudesch «Männer und Frauen – Verwurzelt in Graubünden» dad Elisabeth Bardill. Weitere Themen: Angela Collenberg – tgirunza ed actura - Angela Collenberg raquinta da ses 3 onns a Taiwan - Ils tips da cultura dals 16 da zercladur - Andrea Davina Deplazes – in’exposiziun sco lavur da matura

L'Unesco è in'instituziun internaziunala che protegia sin l'entir mund cuntradas e bajetgs valitads sco «unics» ed «autentics». Tranter ils passa 1'000 patrimonis mundials, sa chatta er la lingia da viafier da Tusaun a Tirano. Renconuschida è la lingia pervi da la lavur innovativa dals inschigners avant passa 100 onns e l'armonia da viafier e cuntrada muntagnarda.

Questa fin d'emna festivescha la Viafier retica il giubileum da 10 onns cun il label da l'Unesco. Nus avain discurrì cun il responsabel da la Viafier retica per l'Unesco, Roman Cathomas, e dumandà: Tge porscha il label a turists ed indigens – e tge porta el?

En la rubrica litterara preschentain nus «Arosa», il nov roman da Blanca Imboden, l'autura dal bestseller «Wandern ist doof». Weitere Themen: Part 1 - Part 2 - Tips da cultura - Tip persunal

In'istorgia plain aventuras cun eroxs e canagls ord la litteratura svizra. Quai è «Username Helvetia». La tribuna per raquintar questa istorgia è social media. Responsabla per l'istorgia, per filmins, fotografias, posts etc. è la schurnalista Sabrina Bundi. L'istorgia cumenza questa stad e po vegnir suandada sin plirs vecturs. Actualmain vegn registrà, filmà, fotografà e visità ils pli differents lieus en Svizra. Nus avain accumpagnà ella durant in di da registraziun. Weitere Themen: Tips da cultura - Tip persunal - Litteratura - Username Helvetia

Fabrizia Famos fa sculpturas da lain. La dunna da 43 onns ch'è oriunda da Ramosch stat dapi dus onns a Cuira. Il Magazin da cultura ha discurrì cun l'artista davart sia lavur, sia passiun per la litteratura e ses engaschi per la scena culturala en l'Engiadina Bassa. Nus dain dentant er in sguard vers il futur. Il schaner passà ha Fabrizia Famos numnadamain survegnì da la citad da Cuira in stipendi per ir a Cairo, quai a partir da l'avust per in mez onn. Cun tge spetgas parta l'artista per l'Egipta?

En la rubrica litterara preschenta Esther Krättli il cudesch per uffants «Gian e Giachen e la muntogna da las stailas crudantas». Weitere Themen: Fabrizia Famos e ses art - Fabrizia Famos parta per Cairo - Tips da cultura - Visita da casas historicas en il Grischun - Litteratura: Nov cudesch da «Gian e Giachen»

I tuna sco ina paraula: Qua in vitget paschaivel en las muntognas grischunas, là ina dunna bainstanta cun ina visiun. Grazyna Kulczyk, investura da la Pologna, realisescha a Susch en Engiadina Bassa in muzeum per art contemporan. Il plazzal da construcziun è amez Susch e duai transfurmar il vitg en in veritabel mecca per art e cultura, in mekka che resplenda lunsch sur ils cunfins grischuns or. Anc quest onn duai il center avrir sias portas. Il Magazin da cultura ha vulì savair: Tge è il plan da Grazyna Kulczyk per Susch? E daco ha ella insumma tschernì Susch per ses project? Weitere Themen: Il Muzeum Susch, part 1 - Il Muzeum Susch, part 2 - Tips da cultura - Tip persunal – giats che malegian

Quest onn po vegnir festegià a Soloturn il 40avel giubileum:

Dals 11 enfin ils 14 da matg sa preschentan 70 auturas ed auturs sco era translaturas e translaturs da tut las quatter regiuns linguisticas. En il center stattan las ediziuns novas, dentant era discurs sur da la politica, cultura, medias e societad. Il Magazin da cultura rapporta directamain da Soloturn e discurra era cun il professer da litteratura Manfred Koch sur da la dumonda pertge ch'i dat mo paucs bestsellers rumantschs. Weitere Themen: Tip persunal - Tips da cultura - Discurs cun Manfred Koch da la suprastanza da l'AdS

Quest onn pudess Benedetg Dolf festivar ses 100avel natalizi. Survegn sia musica avunda renconuschientscha? U stat l'ovra da Benedetg en la sumbriva da quella da ses bab Tumasch? E tgi era questa persuna, da la quala i dat sulettamain in'intervista en noss archiv da radio?

Per Luzius Hassler è Benedetg Dolf stà in mentur, quai sco musicist ma era sco uman. Ina giada en pensiun, è Hassler perquai sa mess a la lavur ed ha cumenzà a digitalisar l'ovra da Dolf, in project che n'è anc ditg betg a fin. Il Magazin da cultura discurra plinavant cun Ingrid Schütz Gasparini che vul intimar chors e furmaziuns instrumentalas da sunar dapli ovras da Benedetg Dolf en il futur.

En la rubrica litterara preschenta Clà Riatsch in original ord la litteratura rumantscha: Giacumbert Nau, il paster legendar da la Greina. Weitere Themen: Benedetg Dolf – la persuna - Benedetg Dolf – il cumponist - Intervista da Maria Cadruvi cun Benedetg Dolf (1981 - SRF) - Litteratura: Clà Riatsch davart la figura da Giacumbert Nau - Ils tips da cultura dals 5 da matg - Martina Hug preschenta ses album «Ich hab’ kein Heimatland»

Maurus Gauthier da Giuvaulta / Rothenbrunnen è sautunz da professiun. Dapi 5 onns sauta Gauthier en l'ensemble dal teater da Stuttgart. Normalmain è l'artist da 26 onns da vesair sin tribunas internaziunalas. Quest glindesdi però sa preschenta el a Cuira, quai a chaschun dal festival da saut «Steps». Il Magazin da cultura ha discurrì cun Maurus Gauthier sur da sia passiun ed er qual pregiudizi.

En la rubrica litterara preschenta Esther Krättli il nov OSL «Suenter la festa». Il cudeschet d'uffants declera quants dis ch'i va fin il proxim anniversari. Weitere Themen: Maurus Gauthier – sautunz passiunà - Il festival da saut «Steps» fa staziun a Cuira - Tips da cultura - Notg da films curts a Cuira - Litteratura: il nov OSL "Suenter la fiasta"

Architect, activist ed artist: Paucas persunas en il Grischun han influenzà l'architectura contemporana uschè fitg sco Peter Zumthor . Ils 26 d'avrigl festivescha l'architect ses 75avel anniversari. Tge muntada ha il giubilar per il Grischun – el che viva dapi 40 onns en il chantun? Il Magazin da cultura ha discurrì cun dus architects grischuns davart la relaziun da Peter Zumthor ed il Grischun. Plinavant preschentain nus trais bajetgs che l'architect da renum mundial ha realisà en il Grischun.

En la rubrica litterara preschenta Esther Krättli la publicaziun «Isch impfall wohr», istorgias plain umor e surpraisas da Flurin Caviezel. Weitere Themen: Peter Zumthor e sia relaziun cun il Grischun - Trais bajetgs da Peter Zumthor - Tips da cultura - Tip persunal: Benedetto Vigne e Tumasch è - Litteratura: «javascript:switchTab(7)Isch impfall wohr» da Flurin Caviezel