La bova da Piuro en Val Bregaglia vala sco ina da las grondas catastrofas en las Alps. Avant 400 onns è il Monte Conto sa derschì sur la citad da Piuro ed ha sutterrà var milli persunas. Al lieu datti oz mo pli paucs fastizs. Sulettamein ina chasa è sa mantegnida fin oz: il palazzo Vertemate. Il Magazin da cultura ha fatg ina visita a questa chasa.

En la segunda part da l'emissiun declera l'istoricher Jon Mathieu co che la tragedia da Piuro è vegnida documentada durant ils ultims tschientaners. La bova ha numnadamain adina puspè sveglià l'interess e la fantasia da numerus scrivents e cronists. Weitere Themen: Sin visita en il palazzo Vertemate - Facts e famas enturn la bova da Piuro - Tips da cultura - Il tip persunal: «Begegnungen» a Cuira - Litteratura: Clà Riatsch davart «Sco ün mudrüm» dad Andri Peer

«Amur senza fin» è l'emprim film da televisiun professiunal per rumantsch. Ina cumedia filmada l'atun passà a Sagogn.

Per ina giada pon ins vesair blers acturs rumantschs en in sulet film, in film che raquinta l'istoriga da Mona (Rebecca Indermaur) e Gieri (Bruno Cathomas) e lur lètg in pau sa durmentada. Da la partida èn era Muriel Degonda e Bono Jacomet. Per l'emprima giada han els pudì far ina rolla en in film, ina gronda experientscha per els. Co ch'els èn vegnids a lur rollas e co il temp da filmada e stà, da quai raquintan els en il magazin da cultura. Weitere Themen: «Amur senza fin» – impressiuns dal film e discurs cul reschissur Christoph Schaub - Bono Jacomet e Muriel Degonda sur da lur experientscha sco acturs - Tips da cultura - Tip persunal

Sa Martina Cadonau tut sur dad ella? Sto ella adina avair raschun? Tschertga il cletg ella en il fauss lieu? Durant l'entira stad sa preschenta il Magazin da cultura en in auter vestgì: persunalitads or dal mund da la cultura grischuna respundan a dumondas insolitas dal duo d'artists Peter Fischli & David Weiss. Questa sonda è l'ultima emissiun da la seria da stad cun Martina Cadonau che viva a Glion. Ella è stada ina da las confundaturas dal Cinema sil Plaz a Glion ed è responsabla dapi onns per il program da tribuna. In lieu cultural che funcziuna grazia a la lavur voluntaria da passa 70 persunas.

Cura perda Gianna Olinda Cadonau la controlla? Fiss ella ina buna policista? Vuless ella cumprar in'arma? E tge fa sia olma durant ch'ella lavura? Durant l'entira stad sa preschenta il Magazin da cultura en in auter vestgì: persunalitads or dal mund da la cultura grischuna respundan a dumondas insolitas dal duo d'artists Peter Fischli & David Weiss. Era questa sonda cuntinuescha la seria, quai cun Gianna Olinda Cadonau. La dunna da 35 onns è autura, promotura da cultura tar la Lia Rumantscha e co-manadra dal teater La Vouta a Lavin.

È Snook in stroli? Vesa el la terra sco ina spezia da mamma? Crai el che las olmas giajan magari a spass? Mangia el gugent dultsch? Ed ha el il sentiment che nus perdian zic a zic la controlla? Durant la stad sa preschenta il Magazin da cultura en in auter vestgì: persunalitads or dal mund da la cultura grischuna respundan a dumondas insolitas dal duo d'artists Peter Fischli & David Weiss. Questa sonda cuntinuescha la seria cun il rappunz Gino Clavuot, alias Snook.

Tge capita cun las emissiuns televisivas che jau n'hai betg guardà? Fiss jau ina buna policista? È il bel vi da la lavur, ch'ins n'ha betg pli temp? Durant la stad sa preschenta il «Magazin da cultura» en in nov vestgì: Persunalitads or dal mund da la cultura grischuna respundan a dumondas insolitas ord la publicaziun «Findet mich das Glück?» dal duo d'artists Peter Fischli & David Weiss. Il hosp da quest'emissiun: l'illustratura e musicista Madlaina Janett.

Èsi pli impurtant ch'i giaja bain al mund u ch'i giaja bain a mai? Less jau chavar ina fora? Ed insumma: Na pudess quai betg far insatgi auter per mai? Durant la stad sa preschenta il Magazin da cultura en in nov vestgì: Persunalitads or dal mund da la cultura grischuna respundan a dumondas insolitas or d'ina publicaziun dal duo d'artists Peter Fischli & David Weiss.

En quest'emissiun respunda il scenograf, dirigent e scolast da rumantsch Remo Arpagaus a dumondas sco «Pertge na vegn jau betg laschà en ruaus?» ubain «Duai jau cumprar in grond martè?».

Dumondas surprendentas chaschunan era respostas surprendentas. Durant la stad sa preschenta il Magazin da cultura en in nov vestgì: Persunalitads or dal mund da la cultura grischuna respundan a dumondas insolitas ord ina publicaziun dal duo d'artists Peter Fischli & David Weiss. En quest'emissiun respunda la chantadura e musicista Rilana Cadruvi Scherrer dumondas sco: «Duess jau chavar ina fora?» ubain «Èn ils carstgauns atgnamain fluras?».

Dumondas surprendentas chaschunan era respostas surprendentas. Durant la stad sa preschenta il Magazin da cultura en in nov vestgì: Persunalitads or dal mund da la cultura grischuna respundan a dumondas insolitas or d'ina publicaziun dal duo d'artists Peter Fischli & David Weiss.

En quest'emissiun respunda l'artista Yvonne Gienal a dumondas sco «fiss jau in bun policist?» ubain «Sai jau tut sur da mai?».

Ha Flurin Caviezel problems cun autoritads? È el musicalmain senza patria? Fora el gugent rusnas? E vuless el sgular cun in ballun enfin en India? Durant la stad sa preschenta il Magazin da cultura en in nov vestgì: persunalitads or dal mund da la cultura grischuna respundan a dumondas insolitas or d'ina publicaziun dal duo d'artists Peter Fischli & David Weiss.

Lantschada vegn questa seria da stad cun il musicist e cabarettist Flurin Caviezel.