Cun ses ensemble vocal INCANTANTI ha Christian Klucker gudagnà quest onn diversas medaglias d'aur a chaschun da concurrenzas da chant. Uschia ad Assisi en l'Italia, a Riga en Lettonia u era ad Aarau.Il «Magazin da cultura» discurra cun il dirigent sutsilvan davart quest onn dad aur e fa era ina visita a la STIMMWERKBANDE, ses chor d'uffants e giuvenils che sa prepara per in concert da Nadal.En la rubrica litterara preschenta Esther Krättli la revista da litteratura «Quarto» ch'è deditgada al tema «naiv».

Weitere Themen:

- L’onn dad aur dals Incantanti

- Visita a l’emprova da la Stimmwerkbande

- Ils tips da cultura dals 2 da december

- Tip persunal: Ai Weiwei da return en Svizra

- Litteratura: la revista Quarto "Scrit ... en la naiv"

A Turitg datti memia blers musicists da jazz per memia paucas tribunas. Perquai datti novas furmas da concertar – sco per exempel concerts en stiva. Era artists da la musica rumantscha ston esser creativs.Pascal Gamboni, Mario Pacchioli e Roland Vögtli raquintan, tge ch'i dovra per pudair sunar sco artist rumantsch. I na tanscha numnadamain betg d'avair avunda localitads per far concerts. I dovra era grond engaschi e talent organisatoric.

Weitere Themen:

- La scena da jazz giuvna da Turitg daventa creativa

- I dat avunda lieus per artists da sa preschentar

- Trais artists raquintan da lur experientschas

- ClauWau, Flurina Casty e Himmel aus Papier

- Tip persunal: Das Piano

- Litteratura:"Das Jahr ohne Sommer"

«Acavoce – goes christmas!» Instruments na datti betg tar els, persuenter sis vuschs ch'èn ablas da chantar ed imitar prest tut ils instruments.Per questa giada – chanzuns da Nadal. Il nov disc cumpact è battegià – la turnea po entschaiver. Nus avain visità Acavoce durant in exercizi ed inscuntrà ina furmaziun ch'exista dapi bainprest 20 onns – grazia a la buna chemia, a la professiunalitad e forsa era pervi da lur umor.En la rubrica cun cudeschs per uffants preschentain nus Üna schoppa per Zipf, listorgia dals nanins che van al martgà datun.

Weitere Themen:

- Acavoce part 1

- Acavoce part 2

- Tips da cultura

- Tip persunal

La Fundaziun grischuna per la fotografia lascha restaurar otg rollas da film dals onns 1920. L'onn 1913 è Gion Peter Casanova emigrà da Vrin a New York. In pèr onns pli tard è il giuven turnà ed ha filmà catastrofas da la natira e la vita e la lavur en Surselva. El era um da camera dad ina firma da producziun americana che fascheva revistas da film emnilas.Blers onns pli tard, l'onn 2006, ha Werner Haas da Bravuogn cumprà otg rollas da film al Gänggelimarkt da Cuira. Durant diesch onns ha el conservà las rollas ed avant curt las surdà a Pascal Werner da la Fundaziun grischuna per la fotografia. Ensemen cun in spezialist da l'istorgia dal film ha Werner fatg emprimas retschertgas davart las otg rollas da 35mm ch'èn ina sensaziun cinematografica. Ma deplorablamain èn las rollas da film en in fitg nausch stadi e ston vegnir restauradas.Emprims singuls maletgs mussan tranter auter la bova da Zignau dal 1927. Il Magazin da cultura rapporta da la truvaglia filmica e da lur muntada per l'ierta culturala dal Grischun.Hitaparada litteraraEn la rubrica litterara preschenta Clà Riatsch ses top ten litterars: scenas, motivs e figuras or da cudeschs che stattan a cor ad el. Questa sonda «Perdunanza gronda a Trantertemp» da Beni Vigne, ina transfiguraziun grotesca dals rituals da «pardanonza».

Weitere Themen:

- Litteratura: «Perdunanza gronda a Trantertemp» da Benedetto Vigne

- Ils tips da cultura

- Tip persunal (Sonda lunga)

- Las rollas da film dal Mr. Casanova

- Mr. Casanova - to be continued

Il Magazin da cultura emetta directamain dals 27avels Dis da litteratura.Ils Dis da litteratura stattan questa giada sut il motto gieus. Quant ludica, quant giughentada po litteratura insumma esser? Tge è lubì e co pon ins giugar cun pleds? Als Dis da litteratura discutain nus live cun Göri Klainguti, Jürg Gautschi e Claudio Spescha davart quest tema ed els raquintan da lur experientschas.Cun la novella «La chastlauna» giain nus enavos en il temp da la refurmaziun ed emprendain d'enconuscher Giorgia, ina dunna ferma ed emancipada.

Weitere Themen:

- Discurs cun Mevina Puorger davart «La chastlauna» da Selina Chönz

- Tips da cultura – direct dals dis da litteratura

- Discussiun davart gieus da pleds e lavurar cun bustabs e lettras

L'uschè numnà «Bildersturm» è stà in fenomen secundar da la refurmaziun dal 16avel tschientaner.Maletgs e sculpturas èn vegnids allontanads, uschia era da la baselgia a Lavin. Avant 60 onns èn ils frescos puspè vegnids scuvrids. Cun il reverenda Christoph Reutlinger visitain nus questa baselgia. Leza Dosch, istoricher d'art, declera tge che quai ha muntà per l'entir martgà d'art.Nus preschentain la revista «Litteratura» e dain in sguard sin il program dals 27avels Dis da litteratura a Domat.

Weitere Themen:

- Tips da cultura

- Cul reverenda Christoph Reutlinger en la baselgia a Lavin

- Tip persunal Dis da film mundial Tusaun

- Leza Dosch sur dil temp da la iconoclastica

- Litteratura: la revista "Litteratura 36"

Durant quatter decennis ha Walter Lietha manà ses «Narrenschiff», in antiquariat e lieu d'inscunter en la citad veglia da Cuira. Cun 67 onns sa lantscha el ussa en ina nov'aventura che al maina a Trin.Rimnar ils stgazisDurant sia uffanza ha Walter Lietha observà co ch'adina dapli cudeschs vegnivan bittads davent. Insatgi stuess bain cumenzar a rimnar quests stgazis, ha el pensà ed è daventà antiquar. Il «Magazin da cultura» ha fatg visita a Walter Lietha e discurrì cun el da sia amur per cudeschs ed art e da sias motivaziuns per collecziunar millis cudeschs. Plinavant tradescha quest cumpogn universal intginas ideas ch'el ha per ses «refugi» a Trin.En la rubrica deditgada a la litteratura preschenta Esther Krättli «Erich Wyss übt den freien Fall» da Tim Krohn, il segund tom da la seria da romans davart emoziuns umanas, in project gigantic da l'autur che viva en la Val Müstair.

Weitere Themen:

- Walter Lietha davart sia passiun per cudeschs e lavur d'antiquar

- Walter Lietha davart ideas e giavischs per ses futur a Trin

- Tip persunal «Eduard Lombriser pudess festivar ses 100avel»

- Tips da cultura

- Litteratura: «Erich Wyss übt den freien Fall» da Tim Krohn

Per il project REMAS ha Mario Pacchioli mess en musica poesias rumantschas per chant ed orchester sinfonic.Muoth, Tuor, Camathias: Lur nums stattan per la poesia sursilvana. Mario Pacchioli ha scrit arranschaments per orchester sinfonic e clavazin per 18 poesias sursilvanas. Sias cumposiziuns èn influenzadas da la chanson franzosa e da la canzone taliana e dattan in nov vestgì a las poesias rumantschas.Cudesch cun poesiasDasper las chanzuns porscha il project REMAS er in cudesch cun las poesias en versiun originala ed en translaziun tudestga e franzosa e concerts cun la Kammerphilharmonie Grischun. Il project ha en mira la coesiun naziunala, stat sut il patrunadi da las regenzas dal chantun Grischun e Friburg e vegn sustegnì da Radiotelevisiun Svizra Rumantscha, da la Lia Rumantscha e dad auters.En il «Magazin da cultura» discurra Mario Pacchioli l'emprima giada da REMAS e preschenta l'in u l'auter schatg dal nov disc cumpact.En la rubrica litterara dain nus questa sonda in sguard sin la pli gronda fiera da cudeschs dal mund. Claudio Spescha rapporta live da la 69avla Frankfurter Buchmesse.

Weitere Themen:

- Frankfurter Buchmesse – la pli gronda fiera da cudeschs dal mund

- Tips da cultura

- Tip persunal «Das Buch»

- REMAS – l'idea

- REMAS – in pèr schatgs

La gruppa da teater Muntanellas ha preschentà ses pli nov toc: «Liebe Lust und Schokoküsse» – ina producziun cun provocaziun gartegiada.Il toc da las Muntanellas è ina sort collascha che pretenda attenziun dal visitader ma ch'è era ina sfida per ils acturs. Il «Magazin da cultura» è stà ad ina preschentaziun e dat in resun.En il Magazin da cultura raquinta era Mirco Baselgia da ses temp ch'el ha passentà a Peking. L'artist ha pudì profitar durant il segiurn da novas enconuschientschas e dad invistas en novs materials artistics.En la rubrica litteratura preschenta Clà Riatsch ses top ten litterars. Scenas, motivs e figuras or da cudeschs che stattan a cor ad el. Questa giada preschenta el il surchombras sco lieu poetic, il palantschin dad Andri Peer.

Weitere Themen:

- Litteratura: Il palantschin dad Andri Peer sco lieu poetic

- Tip persunal «Crappa»

- Resun sin «Liebe Lust und Schokoküsse» da las Muntanellas

- Tips da cultura

- L'artist Mirko Baselgia raquinta da Peking

Tenor il perscrutader da l'architectura purila Diego Giovanoli èsi giustifitgà da midar aclas en abitaziuns.Diego Giovanoli (79) ha lavurà blers onns tar la tgira da monuments e scrit avant radund 15 onns in'ovra da basa davart l'architectura da las aclas ed alps grischunas. Questa sonda raquinta el en il Magazin da cultura da las differenzas regiunalas da las aclas grischunas, da portas-clavà e da purs che durmivan ensemen cun las vatgas.A Giovanoli plascha l'estetica dad aclas che van en muschna e medemamain na vesa el betg in problem, sche clavads d'acla betg pli duvrads vegnan transfurmads en abitaziuns da vacanzas. Spinus èn tenor el, sulet ils detagls da questas transfurmaziuns.Betg ad acla, mabain en las giassas da Cuira ans maina Esther Krättli cun il tip da litteratura dal mais. La redactura da litteratura preschenta «Legendäres Chur», in gir cun 100 legendas tras la chapitala grischuna.

Weitere Themen:

- Tips da cultura

- Tip persunal – Lefzas petras

- Aclas – resumaziun da la discussiun politica

- Diego Giovanoli e las aclas

- Litteratura: «Legendäres Chur» da Silvio Hosang