Il Magazin da cultura accumpogna il 10avel Festival da jazz a San Murezzan.Durant la segunda emna dal Festival da jazz a San Murezzan concerteschan artists sco Michel Legrand, John Pizzarelli, Lee Ritenour & Davel Grusin ubain il giuven musicist e multi-instrumentalist James Gruntz. Il Magazin da cultura dat in'impressiun auditiva en vista als concerts da la segunda emna.

Motiv per festegiar – e nus dal Magazin da cultura festegiain cun els.Entaifer 10 onns èn blers dals gronds da la musica da jazz sa preschentads a San Murezzan. En il Magazin da cultura udin nus els, ils gronds nums sco Chick Corea, Herbie Hancock, Al di Meola e blers auters. In'ura plaina cun jazz e quai mintg'emna durant la stad.

In tgit sin ils virivaris enturn l'(ex)directur dal Museum d'art Stephan Kunz.Degradaziun, demonstraziun e confusiun. Cun quests trais pleds pudess ins descriver ils virivaris suenter la degradaziun dal directur dal Museum d'art dal Grischun Stephan Kunz entras l'Uffizi da cultura ed il cusseglier guvernativ Martin Jäger. Il Magazin da cultura dat in sguard sin ils schabetgs da l'emna passada chattond parolas sindicalisticas dad in politicher da la dretga ed in chantautur sanester che giavischa in cusseglier guvernativ burgais.Betg in virivari, mabain la verva da Sched è l'auter tema da questa sonda: Nus rapportain da Sched, nua ch'il lexicograf Gion Tscharner preschenta ses cudesch «Sched a seu lungetg».Ed en la rubrica litterara preschenta Esther Krättli la nova collecziun da poesias da Dumenic Andry cun il titel «sablun».

Weitere Themen:

- Ils tips da cultura

- Tip persunal: Nova platta da Schtärneföifi

- Links

- Resumaziun e citats da la «Causa Kunz»

- «Sched a seu lungetg»

- Litteratura: «sablun», novas poesias da Dumenic Andry

La nova publicaziun dal graficher Donat Caduff sa numna «Das Hyperdorf» e cumpiglia fotografias, citats e ponderaziuns davart il svilup da vitgs en il Grischun.Per quest project d'art ha Donat Caduff prendì sut la marella ils vitgs da Guarda, Samignun e l'Outlet a Landquart. È tut in zic exagerà en quests vitgs? Da las surbajegiadas tar l'illusiun d'autenticitad ed il sa referir a ragischs daditg persas?Era en la rubrica litterara vai per architectura: Esther Krättli preschenta «Holzschopf und Betonklotz», in cudesch da Köbi Gantenbein davart l'architectura en Grischun.

Weitere Themen:

- Ils tips da cultura dals 17 da zercladur

- Tip persunal: «Art viva in stüvas veglias»

- Tgi è Donat Caduff, l’autur dal cudesch «Das Hyperdorf»?

- «Das Hyperdorf»

- Litteratura: "Holzschopf und Betonklotz" da Köbi Gantenbein

L'emna proxima retschaiva l'autura Leta Semadeni il premi da cultura dal Grischun per sia ovra da vita.Tge èn las caracteristicas da quest'ovra? Pertge pomai inscuntrain nus adina puspè animals en l'ovra da Semadeni? E co ha la poetessa reagì, sch'i vegniva ditg ad ella ch'ins na chapeschia betg tge ch'ella veglia dir en sia lirica?En la rubrica litterara preschenta il «Magazin da cultura» lura «Lina e Linard», ina veglia paraula rumantscha che cumpara uss en in vestgì nov.

Weitere Themen:

- Ils tips da cultura dals 10 da zercladur

- Leta Semadeni retschaiva il premi da cultura grischun

- Ils tips da cultura dals 10 da zercladur

- Il Salon Bruch Stein – in local da cultura provisoric

- Litteratura: "Lina e Linard", ina veglia paraula engiadinaisa

Social media porscha pussaivladads infinitas, era per la cultura. Dentant, tge fa senn e cura daventa mintga post in memia bler?L'autura Romana Ganzoni è pulit activa sin social media. Ella declera tge che funcziuna per ella e nua ch'ella lascha pli gugent la detta. Era Gianna Olinda Cadonau dovra social media per sia lavur da mintgadi, numnadamain dintermediar cultura. Co far per insumma vegnir vesì?En la rubrica litterara s'occupa Clà Riatsch dals dubis da scrivents rumantschs che sa dumondan, schebain lur cudeschs vegnian insumma legids.

Weitere Themen:

- Litteratura: Clà Riatsch davart «Il di dal cudesch patagon»

- Tip persunal

- Tips da cultura

- Gianna Olinda Cadonau - managera da cultura davart medias socialas

- L'autura Romana Ganzoni dovra bler las medias socialas per sia lavur

Ursina Lardi vegn onurada cun il pli impurtant premi da teater svizzer.Avant trais onns ha Ursina Lardi survegnì il Premi da film svizzer. Quest'emna è l'actura grischuna vegnida premiada cun il Grand Prix Teater / Anè Hans Reinhart. Tge è la differenza tranter survegnir in premi per sia lavur da teater e per sia lavur en il film? – Questa ed autras dumondas fa il Magazin da cultura ad Ursina Lardi e dat er in sguard enavos sin la sia carriera che ha entschet l'onn 1979 sin in mantun sablun amez Samedan.Betg in mantun sablun, mabain ina pluna da cudeschs datti questa fin d'emna als Dis da litteratura da Soloturn. Tge èn ils bestsellers da quest onn e tge ils tips secrets? Esther Krättli rapporta en lingia directa da Soloturn.

Weitere Themen:

- Tips da cultura

- Tip persunal (LAC)

- Premi per Ursina Lardi

- Litteratura: Discurs cun Flurin Jecker davart ses cudesch «Lanz»

Chasper Po duai avair ditg ina giada da Men Rauch: «El n'è betg mo in Men, el è in fenoMen!»Men Rauch (1888-1958) era in cumpogn universal. Emprendì aveva el d'inschigner ed inschignus era el en da tuttas sorts: en scriver chanzuns e poesias, en satira e teater, en lavur schurnalistica ed engaschi per il mantegniment da la cultura.Il «Magazin da cultura» discurra cun Men Steiner ch'è sa fatschentà da radent cun ses omonim ed il relasch musical da quel.En la rubrica litterara sa fatschenta Esther Krättli cun la nov'ediziun dal «Vierv ladin».

Weitere Themen:

- Men Rauch – la persuna

- Men Rauch – las chanzuns

- Co Men Rauch ha chattà ina splauna engiadinaisa a Turitg

- Ils tips da cultura dals 20 da matg

- Il film “Cun palutta e furtga – il project Rebecca Clopath”

- Discurs cun Mevina Puorger davart il nov "Vierv ladin"

Vegn il potenzial dals trens istorics dal Grischun nizzegià?Duas locomotivas ed indesch chars ha il Club 1889 restaurà ils ultims 20 onns. En millis dad uras da lavur voluntaria provan ils commembers dal club da mantegnair ils trens istorics da la Viafier retica. Ma ils fans dal passà han er ina visiun per l'avegnir: Viadis cun trens nostalgics duessan daventar ina purschida turistica per in public pli vast. Co duess quai ir? Tge è la motivaziun dals commembers dal club? E co insumma restaureschan ins in char da viafier vegliander?En la rubrica litteratura preschenta Esther Krättli «Die Schweiz unter Tag» da Jost auf der Maur, in cudesch cun istorgias davart la Svizra sutterana: tunnels lunghischems e fortezzas misteriusas.

Weitere Themen:

- Tips da cultura

- Tip persunal - L'espulsione

- Da visita tar il Club 1889 en il depot Samedan

- Intervista cun Fredy Pfister (versiun lunga)

- Litteratura: "Die Schweiz unter Tag" da Jost Auf der Maur

Hanspeter Lebrument e Johannes Flury prendan posiziun tar quai ch'è vegnì scrit e ditg il davos temp da La Quotidiana.Las davosas emnas è vegnì scrit e ditg bler davart l'avegnir ubain la fin da la gasetta La Quotidiana. L'editur Hanspeter Lebrument ed il president da la Lia Rumantscha Johannes Flury prendan posiziun e commenteschan las differentas propostas e reproschas.En la rubrica litterara preschenta Clà Riatsch ses top ten litterars: scenas, motivs e figuras or da cudeschs che stattan a cor ad el. Questa giada vai per la lingua uffiziala che fa savens surrir en cudeschs rumantschs.

Weitere Themen:

- Litteratura: Clà Riatsch davart la lingua uffiziala tar Cla Biert

- Tips da cultura

- Tip persunal - Radio BBC6

- Intervista cun Johannes Flury

- La critica da Hanspeter Lebrument