Tgenin d'els decida il fil cotschen dal program? E co pomai funcziuna la tschertga da novas scenas ed istorgias tar els trais?Ditg e lung esi stà ruassaivel per ils cabaretists da DaMa&co. Il matg preschentan els lur nov program «Gala da giubileum». Nus avain visità David Flepp, Marcus Brunner e Conradin Klaiss durant in'emprova. Avant prest in onn han els cumenzà cun las ponderaziuns per il nov program – in pau caotic esi magari era stà.Esther Krättli preschenta en la litteratura: « ... dann begann die andere Geschichte», in cudesch cun istorgias da 27 persunas ch'han passentà insatge che ha midà cumplettamain lur vita.

Weitere Themen:

- Tips da cultura

- Tip persunal

- Ils cabaretists da DaMa&co

- Litteratura: "...dann begann die andere Geschichte"

Resumar curt nua, cun tgi e daco che Andi Schnoz fa musica – quai na va betg.El vegn savens ed adina puspè en acziun sco scolast da musica, mussa ils accords sin la ghitarra, dat lecziuns da musica a la scola da talents a Cuira u procura che plirs giuvens e giuvnas mettan en pe ina band e sa preschentan, sco actualmain cun «Kanti-s-wings goes Floyd». Lura è el il mentur, motivatur e scolast. Fitg savens è Andi Schnoz dentant era sez sin tribuna – e quai cun bleras e differentas furmaziuns. «Musica ha savens era da far cun chaussas ch‘ ins na sa betg declerar» – quai saja in dals motivs dad insumma far musica, di Schnoz vinavant.En la rubrica da la litteratura preschenta Esther Krättli la pli nova ovra da l'autur sursilvan Theo Candinas che raquinta da duas famiglias da l'Alsazia en las duas guerras mundialas.

Weitere Themen:

- Tip persunal

- Tips da cultura

- Andi Schnoz – musicist, mentur, motivatur e scolast

- Litteratura: "Ina famiglia d'Alsazia en duas uiaras mundialas"

Gia sco pitschen buob sa laschava Gion Giusep Derungs (*1932) inspirar dals chants da baselgia e da chors ed empruvava da scriver atgnas cumposiziuns.A chaschun da ses 85avel natalizi discurra il Magazin da cultura cun il musicist. El tradescha, che cumponer saja era anc oz basegn, plaschair, lavur e misteri enina.En la rubrica litterara sfeglia Esther Krättli en «Adina puspei», in cudesch da Gion Battesta Spescha. Las poesias da quest cudesch raquintan da chaussas en la vita che sa repetan e ch'èn tuttina adina autras.

Weitere Themen:

- Gion Giusep Derungs davart il cumponer

- Ils tips da cultura

- Echotopos – a la tschertga dal eco

- Litteratura: "Adina puspei", poesias da Gion Battesta Spescha

Dus artists surmirans èn tema en il Magazin da cultura: Mirko Baselgia e Ludwig Demarmels.Mirko Baselgia è in dals giuvens ed enconuschents artists grischuns. Sias ovras èn ina cumbinaziun dad art e natira - la natira ina resursa impurtanta per el. La stad passada ha el vivì e lavurà en la claustra Schöntal, il mument stat el a Casti e proximamain parta el per la China. Tge muntada han quests lieus per sia lavur, e tge spetga el da la dimora en China?Ed er in'auter artist surmiran è tema en il Magazin da cultura da questa sonda: Quest onn avess Ludwig Demarmels 100 onns. Il pictur e sculptur che steva a Romanshorn è er gia vegnì numnà in artist modern conservativ ed ha stgaffì radund 1'600 ovras. Ina pitschna schelta da quellas è da vesair en in nov cudesch d'art che mussa bain las differentas fassettas da Demarmels.Betg cun in cudesch d'art, mabain cun in crimi vegn Esther Krättli en il studio: Nossa redactura da litteratura preschenta questa giada il cas misterius «Tod am Silsersee» da Duri Rungger.

Weitere Themen:

- Mirko Baselgia va a Peking

- Nov cudesch sur da Ludwig Demarmels

- Tip persunal - gasettas da las baselgias

- Ils tips da cultura

- Litteratura: «Tod am Silsersee» da Duri Rungger

Metter insatgi en l'avrigl, para mintg'onn ina nova sfida.Per il solit ston ins esser attent da betg sez daventar il nar d'avrigl. Tge pon ins insumma crair quest prim d'avrigl e tge èn simplamain mo pulaccas? E daco fan ins insumma quai?Ina uschenumnada «sfifla» u «Ente» pon ins leger mintg'onn en las gasettas ed era RTR na manchenta betg da raquintar tschagulas d'avrigl. Martina Fehr, Gian Ramming, Luzi Bürkli e Martin Cabalzar raquintan daco ch'els fan insumma part a questa tradiziun e co els elegian sco chauredacturs lur istorgias per gasettas, radio e televisiun.En la litteratura preschenta Clà Riatsch ses top ten litterar: scenas, motivs e figuras or da cudeschs che al stattan a cor. Oz è quai ina poesia da Lothar Deplazes che tematisescha la luschaina e sentiments negativs.

Weitere Themen:

- Martina Fehr, Luzi Bürkli, Martin Cabalzar e Gian Ramming

- Asen, asen - port'avrigl - ma daco propi?

- Tip persunal

- Tips da cultura

- Litteratura: Clà Riatsch davart ina poesia da Lothar Deplazes

Dapi passa 20 onns èn Dodo Hug ed Efisio Contini partenaris sin e dasper la tribuna. En il magazin da cultura discurran els da schanzas e sfidas sch'ins cumparta tant vita professiunala sco er vita privata.Per in'autra furma da collavuraziun vai en ina segunda part dal magazin da cultura: Georg Jäger preschenta in'occurrenza ch'ha lieu ils 31 da mars e che duai dar impuls per colliar pli fermamain turissem e cultura.En la rubrica deditgada a la litteratura sfeglia Esther Krättli en novas publicaziuns rumantschas.

Weitere Themen:

- Georg Jäger davart l’emprim “Forum per turissem cultural”

- Ils tips da cultura dals 25 da mars

- „One Day Portray“ – il tip persunal dals 25 da mars

- Dodo Hug ed Efisio Contini – colliar art ed amur

- Litteratura: Novs cudeschs per uffants

A chaschun da l'occurrenza da giubileum dumandainsa tge che las midadas en il mund da las medias munta per La Quotidiana e l'Agentura da novitads rumantscha (ANR).Venderdi, ils 17 da mars festiveschan l'Agentura da novitads rumantscha (ANR) e La Quotidiana (LQ) lur 20avel onn d'existenza. Il Magazin da cultura rapporta cun suns e tuns e vul savair da Martin Cabalzar (LQ) e Martin Gabriel (ANR) co ch'i stat tar els cun la digitalisaziun, e tge ch'els pensan dad ina collavuraziun pli stretga da las medias rumantschas.E la rubrica litterara ans maina Esther Krättli en il «Granada Grischun», la nova collecziun cun raquints da Romana Ganzoni, publitgada tar Rotpunkt.

Weitere Themen:

- Ils tips da cultura

- Tip persunal - Trainspotting 2

- In sguard en l'avegnir da ANR e LQ

- Litteratura: "Granada Grischun" da Romana Ganzoni

Questa fin d'emna è a Cuira la 5avla occurrenza internaziunala da litteratura.Quella sa deditgescha a la translaziun aifer las quatter linguas naziunalas svizras ed ina lingua ospitanta. Il magazin da cultura è directamain en il lieu e discuta cun Isabelle Vonlanthen da la cumissiun dal program, sco era cun Camille Luscher che ha era gia translatà ovras d'Arno Camenisch per franzos.En la rubrica litterara preschenta Esther Krättli la collecziun da poesias «Lorizi/La tempête» da la giuvna Engiadinaisa Jessica Zuan che lavura sco translatura a Barcelona e sa mova cun levezza tranter las linguas.

Weitere Themen:

- Ils tips da cultura dals 11 da mars

- Tip persunal dad Esther Berther

- Litteratura: "L'orizi/La tempête" da Jessica Zuan

Questa stad preschenta la Schlossoper Haldenstein 'Die Entführung aus dem Serail' da Wolfgang Amadeus Mozart. Ils castings, quels han lieu ils 3 fin 5 da mars.Bun 80 chantaduras e chantadurs cumbattan per las tschintg rollas en l'opera. Ina da las participantas dal casting è Quirina Lechmann. Il Magazin da cultura discurra cun la giuvna da sias preparaziuns per il casting e da l'impurtanza da quel.En la rubrica litterara sa fatschenta Clà Riatsch cun ina poesia da Gian Fadri Caderas che raquinta da temps nua ch'i na deva anc nagin schampagn en Engiadin'Ota.

Weitere Themen:

- Quirina Lechmann vul sa participar a l’opera a Haldenstein

- Ils tips da cultura dals 4 da mars

- Il tip persunal: 3 films cun figuras principalas femininas

- Litteratura: Clà Riatsch davart nozzas e schampagn

- Astrid Alexandre davart il casting per l'opera a Haldenstein

Il Festival Cultural Origen exista bain dapi 13 onns, ma pir dapi dus onns porscha el in program sur l'entir onn e betg mo durant la stad.Il Magazin da cultura fa visita a Riom e discurra cun Giovanni Netzer davart ses program d'enviern che va a fin en paucas emnas, da la «Clavadeira» renovada, la famiglia Carisch, la «Trilogia da Riom» e dals plans per l'avegnir d'Origen.En la rubrica deditgada a la litteratura preschenta Esther Krättli la publicaziun «Herr Brechbühl sucht eine Katze» da Tim Krohn.

Weitere Themen:

- La segunda stagiun d’enviern d’Origen è prest a fin

- Ils tips da cultura dals 25 da favrer

- «Searching for Sugarman»

- Discurs davart la proxima stagiun d'Origen

- Litteratura: «Herr Brechbühl sucht eine Katze» da Tim Krohn