DuAs artistAs raquintan davart la necessitad ed il privilegi dad esser savens da viadi, e l'orchester da dunnas giuvnas da l'Afganistan «Zohra» sa preschenta cun tuns e suns.Sara Francesa Hermann è da preschent sin turnea cun Mummenschanz e Remo Arpagaus è pendulà il davos mais tranter Turitg, Cuira e Vienna. È l'esser da viadi per l'actura e per il scenograf in stuair u schizunt in privilegi?Da viadi èn stadas las davosas emnas er las commembras da Zohra, l'emprim e sulet orchester da dunnas e mattas da l'Afganistan. Il Magazin da cultura preschenta suns e tuns e la missiun da l'orchester or da la terra en crisa.E datti vairamain draguns? - Clà Riatsch preschenta quest onn sia parada da hits litterara: scenas, motivs e figuras or da cudeschs che stattan a cor ad el. L'entschatta fa el cun ils draguns ch'existan anc adina.

Weitere Themen:

- Ils tips da cultura

- Tip persunal - novs portals culturals dal Grischun

- «Zohra» - orchester da dunnas e mattas da l'Afganistan

- Vita d'artist - vita da nomad?

- novs portals culturals dal Grischun

- novs portals culturals dal Grischun

- novs portals culturals dal Grischun

- turnea da Mummenschanz

- Theater an der Wien

- Litteratura: Clà Riatsch davart ils draguns

Tge sa mida sche vitgs sa svidan zic a zic? Tge capita sche las structuras che tegnevan ensemen la cuminanza n'existan betg pli? Tge influenza han fusiuns sin l'identitad dal singul?Cun talas dumondas sa fatschenta il teater 'Der Dorfladen'. L'autur Tim Krohn ha scrit quest toc, sa basond sin intervistas fatgas cun diversas persunas pertutgadas da fusiuns. Il Magazin da cultura ha visità in'emprova e discurrì cun l'iniziant e reschissur Roman Weishaupt.En la seria davart ils chalenders rumantschs sfegliain nus en la 'Revista digl noss Sulom'.

Weitere Themen:

- Co ina fusiun da vischnancas po manar ad in toc teater

- Durant in’emprova dal toc “Der Dorfladen”

- Ils tips da cultura

- Il tip persunal – Men Rauch

- Litteratura: "Revista digl noss Sulom"

Nus giain a la premiera dal film «Unerhört Jenisch» nua che Stephan Eicher è sin ils fastizs da sias ragischs – e quels mainan el en il Grischun - cun impressiuns e discurs directamain da Soloturn. Lura essan nus a la preschentaziun dal film «Zaunkönig - Tagebuch einer Freundschaft», in film dad Ivo Zen. En la seria davart ils chalenders rumantschs sfegliain nus en il «Chalender Ladin».

Weitere Themen:

- Tips da cultura

- La premiera dal film "unerhört jenisch"

- Litteratura: "Chalender ladin 2017"

Tranter las duas guerras mundialas è Turitg stà in center dal ländler e la citad ha rendì enconuschent quest stil da musica en l'entira Svizra. Il ländler empermetteva sairadas da festa e mund idillic en la hectica da la citad. E gia en il 19avel tschientaner avevan ils citadins da Turitg affecziuns per chaussas che vegnivan – u parevan da vegnir – or da las parts ruralas ed alpinas da la Svizra. Ma er da preschent marscha insatge puncto ländler e musica populara en la citad da Turitg. En quest Magazin da cultura preschenta Corin Curschellas «Volksmusig im Volkshuus», ina nova seria da concerts e bals da musica populara actuala. E Madlaina Janett raquinta da l'istorgia dal ländler a Turitg che è er in pau in citadin.En la rubrica litterara sfegliainsa ensemen cun Esther Krättli en il «Calender romontsch».

Weitere Themen:

- «Volksmusig im Volkshuus» - musica populara actuala a Turitg

- Pertge ch'il ländler è er in pau in citadin da Turitg

- Ils tips da cultura

- Litteratura: «Calender romontsch 2017»

Blers enconuschan Marina Lutz (*1988) sco caricaturista che mussa regularmain cun il det sin schabetgs politics ed absurditads dal mintgadi. Ma la giuvna, oriunda da Rabius, creescha era quai ch'ella numna sias «ovras artisticas».Il mument expona Marina Lutz sias caricaturas a Berna e sias ovras artisticas a Cuira – chaschun per il Magazin da cultura da discurrer cun ella da questas duas fassettas da ses esser.En la seria davart ils chalenders rumantschs sfeglia Esther Krättli en il «Calender per mintga gi».

Weitere Themen:

- Marina Lutz e sias caricaturas

- Marina Lutz e ses art

- Radiogarden – ina pagina cun radios da l’entir mund

- Ils tips da cultura dals 7 da schaner 2017

- Litteratura: "Calender per mintga gi 2017"

Il Magazin da cultura guarda enavos sin in 2016 plain culturaCo vesi ussa propi ora cun la nova lescha da cultura preschentada quest onn? Tge succeda en noss chantun per la promoziun da giuvens talents en il sectur cultural? E co tuna la musica rumantscha dal 2016?Bler è capità – dals 70 onns da «la vespa» sur ils 100 onns «Dada» enfin tar l'avertura dal nov Museum d'art grischun.

Co tuna Nadal en la musica da pop?Els ans spetgan dapertut; ils hits da Nadal sco White Christmas, Jingle Bells u We wish you a merry Christmas.Cun Benedetto Vigne, schurnalist e redactur da musica, metta il Magazin da cultura ensemen las ingredienzas necessarias per crear ina chanzun da pop da Nadal cun potenzial da hit.En la rubrica litterara preschenta Clà Riatsch la poesia «Return» dad Alexander Lozza, ina poesia che discurra da la fradaglia da l'ester e da la privadientscha da la stiva chauda.

Weitere Themen:

- Tge dovri en ina chanzun da pop da Nadal?

- Aud’ins en il pop propi adina las medemas chanzuns da Nadal?

- A Graz sa chatta in “Büro für Weihnachtslieder”

- Tips da cultura dals 24 da december

- Litteratura: Poesia dal mais "Return" da P. Alexander Lozza

Gia per la quarta giada datti il «Zauberwald» da Lai. Avant e durant las festas da Nadal pon ins chattar en quest guaud installaziuns da glisch da differentAs artistAs, concerts per gronds e pitschens ed ina fiera da Nadal inclusiv vin chaud. Il Magazin da cultura va a guaud e sa dumonda: Kitsch turistic ubain art contemplativ?A Glion avra questa fin d'emna l'exposiziun «Amicezia» dal fotograf Jaromir Kreiliger. Si'emprima exposiziun singula deditgescha Jaromir Kreiliger (1991) a la Surselva, sia patria.En la rubrica litterara preschentain nus «Larschs as dan il man», l'emprima collecziun da poesias da Tina Planta-Vital. Lirica che dat perditga da la stretga relaziun che l'autura ha cun la natira ed il mund mitic.

Weitere Themen:

- Jaromir Kreiliger expona a Glion

- Tip persunal - Rio Reiser

- Ils tips da cultura

- Il guaud magic da Lai: kitsch u art?

- Litteratura: «Larschs as dan il man» da Tina Planta-Vital

Sia fatscha traglischa, cura ch'ella raquinta sur dal chant e la musica. Flavia Walder na s'engascha betg sulet sco scolasta da chant per in'instrucziun variada, mabain era sco dirigenta e chantadura. Ella è il tip che sa metter en moviment novs projects. E quai fa ella adina puspè. Oravant tut sch'i va per il chant cun uffants, giuvens e giuvnas. Il chant e la musica èn sia professiun, dentant era ina gronda part da sia vita privata. Il Magazin da cultura ha visità Flavia Walder per emprender d'enconuscher quella dunna che para d'avair energia senza fin.Cun il literatip dal mais giain nus cun Benedetto Vigne en il Giapun e scuvrin il mund fascinant dals haikus.Redacziun: Esther Berther

Weitere Themen:

- Tips da cultura

- Tip persunal «Festival humor Arosa»

- Flavia Walder – cun chant e musica tras la vita

- Litteratura: "Diari giapunais" da Benedetto Vigne

Il nov «Cudesch da Schons», ina nova seria da prelecziuns ed ils dus bucs da cult Gian e Giachen che vegnan spaventads dad ina lieur.Suenter ch'il «Cudasch da Schons» dal 1958 è vegnì edì pliras giadas, datti ussa in nov «Cudesch da Schons». Per la gruppa redacziunala segnan Jürg Simonett, Johann Clopath e Christian Joos. Il Magazin da cultura numna l'in u l'autra ivetta dal cudesch e vul savair: Tge fa il nov da nov?Massa cudeschs sa chattan en las bibliotecas grischunas. Cun «Sprachdach – am Nachmittag» dat la biblioteca da la citad da Cuira ad auturas ed auturs grischuns ussa la pussaivladad da preleger durant il temp d'avertura da la biblioteca. Nus visitain l'emprima prelecziun cun la scriptura Elisabeth Mascheroni.E nossa redactura da litteratura Esther Krättli preschenta questa sonda il cudesch d'uffants «Gian e Giachen», ils dus bucs da cult che vegnan spaventads terriblamain da la lieur alva Vincenz.Redacziun : Rafael Müller

Weitere Themen:

- Il nov Cudesch da Schons

- Ils tips da cultura

- Prelecziun il suentermezdi

- Il tip persunal: Chalender d'advent teatral a Cuira

- Nova litteratura per uffants «Gian e Giachen»