Auturs ed auturas raquintan da lur temas, lur tschernas preferidas per cudeschs e texts.«Jau scriv sur da quai che jau hai vivì u resentì sco insatge particular» quai di il poet Arnold Spescha. Savens saja quai l'aura u la musica. Per auters scripturs èsi savens la vita sco tala, las istorgias che la vita porta a mintga carstgaun. En il Magazin da cultura raquintan Arnold Spescha, Arno Camenisch, Leo Tuor, Tim Krohn e Romana Ganzoni da lur temas preferids, quant datiers che els ston esser a quels e - da tge che els na vulessan u savessan betg scriver.En la litteratura preschenta Esther Krättli il crimi «Schwarzmost» da Daniel Badraun.Redacziun: Esther Berther

Weitere Themen:

- Tge sun ils temas preferids dals auturs - scriver dal viver

- Da tge temas na lessan ils auturs betg vairamain scriver

- Tips da cultura

- Tip persunal

- Litteratura: il nov crimi "Schwarzmost" da Daniel Badraun

Dapi l'atun 2014 è il Museum Engiadinais serrà causa sia sanaziun.Il Magazin da Cultura ha visità il museum bun in'emna avant la reavertura dal museum ed ha discurrì cun sia manadra Charlotte Schütt davart innovaziuns e midadas.Era en quest magazin guarda Corina Gustin enavos sin ils emprims mais da latabla.ch – in magazin online cun texts rumantschs ch'ella ha lantschà la stad passada.En la rubrica deditgada a la litteratura preschenta Clà Riatsch la poesia «La pü bella rima» da l'autur puter Artur Caflisch.Redacziun: Astrid Alexandre

Weitere Themen:

- Ina runda tras chasa cun Charlotte Schütt dal Museum Engiadinais

- Discurs cun Corina Gustin, inizianta da latabla.ch

- La «Filmwochenschau» va online

- Ils tips da cultura dals 19 da november

- Litteratura: poesia dal mais "La pü bella rima" dad Artur Caflisch

Venderdi ils 11 da november festivescha Paulin Nuotclà ses 65avel anniversari. Il Magazin da cultura ha entupà il chantautur per dar in sguard sin sia via musicala ed artistica. E nus avain er vulì savair dal piunier dal rock rumantsch, restauratur ed artist da sgrafits, tge che sa mida cun 65.Sin ils fastizs da maisters ch'avevan picturà cuntradas grischunas è sa fatg il schurnalist Charly Bieler, fotografond las cuntradas malegiadas. Quest'emna ha el preschentà ses cudesch «Wo die alten Meister standen». - Ina recensiun da la nossa spezialista dals cudeschs Esther Krättli.Redacziun: Rafael Müller

Weitere Themen:

- Litteratura: «Wo die alten Meister standen» da Charly Bieler

- Ils tips da cultura

- Il tip persunal - «Suberg»

- Paulin Nuotclà: da ses hits e ses plans

Scriver è in act creativ, scriver dovra inspiraziun. Ma danunder vegn quella - l'inspiraziun u l'uschenumnà «bitsch da la musa»? Èsi la finala tuttina simplamain lavur stentusa? En il Magazin da cultura discutain nus quest tema live als Dis da litteratura a Domat e quai cun l'autura Romana Ganzoni e la schurnalista e scriptura Fadrina Hofmann. Co èsi tar ellas?In nov num en il mund da la litteratura rumantscha è quel da Gianna Olinda Cadonau. Ella preschenta a Domat ses emprim cudesch da poesias cun il titel «Ultim'ura da la not», Esther Krättli ha discurrì cun ella.Redacziun: Esther Berther

Weitere Themen:

- Tips da cultura

- Tip persunal

- Litteratura: "L'ultim'ura da la not" da Gianna Olinda Cadonau

La Societad Botanica Svizra distingua Romedi Reinalter cun il commembradi d'onur. Il Magazin da cultura al ha visità en l'Engiadina.Questa sonda, ils 29 d'october 2016, daventa Romedi Reinalter da Brail commember d'onur da la Societad Botanica Svizra. En in ritem sporadic nominescha la societad persunas ch'han prestà lavur excellenta per la botanica. Esther Berther, la redactura dal Magazin da cultura, ha visità il botanicher e fatg ina spassegiada tras la flora en Engiadina.En la rubrica da la litteratura dain nus in sguard en il pogram dals Dis da litteratura a Domat . La redactura Esther Krättli tradescha tge che vegnan ad esser ils puncts culminants.Redacziun: Esther Berther

Weitere Themen:

- Il tip persunal dad Esther Berther

- Ils tips da cultura

- Romedi Reinalter e la botanica

- Sin viadi cun Romedi Reinalter

- Litteratura: Prevista sin ils Dis da litteratura

Ensemen cun ils archivs culturals da la regiun organisescha il Museum regiunal Surselva l'occurrenza «Archiv ni pupi vegl?» Sonda ils 29 d'october pon possessuras e possessurs mussar a Glion lur brevs veglias, cudeschs da fatschenta, prospects u er films da pli baud. Expertas ed experts da l'Archiv chantunal, da la Biblioteca chantunala e da l'archiv da la citad da Cuira dattan lur parairi davart ils documents vegls. Il Magazin da cultura vul savair: Pertge dovri questa occurrenza?Novas actas e novs protocols vegnan producids sonda ils 29 d'october a Lavin, a la radunanza da delegadas e delegads da la Lia Rumantscha. En tractanda stat l'emprova da la Lia da sa dar novas structuras. Il Magazin da cultura dat ina survista da la discussiun e prova da metter a lieu las emoziuns.En la rubrica litteratura preschenta Clà Riatsch «Raccolta» da Gian Fontana, ina poesia che mussa il conflict tranter dus temas d'atun: la racolta e la mort.Redacziun: Rafael Müller

Weitere Themen:

- Litteratura: Poesia dal mais - «Raccolta» da Gian Fontana

- Ils tips da cultura

- Tip persunal - Illusiuns dad ier ed oz en il panorama da Bourbaki

- Acziun «Archiv ni pupi vegl?»

- Novas structuras? - Radunanza Lia Rumantscha dals 29-10-2016