#Mahlakung-Mmalo! Naa Alfios o bolela nnete ge a re tshelete ya gagwe e bolokegile!

#Mahlakung-Alfios,”mohumi wa Mahlakung”bjale ka  ge a  ipitša, o ile  tavern ya Masedi moo re  kwago a swele go  swa , gomme  re kwa Tumi a bolela gore “today is today”re a fetša ka Motlaika,mola Brandon  le yena  re  ekwa  a  bolela gore Alfios o thabile kudu ga a tsebe gore o emetšwe ke selaga.Naa Tumi le  Brandon ba hlatha eng?

#Mahlakung-Matsobane o kgobokeditše tšhelete  yeo ba swanetšego go e romela Titi gore a bowe Morocco.Petronella o befetšwe o botšiša Matsobane gore Titi o tlile go e buša bjang ka gore ditšhelete tša gagwe kamoka di jelwe ke Hassan.Naa ka nnete ga a saba selo Titi goba go nale tšeo a di beeleditšego ka mono Afrika Borwa?

#Mahlakung-Dikeledi o botša Masedi gore ge e kaba o nyaka go boelela a ratana le  Brandon gape morago ga tšeo a ilego a mo dira tšona ,gona go ra  gore  Masedi ke setlaela.Naa  e  kaba phošo ge Masedi a ka  ratana le  Brandon  gape, goba ya boela pitšeng e  a swa?

#Mahlakung-Mmalo!Titi o šaletšwe ke diiiri tše pedi gore a ntšhiwe ka hoteleng yeo a robalago go yona kua Morocco,ga a sa na tšhelete, gomme le dijo o ja tšeo di šadišitšwego ke batho ba bangwe, mola a sa nyake go ya embassy ya Afrika Borwa ka kua Morocco. Matsobane o tla botša Petronela gore ba lapa ba koleke tšhelete gore a Titi a kgone go boa gae.Petronella o bolela gore yena ga a di tsene .Naa go tla sa bjang ka Titi?

#Mahlakung-Titi o šaretšwe ka Morocco, Dr Lethebe le Sister Millicent  ba fedile ka disego, naa Titi o tla sepela kae ge a boa mo Mahlakung?

#Mahlakung-Badudi ba Mahlakung kamoka ba a tseba gore Alfios o humane tšhelete ya dikgobadi tša kotsi ya sefatanaga( RAF), ge ba tšea dikgang, ke taba ya tšhelete ya Motlaika .Naa go lokile gore motho ge a humane tšhelete ya go etša ya RAF, goba a e thopile go gongwe e le matsebetsebe batho kamoka ba tsebe ka yona, goba moja sa gagwe o a iphihla ?

#Mahlakung-Alfios o botša Mamabona gore Mahlakung ga go na mosadisadi bjale ka Sophia ka gore o tseba monna le go mo kwešiša.Se se tlabile Mamabona e bile o gopola gore Sophia le Alfios ba a ratana.Naa re ka bona ka nnete Sophia le Alfios ba ratana ka gore Alfios o humane ditšhelete tša RAF gomme re a tseba gore Sophia ke mosadi wa go rata tšhelete kudu?

#Mahlakung-Phetola o befetšwe kudu o lateletše Brandon mošomong o nyaka go mmetha ka ge a be a ile moletlong wa basadi a tagilwe, o mmotša gore a kgaogane le lapa la gagwe.Naa Phetola o tla e kgona ya marato a bana ?Naa ke tshwanelo gore batswadi ba kgethele bana ba bona gore ba ratane le bomang, le gore ba seke ba ratana le bomang?

#Mahlakung-Hlapyadi o e tšweleleditše talente ya gagwe ya boreti, gohle go bolelwa ka bokgoni bja gagwe, le ge go le bjalo Sebjalebjale o sa šwela pele go mo sola le go mo ahlola ka mekgwa ya gagwe ya kgale.Naa ke eng seo motho a swanetšego go se dira gore batho ba dumele gore ka nnete tšeo a bego a di dira tše mpe a sa gola di fetogile,naa gona ke tshwanelo go ahlola motho ka mekgwa ya gagwe ya kgale goba wo Mokgekolo Sebjalebjale o nale bothata?